TNT lalapit sa finals
- Published on October 14, 2024
- by @peoplesbalita
LALAPIT ang nagdedepensang TNT Tropang Giga sa pagdakma sa championship ticket, habang mag-uunahan ang San Miguel at Barangay Ginebra sa 2-1 lead sa Season 49 PBA Governors’ Cup semifinal series.
Hawak ang 2-0 bentahe sa kanilang best-of-seven semis showdown, sasagupain ng Tropang Giga ang Rain or Shine Elasto Painters sa Game Three ngayong alas-7:30 ng gabi sa Dasmariñas City Arena sa Cavite.
Tinalo ng TNT ang Rain or Shine sa Game One, 90-81, at sa Game Two, 108-91, para makalapit sa pang-23 finals appearance target ang ika-10 korona.
“We can’t take our foot off the pedal,” ani Tropang Giga coach Chot Reyes sa serye nila ng Elasto Painters. “It’s nice to be up 2-0, but it takes four (wins) to get to the next stage.”
Muling aasahan ng TNT sina import Rondae Hollis-Jefferson, Calvin Oftana, Roger Pogoy, Jayson Castro at Henry Galinato katapat sina reinforcement Aaron Fuller, Beau Belga, Jhonard Clarito, Andrei Caracut at Adrian Nocom ng Rain or Shine.
Naniniwala si Elasto Painters’ mentor Yeng Guiao na makakaisa sila sa Tropang Giga.
“When you’re down 0-2, survival mode ka na. We just want to win one game and hope the momentum shifts,” ani Guiao.
Paglalabanan naman ng Beermen at Gin Kings ang 2-1 lead sa kanilang serye sa alas-5 ng hapon.
Inangkin ng Ginebra ang Game One, 122-105, bago nakatabla ang San Miguel sa Game Two via overtime, 131-125.
Sasandigan ng SMB sina import EJ Anosike, eight-time PBA MVP June Mar Fajardo, CJ Perez, Marcio Lassiter at Terrence Romeo na nagsalpak ng siyam sa kanyang 26 points sa extension.
-
Malakanyang, nagpaabot ng pagbati kina Bongbong Marcos Jr. at Sara Duterte
NAGPAABOT ng pagbati ang Malakanyang kina Ginoong Ferdinand Romualdez Marcos, Jr. at Binibining Inday Sara Duterte-Carpio sa electoral victory at proklamasyon ng mga ito bilang President-elect of the Philippines at Vice President-elect of the Philippines. “Today’s proclamation ceremony by Congress marks another historic milestone in our political life as a nation underscoring that […]
-
Ka-join na rin ang mag-ama sa leading e-commerce platform: MARIAN, madaling na-convince si ZIA na magpabakuna dahil sa face-to-face class
NAGING madali para sa mag-asawang Dingdong Dantes at Marian Rivera na i-convince ang anak nilang si Zia Dantes, na walang arte at matapang na magpabakuna. Kaya last Monday (Feb. 28), fully vaxx na nga ang anak nila. Sa post ng kanyang Daddy Dong, “It’s ate Z’s second shot today and we […]
-
Ilang mga bansa pumayag na maglagay ng sundalo sa border ng Ukraine at Russia
NADAGDAGAN pa ang mga bansa na pumayag na maglagay ng kanilang sundalo sa Eastern European NATO countries bago pa man ang potensiyal na pagsalakay ng Russia sa Ukraine. Ilan sa mga dito ay ang Romania, Bulgaria at Hungary na maglalagay ng tig-1,000 mga sundalo sa Baltic states at Poland. Nauna ng […]