Sa kabila ng pandemya, tradisyon sa pagdiriwang ng Pasko pangungunahan ng mga LGU
- Published on November 12, 2020
- by @peoplesbalita
SA kabila ng kinakaharap na pandemya, tiniyak ni Manila Mayor Isko Moreno Domagoso na handa ang lokal na pamahalaang Lungsod ng Maynila na buhayin ang ekonomiya at pasiglahin ang nakasanayang tradisyon ngayong panahon ng Kapaskuhan.
Sa ginanap na directional meet- ing kahapon na pinangunahan ni Domagoso kasama ang mga opisyal ng lokal na pamahalaan, inanunsiyo nito na magsasagawa ng tradisyunal na “Simbang Gabi” sa Kartilya ng Katipunan sa tulong ng pamunuan ng Quiapo Church.
Napag-alaman naman kay Department of Tourism, Culture and Arts of Manila (DTCAM) Director Charlie Duñgo, dakong- alas-8 ng gabi gaganapin ang “anticipated” Simbang Gabi sa Kartilya ng Katipunan na sisimulan sa Disyembre 15 kung saan dadaluhan ito ng mga kawani at opisyal ng mga departamento ng lokal na pamahalaang lungsod.
Ayon pa kay Duñgo, nakatakda umano silang mag- organisa ng “coffee festival” na may temang “Kape’t Luntian” sa Bonifacio Shrine Garden sa pakikipagtulungan sa Sagada Coffee.
“Let the City of Manila be the beacon of hope during this season. We will not be stopped by the pandemic. Ang gusto ko makita nila is welcome po sila sa Maynila. What is the purpose of government? Government is service, public service,” ani Domagoso. (Gene Adsuara)
-
3 drug suspects nalambat ng Malabon police sa buy bust
TATLONG hinihinalang drug personalities, kabilang ang dalawang ginang ang kalaboso matapos makuhanan ng mahigit P.1 milyon halaga ng shabu sa ikinasang buy bust operation ng pulisya sa Malabon City, kahapon ng madaling araw. Kinilala ni Malabon police chief P/Col. Amante Daro ang naarestong mga suspek bilang sina Joana Pabito, 48, Angelito Pabito alyas […]
-
Mayorya ng mga Pinoy naniniwalang importanteng pondohan ang family planning
HALOS siyam sa 10 Filipino adults ang naniniwala na importanteng paglaanan ng gobyerno ng sapag na pondo ang modern methods ng family planning. Batay sa lumabas na March 2022 Pulse Asia Survey, 88% ng respondents ang naniniwala na dapat maglaan ang pamahalaan ng pondo para sa modernong pamamaraan ng family planning, tulad ng […]
-
COVID-19 lockdown sa Shanghai, China pinalawig pa
PINALAWIG ng mga otoridad sa Shanghai, China ang ipinatupad nilang lockdown dahil sa pagtaas ng kaso ng COVID-19. Kung dati kasi ay mayroong hiwalay na paghihigpit sa western at eastern Shanghai. Maituturing ngayon ang Shanghai bilang pinakamalaking lungsod sa China na naka-lockdown. Sa ngayon ay aabot sa 13,000 na […]