• June 24, 2024
  • Ang Diyaryong Pinagkakatiwalaan

Sinovac, natatanging opsyon ng ‘Pinas -Sec. Roque

Ang COVID-19 vaccine na Sinovac mula sa China ang natatanging opsyon para sa pagbabakuna sa mga Filipino hanggang sa kalagitnaan ng taon.

Ang first batch ng Sinovac vaccine ay nakatakdang dumating sa bansa sa Pebrero habang ang mga doses mula sa Western drug makers ay magiging available pa lamang sa buwan ng Hunyo.

“Pagdating po ng bakuna hanggang Hunyo, wala po talagang pilian ‘yan dahil iisa lang po ang bakuna na magiging available. Iyon nga po iyong galing sa Tsina,” ayon kay Presidential Spokesperson Harry Roque.

Kahapon, pinasaringan ni Sec.Roque ang mga Filipino na mas pinipili ang COVID-19 vaccine mula sa US-based pharmaceutical giant na Pfizer.

Sinabihan niya ang mga ito na huwag nang maging “choosy” sa bakunang ibibigay sa kanila ng pamahalaan.

Gayunpaman sinabi naman ni vaccine czar Carlito Galvez na ang Pfizer vaccine ay maaaring dumating ng mas maaga kaysa sa Sinovac dahil ang pag-rollout nito ay pangangasiwaan ng COVAX Facility, isang global initiative na naglalayong tiyakin ang equitable access sa gamot.

Ang lahat ng bakuna na bibigyang awtorisasyon para sa emergency use ng local Food and Drug Administration ay mayroong “equal footing,” ayon naman kay Health Undersecretary Maria Rosario Vergeire.

“Ito po ay magiging ligtas saka magiging epektibo para sa ating mga kababayan,” ayon kay Usec. Vergeire sa press briefing ni Sec. Roque.

“Hindi po natin kailangan na mamili po tayo ng bakuna. Kung ano po iyong mauunang bakuna, atin pong tanggapin iyan,” dagdag na pahayag ni Usec. Vergeire. (Daris Jose)

Other News
  • Suplay ng NFA rice, sapat para sa mga Kadiwa store-PBBM

    MAY sapat na bigas ang  National Food Authority (NFA) para suplayan ang mga Kadiwa store ngayong Kapaskuhan. Pinangunahan kasi kahapon, araw ng Sabado ni Pangulong Ferdinand Marcos Jr. ang “surprise inspection” sa warehouse ng National Food Authority (NFA) sa Valenzuela City. Nais kasi  ni Pangulong Marcos na personal na i-check ang suplay ng bigas. Sinabi […]

  • Filing ng ITR, walang extension – BIR

    WALANG ng extension sa pagpa-file ng taunang income tax returns ngayon taon, ayon sa  Bureau of Internal Re­venue  (BIR).     Ayon kay BIR De­puty Commissioner Atty. Marissa Cabreros, hanggang kahapon, April 18  ang deadline sa paghahain ng ITR.     “All info on filing have long been posted sa website and FB page ng […]

  • Health Sec. Francisco Duque tinurukan na ng COVID-19 vaccine

    Matapos ang halos dalawang buwan ng COVID-19 vaccination rollout sa bansa, naturukan na ng bakuna si Health Sec. Francisco Duque III.     Biyernes  nang mabakunahan ang kalihim ng CoronaVac, ang bakuna ng Chinese company na Sinovac, sa gymnasium ng Department of Health – Central Office na isang vaccination site.     Bago mag-alas-10:00 ng […]