Supply agreement para sa 30 milyong doses ng bakuna laban sa Covid-19, nilagdaan ng Pinas
- Published on March 11, 2021
- by @peoplesbalita
NILAGDAAN kahapon, Marso 10 ng Pilipinas ang supply agreement sa Novavax para sa 30 milyong doses ng bakuna nito.
“Nilagdaan na ang supply agreement with Novavax. Thirty million po yan,” ang anunsyo ni Presidential Spokesperson Harry Roque.
Kamakailan ay sinabi ni Vaccine czar Carlito Galvez, Jr. na pupunta siya sa India upang pirmahan ang isang supply agreement para sa Covid-19 vaccines na ginawa ng US biotech firm na Novavax.
Unang sinabi ng mga opisyal na makakukuha ang Pilipinas ng 30 milyong doses ng Novavax vaccine na manufactured ng Serum Institute of India (SII) sa Hulyo 2021.
“Pagpunta po namin sa India this coming [March] 9 and 12, pipirma din po kami ng aming supply agreement,” ani Galvez
“Kaya nga pupunta tayo sa India, so that we can really negotiate na magkaroon tayo nang early delivery for humanitarian reasons,” dagdag pa ng opisyal na siya ring chief implementer ng National Task Force against Covid-19.
Sa pagbiyahe nito sa India, binanggit din ni Galvez na ita-target niya ang isang supply agreement sa SII.
Aniya, “Baka magkakaroon po kami ng other supply agreement para naman doon sa AstraZeneca at saka Covishield na bibilin ng gobyerno doon sa Serum Institute of India.”
-
PDU30 nabigyan ng maling impormasyon sa usapin ng pondo – Sotto
Malaki ang paniniwala ni Senate President Vicente “Tito” Sotto III na nabigyan umano ng maling impormasyon si Pangulong Rodrigo Duterte sa usapin nang pagharang daw nila sa pondo ng Office of the President na nakalaan sa proposed 2022 budget. Sinabi ni Sotto na walang anumang motibo ang Senado sa kanilang pag-iimbita sa mga […]
-
PUSLIT NA SIGARILYO, NASABAT NG COAST GUARD
NASABAT ng mga tauhan ng Philippine Coast Guard (PCG) ang kahon-kahong puslit na sigarilyo sa katubigang sakop ng barangay Bato-Bato, Indanan, Sulu. Ayon sa ulat ng PCG, nagsasagawa ng coastal security patrol ang PCG nang maharang ang motor na ML FAIDA sakay ang siyam nitong tripulante. Dahil wala ang kanilang kapitan at wala silang safety […]
-
Pagbabakuna kontra COVID-19, umarangkada na sa Bulacan
LUNGSOD NG MALOLOS – Pormal nang sinimulan ang pagbabakuna laban sa COVID-19 sa lalawigan ng Bulacan sa itinalagang COVID-19 Vaccination Site sa The Pavilion Hiyas ng Bulacan Convention Center sa lungsod na ito ngayong araw. Bago ito, isinagawa ang simbolikong pagbabakuna sa harap ng vaccination site na dinaluhan nina Gob. Daniel R. Fernando, Bokal Alexis Castro […]