Skyway 3 bubuksan na sa December

MAGDARAOS ng soft oftening ang San Miguel Corp. (SMC) para sa pagbubukas ng bagong Skyway 3 expressway sa darating na December.

Ayon kay San Miguel Corp. president at chief operating officer Ramon Ang na siya ay kumpyansa na ang SMC ay matatapos at magbubukas ang Skyway 3 kahit na maulan na siyang nakakaabala sa pagtatapos ng mga trabaho dito. May ginagawa pa rin na laying at proper curing ng asphalt dito.

Magbibigay naman ang SMC ng libreng toll fee sa mga motorists sa loob ng isang buwan sa ginagawang 18-kilometer expressway na mula sa Gil Puyat Avenue hanggang North Luzon Expressway (NLEX).

“We’re very proud and excited about this project because it will truly make a big difference to so many people’s lives especially with our economy slowly opening up and with more vehicles coming back to our roads,” wika ni Ang.

Samantalang habang ginagawa pa ang finishing works, sinabi ni Ang na gusto niyang magamit na ng mga motorists ang Skyway 3 at mabigyan ng benipisyo ang publiko sa pagkakaron ng isang maginhawang at komportableng paglalakbay na ibibigay nito.

“We have all waited long for this project, so this is the best way we can welcome everyone, by making Skyway 3 free for one month,” dagdag ni Ang.

Sinabi din ng SMC na natapos nila ang project sa loob ng anim (6) na taon dahil sa maraming problema sa pagtatayo nito kasama na ang right-of-way issues at iba pang major changes dahil sa design at alignment nito. Nakikita rin ng SMC na talagang magkakaron ng malaking pagbabago sa travel time at traffic conditions sa Metro Manila at karatig lugar nito.

Dahil magdudugtong ang South Luzon Expressway (SLEX) sa North Luzon Expressway (NLEX), magkakaron na ng alternatibong daan ang EDSA, na babagtas sa walong (8) access points tulad ng Makati, Manila, San Juan at Quezon City.

Kasama dito ang access point sa Gil Puyat Avenue, Plaza Dilao, Nagtahan, Aurora Boulevard, Quezon Avenue, Sgt. Rivera Street, Balintawak at NLEX.

“With Skyway 3, we will improve the daily commutes and lives of so many Filipinos. We will lessen their time spent in traffic on the road, we can increase both their productivity and time spent with their families. Apart from this, the transportation of goods from north and south Luzon will also be so much easier, faster and more efficient. This will be a big boost to our economy and support growth throughout the regions,” sabi pa rin Ang.

Target din ng SMC na pagdugtungin ang northbound ng Skyway extension project na siyang nagdudugtong sa SLEX diretso sa Skyway mula Susan Heights sa Muntinlupa sa darating na December.

Dahil dito, ang travel time mula Susan Heights gamit ang Skyway system at Skyway 3 hanggang NLEX Balintawak toll plaza ay magiging 20 minutes na lamang. Samantalang ang travel time mula Magallanes papuntang Balintawak ay 15 minutes na lamang at Valenzuela papuntang Makati ay 10 minutes na lamang. (LASACMAR)