UAAP, NCAA salpukan sa Marso 26
- Published on March 10, 2022
- by @peoplesbalita
MAGBABANGGAAN ang University Athletic Association of the Philippines (UAAP) at National Collegiate Athletic Association (NCAA) na sabay na magsisimula sa Marso 26 sa magkahiwalay na venue.
Kumpirmado na ang pagbubukas ng NCAA Season 97 sa naturang petsa habang nauna nang nagpahayag ang UAAP na sisimulan ang Season 84 ng liga sa parehong petsa.
Gaganapin ang opening rites ng NCAA sa La Salle Green Hills Gym sa Mandaluyong na siya ring magiging venue sa first day ng seniors basketball games.
Sa kabilang banda, idaraos naman ang UAAP opening ceremonies sa Mall of Asia Arena sa Pasay City.
Itinalagang commissioner ng NCAA si veteran coach Bai Cristobal samantalang magiging commissioner ng UAAP si Tonichi Pujante.
Lalaruin ang NCAA mula Miyerkules hanggang Linggo kung saan dalawang laro ang masisilayan sa bawat play date.
Ang UAAP naman ay maglalaro tuwing Martes, Huwebes at Sabado — apat na laro kada play date.
Magkaiba ang format ng UAAP at NCAA.
Sa NCAA, single round robin format lamang habang double-round robin format naman ang UAAP.
Magiging magkatulad lamang ang dalawang liga sa Final Four kung saan ang Top 2 teams ay armado ng twice-to-beat advantage habang best-of-three naman ang magiging championship series.
-
PCO, mga dambuhalang social media company pinaigting ang digital defense kontra fake news
SANIB-PUWERSA ang Presidential Communications Office (PCO) at ang mga higanteng social media company sa Pilipinas sa paglaban sa “misinformation at disinformation.” Binigyang diin ni PCO Undersecretary for Digital Media Services Emerald Ridao sa pagtitipon na may katawagan na UniComm 2024 sa Bayleaf Hotel sa Intramuros, Maynila ang pangangailangan na ‘wakasan na” ang “misinformation […]
-
A cure at the cost of humanity. “Love You as the World Ends” takes audiences to the heart of the apocalypse
Humanity is at the brink of destruction, and the cure might entail the ultimate cost. Love You as the World Ends follows a group of survivors fighting for their lives and their loved ones as the Golem virus turns the majority of the human race into rabid zombies. Watch the trailer […]
-
80% ng target population sa NCR, bakunado na – DILG
Iniulat ni Department of the Interior and Local Government (DILG) Secretary Eduardo Año na nasa halos 80% na ng target population sa National Capital Region (NCR) at 18% hanggang 30% naman sa mga lalawigan, ang fully vaccinated na laban sa COVID-19. Aminado naman si Año na malayo pa ito sa kanilang target at […]