Sa gitna ng babala ng China: PBBM, pinanindigan ang mga bagong EDCA sites

PINANINDIGAN at kinumpirma ni Pangulong Ferdinand Marcos Jr. na papayagan ang Estados Unidos na mag-station ng tropa nito at mga kagamitan sa apat pang bagong sites sa iba’t ibang panig ng bansa.

Ito’y sa gitna ng naging babala ng China na ang payagan ang mas marami pang sites sa ilalim ng PH-US Enhanced Defense Cooperation Agreement (EDCA) ay makapagduulot ng malubhang pinsala sa Pilipinas.

“There are four extra sites scattered around the Philippines. There are some in the north. There are some around Palawan. There are some  further south,” ayon kay Pangulong MArcos sa pagdiriwang ng ika-126 anibersaryo ng Philippine Army.

Hindi naman binanggit ng Pangulo ang mga bagong lokasyon subalit matatandaang noong 2014 pinayagan na ng EDCA ang Estados Unidos na pansamantalang mag-station ng tropa nito sa limang sites gaya ng Basa Air Base sa Pampanga, Fort Magsaysay sa Nueva Ecija, Lumbia Air Base sa Cagayan de Oro, Antonio Bautista Air Base sa Palawan at Benito Ebuen Air Base sa Cebu.

Winika naman ng Pangulo na malapit nang ianunsyo ng Pilipinas at Estados Unidos ang apat na bagong sites.

Binanggit din ng Chief Executive na ang karagdagang lokasyon para sa EDCA ay maaaring “defend our eastern coast.”

“That’s also something we have to look out for,” ayon sa Punon Ehekutibo sabay sabing kailangan din na protektahan ng bansa ang waters off ng eastern seaboard ng bansa partikular na ang Benham Rise.

Aniya pa, ang lokal na pamahalaan na “had interposed some objections” ay hayagan nang nagpahayag ng suporta sa posibilidad na magsilbing host sa US troops.

“We explained to them why it was important that we have that and why it will actually be good for their province,”  aniya pa rin. (BISHOP JESUS “JEMBA” BASCO)