Sharapova nagretiro, goodbye tennis na
- Published on February 28, 2020
- by @peoplesbalita
“PLEASE forgive me. Tennis—I’m saying goodbye.”
Ito ang maramdaming pamamaalam ni Maria Sharapova sa sport na minahal sa kanyang kolum sa Vogue at Vanity Fair.
Tuluyan nang bibitawan ni tennis superstar ang paghawak sa raketa nang ianunsyo nito ang kanyang pagreretiro.
Nabuhay sa mundo ng tennis si Sharapova. Pero sa kabila ng 28-taong pamamayagpag at pagsungkit ng limang Grand Slam title, ibang kabanata naman ang gustong harapin ngayon ng 32-anyos na tennis star.
“Tennis showed me the world—and it showed me what I was made of. It’s how I tested myself and how I measured my growth,” may ngiti sa labing pagsiwalat ni Sharapova.
Anuman daw ngayon ang tatahakin o haharaping bundok handa niya itong akyatin.
“And so in whatever I might choose for my next chapter, my next mountain, I’ll still be pushing. I’ll still be climbing. I’ll still be growing,” paniniyak nito sa publiko.
Nasa ranked 373 na ngayon ang dating Russian world number 1 makaraang bumaba na rin ang kanyang performance sa nakaraang malalaking torneyo.
Gumawa ng sariling pangalan si Sharapova nang maabot nito ang Wimbledon title taong 2004 sa edad 17. Taong 2005, naging world’s No. 1 ito.
Pero nabura ang pagiging dating Russian world number 1 nito nang lumamya ang performance nito sa malalaking torneyo hanggang sa umabot na lang sa ranked 373.
Nadungisan din ang mabango niyang pangalan nang masangkot siya at magpositibo sa drug test sa Australian Open taong 2016 at mapatawan ng 15-month ban.
-
Global firms, nangakong mamumuhunan, palalawakin ang operasyon sa Pinas- Malakanyang
NANGAKO ang ilang multinational firms na mamumuhunan at palalawakin ang kanilang operasyon sa Pilipinas. Kasunod ito ng talakayan sa sidelines ng World Economic Forum (WEF) sa Switzerland. “One of them is logistics company DP World, which is eyeing to establish an industrial park in Pampanga,” ayon sa Presidential Communications Office (PCO) […]
-
55 websites, ipinasara ng United States dahil sa illegal live streaming ng FIFA World Cup
LIMAMPU’T limang website ang nasamsam ng US Justice Department para sa ilegal na live-streaming na mga laban mula sa FIFA World Cup sa Qatar. Ayon sa pahayag ng departamento, ang mga website ay isinara matapos matukoy ng isang kinatawan ng FIFA ang mga site na ginagamit upang ipamahagi ang nilalamang lumalabag sa copyright […]
-
Lakers olats sa Celtics, Jaylen Brown 37 points
GUMANA ang pulso ni Jaylen Brown sa dulo ng regulation at sa overtime para balikatin ang Boston sa 125-121 win laban sa karibal na Lakers Sabado ng gabi sa TD Garden. Umiskor si Brown ng 37 kabilang ang panablang three-point play 4 seconds sa regulation, dinagdagdan ng 11 sa OT. Nagbaba pa siya ng […]