- May 21, 2024
-
Search in People's Balita
Ang Diyaryong Pinagkakatiwalaan
Archive for January 21st, 2023
Nominado naman sa ‘2023 BAFTA Film Awards’: DOLLY, patuloy na umaani ng tagumpay at pagkilala dahil ‘Triangle of Sadness’
PATULOY na umaani ng tagumpay at pagkilala abroad ang Filipina actress na si Dolly de Leon dahil nominado naman siya sa 2023 BAFTA Film Awards sa United Kingdom para sa pelikulang “Triangle of Sadness.”
Muli niyang makakalaban sa naturang kategorya sa BAFTA si Angela Bassett mula sa Black Panther: Wakanda Forever at sina Hong Chau (The Whale), Kerry Condon (The Banshees of Inisherin), Jamie Lee Curtis (Everything Everywhere All At Once) at Carey Mulligan (She Said).
Narito ang kumpletong listahan ng mga nominado sa iba pang category ng BAFTA:
BEST FILM
“All Quiet on the Western Front”
“The Banshees of Inisherin”
“Elvis”
“Everything Everywhere All At Once”
“Tár”
OUTSTANDING BRITISH FILM
“Aftersun”
“The Banshees of Inisherin”
“Brian And Charles”
“Empire of Light”
“Good Luck to You, Leo Grande”
“Living”
“Roald Dahl’s Matilda The Musical”
“See How They Run”
“The Swimmers”
“The Wonder”
DIRECTOR
Edward Berger, “All Quiet on the Western Front”
Martin McDonagh, “The Banshees of Inisherin”
Park Chan-wook, “Decision To Leave”
Dan Kwan, Daniel Scheinert, “Everything Everywhere All At Once”
Todd Field, “Tár”
Gina Prince-Bythewood, “The Woman King”
LEADING ACTRESS
Ana de Armas, “Blonde”
Cate Blanchett, “Tár”
Viola Davis, “The Woman King”
Danielle Deadwyler, “Till”
Emma Thompson, “Good Luck to You, Leo Grande”
Michelle Yeoh, “Everything Everywhere All At Once”
LEADING ACTOR
Austin Butler, “Elvis”
Brendan Fraser, “The Whale”
Colin Farrell, “The Banshees of Inisherin”
Daryl McCormack, “Good Luck to You, Leo Grande”
Paul Mescal, “Aftersun”
Bill Nighy, “Living”
SUPPORTING ACTRESS
Angela Bassett, “Black Panther: Wakanda Forever”
Hong Chau, “The Whale”
Kerry Condon, “The Banshees of Inisherin”
Jamie Lee Curtis, “Everything Everywhere All At Once”
Dolly De Leon, “Triangle of Sadness”
Carey Mulligan, “She Said”
SUPPORTING ACTOR
Brendan Gleeson, “The Banshees of Inisherin”
Barry Keoghan, “The Banshees of Inisherin”
Ke Huy Quan, “Everything Everywhere All At Once”
Eddie Redmayne, “The Good Nurse”
Albrecht Schuch, “All Quiet on the Western Front”
Micheal Ward, “Empire of Light”
ORIGINAL SCREENPLAY
“The Banshees of Inisherin”
“Everything Everywhere All At Once”
“The Fabelmans”
“Tár”
“Triangle of Sadness”
ADAPTED SCREENPLAY
“All Quiet on the Western Front”
“Living”
“The Quiet Girl”
“She Said”
“The Whale”
FILM NOT IN ENGLISH LANGUAGE
“All Quiet on the Western Front”
“Argentina, 1985”
“Corsage”
“Decision To Leave”
“The Quiet Girl”
DOCUMENTARY
“All That Breathes”
“All the Beauty and the Bloodshed”
“Fire of Love”
“Moonage Daydream”
“Navalny”
ANIMATED FILM
“Guillermo del Toro’s Pinocchio”
“Marcel the Shell with Shoes On”
“Puss in Boots: The Last Wish”
“Turning Red”
ORIGINAL SCORE
“All Quiet on the Western Front”
“Babylon”
“The Banshees of Inisherin”
“Everything Everywhere All At Once”
“Guillermo del Toro’s Pinocchio”
(ROMMEL L. GONZALES)
PBBM, nakipagpulong sa int’l CEOs
NAKIPAGPULONG si Pangulong Ferdinand R. Marcos Jr., sa international chief executive officers (CEOs) para pag-usapan ang mga potensiyal na business opportunities sa Pilipinas.
Ang breakfast meeting ay idinaos sa pagitan nina Pangulong Marcos at world’s top CEOs sa Davos, Switzerland para magawa ng Pangulo na maipresenta ang investment climate sa Pilipinas,” ayon kay Presidential Communications Office (PCO) Secretary Cheloy Garafil.
Ani Garafil, kasama ng Pangulo ang kanyang official Philippine delegation na kinabibilangan ng kanyang Cabinet at top Philippine business leaders.
“Top international CEOs gathered for a breakfast meeting with President Ferdinand R. Marcos Jr., his Cabinet, official delegation and the 7 top Philippine CEOs to discuss the investment climate in the Philippines and to find ways to facilitate their business operations in the country,” ang wika ni Garafil.
Nagkaroon din ng pagkakataon si Pangulong Marcos na makilala at makapulong si Gokul Laroia, chairperson ng investment banking powerhouse Morgan Stanley for Asia Pacific, sa sidelines ng kanyang naging partisipasyon sa World Economic Forum (WEF).
Ani Garafil si Laroia, sa nasabing pulong kasama ang Pangulo, tinalakay ang plano ng Morgan Stanley na magkaroon ng opisina sa Maynila.
“Mr. Laroia informed President Marcos that the top global investment bank will set up office in Manila,” aniya pa rin .
Si Pangulong Marcos ay kasalukuyang nasa Davos para ipresenta ang “current state” ng Philippine economy at manghikayat ng mas maraming investors.
Araw ng Martes, (Zurich time), nagkaroon din ng serye ng business meetings si Pangulong Marcos sa WEF sidelines, kabilang na rito ang pakikipagpulong sa mga opisyal ng mining at commodities training giant na Glencore.
Si Pangulong Marcos at ang mga Glencore officials sa pangunguna ng kanilang CEO, Gary Nagle, ay tinalakay ang layunin ng Swiss multinational firm na palawigin ang business operations nito sa Pilipinas.
“On the sidelines of the World Economic Forum (WEF) organized sessions, President Ferdinand R. Marcos Jr. and Trade Secretary Alfredo Pascual met with Mr. Gary Nagle, Chief Executive Officer of Glencore, on Tuesday to discuss the company’s interest to expand mining and processing operations in the Philippines,” ayon kay Garafil.
Ayon pa kay Garafil, ang Glencore, isa sa pinakamalaki at globally diversified natural resource companies sa buong mundo, nakikita ang Pilipinas bilang isang “potential partner to process nickel and copper resources responsibly and sustainably for use in electric vehicle batteries and energy storage units.”
” Glencore is engaged in a wide range of commodity production, sourcing, processing, refining, transporting, storage, financing and supply. With 60 mining, metallurgical and oil production assets worldwide, Glencore is dedicated to responsibly sourcing the commodities that drive progress in everyday life,” ayon sa ulat.
Samantala, isang “warm welcome” naman ang natanggap ng Pangulo mula kay WEF founder at chairperson Klaus Schwab, araw ng Martes, ang sinabi ng Office of the President (OP) sa Facebook post.
Nakakuha naman ng “a very positive response” ang investment pitch ng Pangulo mula sa top chief executive officers at investment experts ng buong mundo na dumalo sa WEF. (Daris Jose)
Simbahang Katolika, bukas sa ibang paniniwala at pananampalataya
TINIYAK ng Kanyang Kabunyian Manila Archbishop Jose Cardinal Advincula na bukas ang simbahan sa lahat maging sa ibang paniniwala at pananampalataya.
Ito ang pahayag ng cardinal sa pagdiriwang ng Week of Prayer for Christian Unity ngayong taon na nakatuon sa temang ‘Do Good. Seek Justice.’
Sinabi ni Cardinal Advincula na patuloy ang pakikipag-ugnayan ng simbahang katolika sa bawat religious group sa layuning pagbuklurin ang pamayanan bilang sambayanan ng Diyos.
“The Church is inclusive. The Church is ecumenical. The Church is in dialogue with other faith traditions. The Church is in dialogue with the whole world. Our goal is Christian unity so that the world may believe,” pahayag ni Cardinal Advincula sa Radio Veritas.
Inihayag ng cardinal na hindi kinalulugdan ng Panginoon ang anumang gawaing simbahan kung patuloy ang pagtatangkilik sa karahasan at kawalang katarungan sa lipunan lalo na sa mga dukha at naisasantabing sektor.
Iginiit ni Cardinal Advincula na dapat isabuhay ng bawat isa ang mensahe ni Propeta Isaiah na makakamit ang katarungan sa pamamagitan ng pagsasantabi sa karahasan, kayamanan at kapangyarihan sa halip ay pangalagaan ang mahihinang sektor ng pamayanan.
“Ours is an engagement and dialogue that is not limited to beautiful words alone. Ours is an engagement that dares to immerse itself in the stark reality of our world, a world that is wounded by injustice, sin and violence. We proclaim Christ crucified. We likewise proclaim the victory of the Risen Christ,” ani Cardinal Advincula.
Binigyang diin ng arsobispo na sa pagsilang ni Hesus sanlibutan ay nabigyang pag-asa ang mga naisasantabi gayundin ang mga dukha sapagkat niyakap ito ni Hesus nang buong pagmamahal.
Napapanahon din ang pagdiriwang ng Christian unity lalo’t marami sa mga kristiyano sa buong mundo ang nakararanas ng pang-uusig at diskriminasyon dahil sa pananampalataya na ayon sa datos ng Open Doors ay nasa 360-milyon.
Unang hiniling ni Pope Francis sa mananampalataya na ipanalangin ang bawat kristiyano na sa tulong at gabay ng Panginoon ay manahan ang Banal na Espiritu na magbibigay liwanag sa kaisipan ng tao.
1948 kasabay ng pagtatag ng World Council of Churches ay sinimulang ipagdiwang sa buong mundo ang walong araw na Week of Prayer for Christian Unity. (BISHOP JESUS “JEMBA” M. BASCO)
“BARBIE” REVEALS TEASER POSTER, OPENS JULY 19 IN PH
WARNER Bros. Pictures has revealed the teaser poster of the highly awaited comedy “Barbie” from the Oscar-nominated director Greta Gerwig.
In 6 months, get ready for Margot Robbie and Ryan Gosling in “Barbie” — only in cinemas July 19.
[Watch the film’s trailer at https://youtu.be/KuoyHVe6QCU]
About “Barbie”
Since the beginning of time, since the first little girl ever existed, there have been…dolls. But the dolls were always and forever baby dolls. Until… “Barbie.”
Directed by Greta Gerwig (“Little Women,” “Ladybird”), “Barbie” is written by Gerwig and Noah Baumbach (“Marriage Story”).
Joining Robbie and Gosling in the cast are Simu Liu, America Ferrera, Ariana Greenblatt, Ncuti Gatwa, Issa Rae, Hari Nef, Michael Cera, Emma Mackey, Kate McKinnon, Alexandra Shipp, Kingsley Ben-Adir, Rhea Perlman, Emerald Fennell, Sharon Rooney, Scott Evans, Ana Cruz Kayne, Connor Swindells, Ritu Arya, Jamie Demetriou and Marisa Abela.
Join the conversation online and use the hashtag #BarbieTheMovie
(ROHN ROMULO)
Mayor Wes, Senator Win, nagbigay ng cash aid sa mga nasunugan sa Valenzuela
BILANG tulong sa mga pamilyang nawalan ng bahay sa nangyaring sunog sa Barangay Gen. T. De Leon noong Enero 14, pinagkalooban ng Pamahalaang Lungsod ng Valenzuela sa pamumuno ni Mayor WES Gatchalian at ng opisina ni Senator WIN Gatchalian ng tulong pinansyal ang mga nasunugan sa Bitik Elementary School.
Ang bawat pamilyang pansamantalang naninirahan sa evacuation site at ganap na nasira ang mga bahay ay nakatanggap ng cash assistance na PHP 10,000 mula sa lokal na pamahalaan habang ang mga bahay ng mga pamilyang bahagyang nasira ay tumanggap ng PHP 7,000 bawat isa. Bukod dito, nagbigay din ang opisina ni Senator WIN ng PHP 5,000 kada pamilya.
Ang cash support na kanilang natanggap ay ang kanilang fueling boost upang makahanap ng matitirhan o makabili ng mga materyales para muling makapagtayo ng kanilang mga nasirang bahay.
Nabatid na umabot sa 74 pamilya ang nawalan ng tahanan sa naganap na sunog sa naturang barangay kung saan wala namang naiulat na namatay o nasugatan sa nasabing insidente habang tinatayang umabot sa PHP 200,000 ang halaga ng ari-arian na napinsala.
Maliban sa cash aid, nagbigay din ang Department of Welfare and Development Office (DSWD) ng Family Kits na naglalaman ng clothes para sa mga bata at matatanda, slippers, bath towels, underwear, at short pants.
Personal na binisita ni Mayor WES ang mga nasunugan upang tingnan kung ano pa ang maibibigay na tulong ng lokal na pamahalaan.
“Alam kong mabigat po ang pakiramdam na mawalan ng mga kagamitan, pero ang importante sa lahat ay buhay tayo – ang ating mga anak ay buhay, ang ating mga magulang, pati po ang mga senior citizen po natin ay nasa maayos pong kalagayan. Ang iba pong pangangailangan na materyal, ‘wag po kayong mag-alala [dahil] nandito po ang lokal na pamahalaan na palagi pong sumusuporta sa inyo.” pahayag ng alkalde. (Richard Mesa)
Updated SRP sa mga pangunahing bilihin, isinasapinal pa ng DTI
KASALUKUYAN pang isinasapinal ng Department of Trade and Industry (DTI) ang paglalabas ng updated suggested retail price (SRP) ng mga basic necessities and prime commodities (BNPCs) sa bansa.
Sa gitna pa rin ito ng patuloy na pagtaas sa presyo ng mga pangunahing bilihin sa Pilipinas.
Matatandaan na una nang sinabi ng ahensya na Enero ng taong ito ang kanilang target date para sa release ng SRP ngunit nang dahil sa iba’t-ibang suliranin ay pansamantalang mauudlot ito.
Paliwanang ni DTI Usec. Ruth Castelo, pinag-aaralan pa raw kasi ng kagawaran ang tamang panahon kung kailan dapat na ilabas ang updated SRP sa mga pangunahing bilihin.
Hangga’t maaari kasi aniya ay ayaw munang isabay ito ng ahensya sa kasalukuyang nararanasang pagsirit ng presyo ng iba pang produkto ngayon sa merkado.
Bukod dito ay sinabi rin Castelo na mayroon pa raw kasi silang mga pending request mula sa mga manufacturers na humihiling ng price adjustments, habang on going pa rin aniya ang kanilang computation sa mga nauna nang request na kanilang natanggap.
Kaugnay nito ay inihayag din ni Usec. Castelo na kabilang sa mga humihiling ng price adjustment sa DTI ay ang mga manufacturer ng canned sardines, canned milk, kape, instant noodles, tinapay, kandila, detergent soap, prime canned meat, at ilang hygeine products tulad ng bath soap.
Isa aniya sa mga pangunahing dahilan nito ay ang mataas na halaga ng raw materials na inaangkat pa mula sa ibang bansa, presyo ng logistics, at packaging materials na sanhi ng dagdag na cost of productions ng mga ito.
Samantala, patuloy naman ang ginagawang paalala ng DTI sa mga negosyante na hindi dapat magkaroon ng paggalaw sa presyo ng kanilang mga produkto na nakabatay pa rin sa kasalukuyang SRP hangga’t walang bagong inilalabas na listahan nito ang nasabing kagawaran.
Makakasama sina Gabbi, Sanya at Kylie: SUNSHINE, balik-Kapuso na after ng isang project sa Kapamilya network
MATAPOS ipaghanda at imbitahan ni Bea Alonzo sa isang merienda-dinner para sa kanilang Aeta neighbors sa Beati Farm sa Iba, Zambales, pinaratangan pa siya ng isang netizen na may Twitter account na @ALOyoutoo.
Inagaw raw niya ang lupa na pag-aari ng mga katutubo at tweet nito, “That’s nice, now how about giving their land back?ĺ
Kaya naglabas ng official statement ang legal counsel ni Bea na si Atty. Joey V. Garcia ng GERA law office upang pabulaanan ang ikinakalat na paninira: “For the record, our client vehemently opposes that baseless and very unfair accusation. She and her family are the absolute and registered owners of the parcels of land in Zambales, acquired through legal and valid means.
“Let this message serve as a stern and final warning to that fellow who made the disparaging remarks against Ms. Bea Alonzo on social media to retract his/her unfounded accusations and to cease from further making defamatory statements that bring disrepute to our client. Otherwise, we shall be constrained to initiate all the appropriate legal actions against him/her in no time.”
Handa rin si Atty. Garcia na sagutin ang lahat ng mga katanungan tungkol sa mali at mabigat na akusasyon laban kay Bea, at magsampa ng kaukulang reklamo kapag hindi binawi ng taong nag-umpisa ng paninira na ikinalat niya sa social media.
***
SUPORTADO pala ng Games and Amusements Board (GAB), ang nalalapit na first esports tournament ni Asia’s Multimedia Star Alden Richards.
Matapos makabalik si Alden sa 10-day Japan vacation niya with his family, dumalaw siya sa opisina ng GAB at na-meet niya ang newly-appointed GAB Chairman, si Atty. Richard Clarin.
Post ng GAB: “Myriad Entertainment Corporation, an Esports company owned by Mr. Richard Faulkerson, Jr., will have its first professional esports tournament on January 28, 2023, at the Ynares Sports Arena, Pasig City. Esport is one of the professional sports under the supervision and regulation of the Games and Amusements Board (GAB). The GAB gives its full support of the Philippine esports community, under the leadership of newly-appointed Chairman Atty. Richard Clarin.”
After the esports tournament, haharapin naman ni Alden and mga bagong projects na gagawin niya for GMA Network. Abangan din ang special interview ni Paolo Contis kay Alden para sa kanyang YouTube channel.
***
TIYAK na ikatutuwa ng mga fans ni Sunshine Dizon na balik-GMA Network na muli ang actress, pagkatapos ng first project niya sa Kapamilya network.
Kasama si Sunshine sa bagong GMA Primetime series na “Mga Lihim ni Urduja,” na pagbibidahan nina Gabbi Garcia, Sanya Lopez at Kylie Padilla. Special participation ang character na gagampanan ng actress. Matatandaan na magkakasama silang apat noon sa “Encantadia “ series, with Glaiza de Castro.
Ang “Mga Lihim ni Urduja” ay patuloy pang nagti-taping ngayon, pero sila raw ang ipapalit sa “Maria Clara at Ibarra” nina Barbie Forteza, Julie Anne San Jose at Dennis Trillo na magtatapos na this February, 2023.
Napapanood ang serye gabi-gabi sa GMA-7, at 8PM, after ng “24 Oras.”
(NORA V. CALDERON)
DepEd execs, kasuhan sa overpriced laptop – Senado
INIREKOMENDA ng Senate Blue Ribbon Committee na sampahan ng mga kasong katiwalian, perjury, falsification of public document, kasong administratibo at sibil ang mga dati at kasalukuyang opisyal ng Department of Education (DepEd) at Procurement Service ng Department of Budget and Management (PS-DBM) na sangkot sa umanoy P2.4 billion overpriced na pagbili ng laptop.
Sa 197 pahinang committee report, inirerekomenda na kasuhan sina Usec. Alain del Pascua, Usec. Analyn Sevilla, Asec. Salvador Malana III, Director Abram Abanil, PS-DBM OIC Dir. Lloyd Christopher Lao, PS-DBM acting Dir. Jasonmer Uayan, BAC Chairman Ulysses Mora, at iba pang miyembro ng SBAC 1 and SBAC TWG secretariat at staff.
Habang 1 count ng falsification of public documents at 1 count ng paglabag sa Section 3 (A) ng Anti-Graft and Corrupt Practices Act laban kina Sevilla at dating Executive Asst. Alec Ladanga.
Ayon pa sa committee report na iniharap ni Sen. Francis Tolentino na siyang may-akda at chairman ng komite, maliwanag na overpriced ng lampas na P979 milyon ang mahigit 39,000 laptop ng binili ng PS-DBM noong Pebrero 2021.
Gamit sa pagbili ng laptop ang P2.4 bilyon na pondong ipinasa ng DepEd.
Hindi naman kasama sa pinakakasuhan sina dating DepEd Secretary Leonor Briones at dating Budget Secretary Wendel Avisado dahil walang ebidensiya laban sa kanila.
May 11 senador na kasapi ng Blue Ribbon committee ang lumagda sa report habang tutol naman sa report si Sen. Jinggoy Estrada. (Daris Jose)
Para pabulaanan ang paratang na ‘land grabber’: Legal counsel ni BEA, naglabas ng statement at handang magsampa ng kaso
UMANI ng papuri si Bea Alonzo sa pagpapakain niya sa mga Aeta na kapitbahay niya sa Zambales nguni’t nakatanggap pa rin ito ng negatibong komento mula sa Twitter user na si @ALOveyoutoo, na tila inakusahan pa si Bea na nagnakaw ng lupain ng mga katutubong Aeta.
Sa kanyang Twitter, ni-reshare niya ang isang post na may screenshots mula sa vlog ni Bea at sinabing, “That’s nice, now how about giving their land back.”
Ang eksaktong post na ito ay hindi na makikita sa Twitter dahil nag-private na ng account ang naturang user. Ngunit ito ay agad na na-screenshot ng mga netizen.
Nakasaad sa pahayag ng abogado na ipinadala sa PEP.ph at isinulat ni Jojo Gabinete na : “It is unfortunate that a certain ‘aloveyoutoo’ made a very irresponsible & highly outrageous statement on Twitter asserting that Ms. Bea Alonzo should give ‘their – (referring to Aetas) land back.’
“For the record, our client vehemently opposes that baseless and very unfair accusation. She and her family are the absolute and registered owners of the parcels of land in Zambales, acquired through legal and valid means.
“Let this message serve as a stern & final warning to that fellow who made the disparaging remarks against Ms. Bea Alonzo on social media to retract his/her unfounded accusation and to cease from further making defamatory statements that bring disrepute to our client.
“Otherwise, we shall be constrained to initiate all the appropriate legal actions against him/her in no time.”
Handa rin umano ang kampo ni Bea na magsampa ng kaukulang reklamo kung hindi babawiin ng nagpasimula ng isyu ang kanyang pahayag.
Samantala, bago mag-private sa Twitter, ipinaliwanag ni @ALOveyoutoo ang kanyang naging pahayag.
Base sa mga screenshot, sinabi niya na, “To clarify, my point is it is strange that celebrities can have a farm when IP groups like the aeta struggle so much to own a land that they are often forced off of, and not that Bea Alonzo is a land grabber. Apologies.”
***
ISA si Maja Salvador sa mga personalidad na pinarangalan sa 17th Eastwood Walk of Fame nitong January 18 kung saan ilan sa mga personalidad na nakasama ni Maja ay sina 2020 Tokyo Olympics weightlifting gold medal winner Hidilyn Diaz, National Artist Ricky Lee, entertainment reporter Mario Dumaual for news and public affairs, singer Janet Basco for music, broadcast journalist Gerry Baja for radio, at internet sensations Ranz Kyle at Nianna Guerrero for social media.
Kinilala rin ang late National Artist for Theater Tony Mabesa para sa kanyang contributions sa teatro.
Emosyonal si Maja nang magpasalamat dahil kabilang na siya sa Eastwood City Walk of Fame.
“‘Di ko alam ang sasabihin ko, I am overwhelmed by this honor you’re giving me tonight. Maraming maraming salamat po. I would like to share it with my management, Crown Artist Management.
“Kay Mr. M (Johnny Manahan). Parang walang Maja Salvador kung hindi rin kay Mr. M. Sa unang manager ko, Tita Chit Ramos, forever akong nagpapasalamat sa kanya.
“Of course sa lahat ng fans na laging nandiyan who supported me through the years. Maraming, maraming salamat.”
Ayon pa kay Maja, maagang regalo ang mapabilang sa Eastwood City Walk of Fame dahil sa darating na February na ang kanyang 20th anniversary sa showbiz.
“Magandang gift ito sa akin kasi kung hindi po ninyo naitatanong, 20 years na po ako sa industry this coming February. Ang gandang regalo nito sa akin kaya maraming salamat po.”
(ROMMEL L. GONZALES)