Simbahang Katolika, bukas sa ibang paniniwala at pananampalataya
- Published on January 21, 2023
- by @peoplesbalita
TINIYAK ng Kanyang Kabunyian Manila Archbishop Jose Cardinal Advincula na bukas ang simbahan sa lahat maging sa ibang paniniwala at pananampalataya.
Ito ang pahayag ng cardinal sa pagdiriwang ng Week of Prayer for Christian Unity ngayong taon na nakatuon sa temang ‘Do Good. Seek Justice.’
Sinabi ni Cardinal Advincula na patuloy ang pakikipag-ugnayan ng simbahang katolika sa bawat religious group sa layuning pagbuklurin ang pamayanan bilang sambayanan ng Diyos.
“The Church is inclusive. The Church is ecumenical. The Church is in dialogue with other faith traditions. The Church is in dialogue with the whole world. Our goal is Christian unity so that the world may believe,” pahayag ni Cardinal Advincula sa Radio Veritas.
Inihayag ng cardinal na hindi kinalulugdan ng Panginoon ang anumang gawaing simbahan kung patuloy ang pagtatangkilik sa karahasan at kawalang katarungan sa lipunan lalo na sa mga dukha at naisasantabing sektor.
Iginiit ni Cardinal Advincula na dapat isabuhay ng bawat isa ang mensahe ni Propeta Isaiah na makakamit ang katarungan sa pamamagitan ng pagsasantabi sa karahasan, kayamanan at kapangyarihan sa halip ay pangalagaan ang mahihinang sektor ng pamayanan.
“Ours is an engagement and dialogue that is not limited to beautiful words alone. Ours is an engagement that dares to immerse itself in the stark reality of our world, a world that is wounded by injustice, sin and violence. We proclaim Christ crucified. We likewise proclaim the victory of the Risen Christ,” ani Cardinal Advincula.
Binigyang diin ng arsobispo na sa pagsilang ni Hesus sanlibutan ay nabigyang pag-asa ang mga naisasantabi gayundin ang mga dukha sapagkat niyakap ito ni Hesus nang buong pagmamahal.
Napapanahon din ang pagdiriwang ng Christian unity lalo’t marami sa mga kristiyano sa buong mundo ang nakararanas ng pang-uusig at diskriminasyon dahil sa pananampalataya na ayon sa datos ng Open Doors ay nasa 360-milyon.
Unang hiniling ni Pope Francis sa mananampalataya na ipanalangin ang bawat kristiyano na sa tulong at gabay ng Panginoon ay manahan ang Banal na Espiritu na magbibigay liwanag sa kaisipan ng tao.
1948 kasabay ng pagtatag ng World Council of Churches ay sinimulang ipagdiwang sa buong mundo ang walong araw na Week of Prayer for Christian Unity. (BISHOP JESUS “JEMBA” M. BASCO)
-
Sec. Roque, matapang na hinamon ng debate si VP Leni
MATAPANG na hinamon ni Presidential Spokesperson Harry Roque si Vice-President Leni Robredo ng isang debate. Ang dahilan ni Sec Roque, isa rin kasi sa maingay si VP Leni sa isyu ng West Philippine Sea (WPS). Sinabi kasi ni VP Leni na magkakaroon sana ng magandang diskurso sa publiko kung natuloy ang debate sa […]
-
Gatchalian may malaking papel na gagampanan bilang Kalihim ng DSWD
KUMPIYANSA si Cavite Rep. Elpidio “Pidi” Barzaga, Jr., sa gagampanang papel ni Valenzuela Rep. Rex Gatchalian bigang bagong talagang kahilim ng Department of Social Welfare and Development DSWD). Ayon kay Barzaga, ito ay bunsod na rin sa maayos na record ng mambabatas na nagsilbing local chief executive at kongresista. Nagsilbi ng […]
-
Easter message ni PDu30: Magkaroon ng pananampalataya sa isa’t isa, tumayong nagkakaisa
TINAWAGAN ni Pangulong Rodrigo Roa Duterte ang sambayanang Filipino ngayong Easter Sunday na magkaroon ng pananampalataya sa isa’t isa at maging matatag at nagkakaisa sa journey o paglalakbay bilang tao. Sa kanyang Easter Sunday message, sinabi ng Pangulong Duterte na ang mga mamamayang Filipino ay nananatiling “strong and resilient” sa mga hamon na […]