Rice assistance sa MUPs, mapakikinabangan ng local farmers-PBBM
- Published on November 13, 2024
- by @peoplesbalita
SINABI ng Department of Budget and Management (DBM) na ang rice assistance ni Pangulong Ferdinand Marcos Jr., sa military and uniformed personnel (MUP) ay hindi lamang makatutulong sa mga opisyal at pamilya nito kundi maging sa mga lokal na magsasaka.
Sa isang kalatas, pinuri ng DBM ang Administrative Order (AO) No. 26 ni Pangulong Marcos, nagbibigay pahintulot sa one-time grant na 25 kilograms ng bigas sa lahat ng aktibong MUPs.
Ang rice assistance grant, inirekomenda kay Pangulong Marcos ng DBM at Department of Agriculture (DA), naglalayong kilalanin ang kontribusyon ng uniformed personnel sa bansa, tulungan ang mga ito na makayanan ang epekto ng socio-economic challenges, at magbigay ng economic opportunities para sa mga nasa sektor ng agrikultura.
Ang Rice assistance ay ipamamahagi sa awtorisadong kinatawan ng MUPs mula December 2024 hanggang March 2025 sa itinalaga at piniling mga National Food Authority (NFA) warehouse.
Ang kakailanganing rice supply para sa programa ay huhugutin mula sa lokal at nagpapartisipang magsasaka ng Kadiwa program ng DA.
“Maganda rin po itong programa na ito dahil hindi lang military and uniformed personnel ang matutulungan kundi pati na rin ang mga local farmers natin,” ang sinabi ni Budget Secretary Amenah Pangandaman.
Sa kabilang dako, saklaw ng AO No. 26 ang Armed Forces of the Philippines sa ilalim ng Department of National Defense, Philippine National Police, Bureau of Fire Protection, Bureau of Jail Management and Penology, at Philippine Public Safety College sa ilalim ng Department of the Interior and Local Government, at maging ang Bureau of Corrections sa ilalim ng Department of Justice, Philippine Coast Guard sa ilalim ng Department of Transportation, at National Mapping and Resource Information Authority sa ilalim naman ng Department of Environment and Natural Resources.
Ang kakailanganing pondo para sa grant o pagkakaloob ng rice assistance ay kukunin mula sa contingent fund ng 2024 budget.
(Daris Jose)
-
HEART, inamin na maraming beses na nilang pinag-usapan ni CHIZ at siya ang madedesisyon kung makikipagtrabaho kay JERICHO
NAPAG-UUSAPAN din pala ng mag-asawang Governor Chiz Escudero at Heart Evangelista ang mga posibilidad tulad na lang kung muling makikipag-trabaho o makikipag-tambal si Heart sa ex-boyfriends niya. Tinanong ni Karen Davila sa kanyang YouTube vlog kung halimbawa raw at may pelikula, ang magiging partner ni Heart ay si Jericho Rosales, papayag daw ba […]
-
Halos 700 mga private schools, sarado muna ngayong school year -DepEd
Umaasa ang Department of Education (DepEd) na magiging pansamantala lamang ang pagsuspinde muna ng nasa halos 700 mga pribadong paaralan sa buong bansa sa kanilang operasyon ngayong school year. Ayon kay DepEd Usec. Jesus Mateo, nasa 676 ang mga private schools ang nagsabi na raw sa kanila na hindi raw muna sila magbubukas ngayong […]
-
‘About Us But Not About Us’, tinanghal na Best Film: JULIA, CHARLIE, GLADYS, ENCHONG at PIOLO, waging-wagi sa ‘The 7th EDDYS’
ITINANGHAL na Best Actress sina Julia Montes at Charlie Dizon habang waging Best Actor si Piolo Pascual sa katatapos lang na The 7th EDDYS o Entertainment Editors’ Choice ng Society of Philippine Entertainment Editors (SPEEd). Nanalo si Julia para sa natatangi niyang pagganap sa pelikulang “Five Breakups And A Romance” at si Charlie […]