Sinopharm booster, walang side effects kay PDu30- Nograles
- Published on January 20, 2022
- by @peoplesbalita
HINDI nakaranas ng kahit na anumang masamang epekto si Pagngulong Rodrigo Roa Duterte matapos na makatanggap ng kanyang Sinopharm booster shot laban sa COVID-19.
Ito’y sa kabila ng wala pang data ang makapagpapakita na ang Sinopharm ay “appropriate booster.”
“Wala naman pong masamang epekto kay President Duterte [ang Sinopharm] sa pagkakaalam namin,” ayon kay Acting Presidential Spokesperson at Cabinet Secretary Karlo Nograles.
Ang pahayag na ito ni Nograles ay tugon sa tanong sa kanya kung bakit Sinopharm ang ginamit na booster kay Pangulong Duterte kahit hindi pa naman inirerekomenda ng vaccine experts panel ng bansa ang Sinopharm bilang booster dahil sa kakulangan ng data kapwa mula sa ibang bansa at manufacturer ng Chinese vaccine.
“The vaccine given to the President, including his primary dose [of two-dose Sinopharm] is between him and his personal physician,” ayon kay Nograles.
Gayunpaman, hindi naman masabi ni Nograles ang timeline kung kailan ilalabas ng mga eksperto ang kanilang rekomendasyon kung ano ang nararapat na booster para sa Sinopharm na itinurok din sa publiko.
“Our experts panel are in touch with the Sinopharm manufacturers for the data so that the proper recommendation for its booster can be issued as soon as possible,” ayon kay Nograles.
Nauna rito, sinabi ni Nograles na nabigyan na ang Chief Executive ng booster shot laban sa COVID-19 at iyon nga aniya ay Sinopharm.
“Sa declaration niya kagabi sa Talk to the People, it appears na nakapag-booster na si Pangulo at Sinopharm ang nagamit,” ayon kay Nograles noong Enero 7. (Daris Jose)
-
4 pang NBA players nagpositibo sa COVID-19
Apat pang panibagong mga NBA players ang nagpositibo sa COVID-19 mula ito sa halos 500 na isinailalim sa testing sa loob ng isang linggo. Sinasabing kabilang sa nagpositibo sa virus ay ang mga players ng Chicago Bulls na sina Chandler Hutchison at Tomas Satoransky. Bago ito, umabot sa 492 players ang […]
-
Official color ay fire orange na fave niya: JULIE ANNE, in-announce na ang bagong fandom name na ‘JAmantes’
IN-ANNOUNCE ni Julie Anne San Jose via social media ang bagong name at official color nito. Sa Instagram Reel ni Kapuso Limitless Star, marami raw siyang pinagpilian na fandom names tulad ng Adiks, Kahel, JUWels, and Symphonies. Pero ang napili niya ay JAmantes. At ang kanilang official color ay fire orange. […]
-
Rank 9th top most wanted person, timbog sa Caloocan
NABITAG ng pulisya ang isang mekaniko na listed bilang 9th top most wanted sa kasong panggagahasa sa isinagawang manhunt operation sa Caloocan City, kamakalawa ng hapon. Kinilala ni Caloocan police chief P/Col. Ruben Lacuesta ang naarestong akusado bilang si Alfonso Ruiz Jr, 55, mekaniko ng 499 Tullahan Road, Sepa St., Barangay 162, Sta. […]