VALENZUELANONG LUMABAG SA BATAS-TRAPIKO, ABSWELTO SA MULTA
- Published on July 15, 2021
- by @peoplesbalita
NAGPASA ang Sanggunian ng Valenzuela City ng ordinansang nag-aabswelto sa mga motoristang Valenzuelano na nahuling lumabag sa mga batas trapiko sa pamamagitan ng No Contact Apprehension Program (NCAP) na magbayad ng multa.
Nakasaad sa Ordinance No. 901 Series of 2021, ang mga motoristang lumabag sa batas trapiko habang nakataas ang enhanced community quarantine (ECQ) at modified ECQ o lockdown mula Marso 17, 2020 hanggang Mayo 14, 2021 ay ligtas na sa pagbabayad ng multa upang mapagaaan ang kanilang pasaning pangkabuhayan.
Nilinaw ng Sanggunian na naobserbahan nito na iilan lamang na rehistradong may-ari ng sasakyan ang nagbabayad ng multa, at karamihan sa kanila ay humihingi ng konsiderasyon mula sa lokal na pamahalaan.
Ayon sa ordinansa, para maabswelto sa multa ay kinakailangang punan ang NCAP relief application form at ipasa ito sa Valenzuela City Traffic Violations Adjudication Committee, na matatagpuan sa City External Services Office sa Barangay Dalandanan.
Ang aplikante ay kailangan ring tunay na residente ng lungsod at kailangang magpakita ng hindi bababa sa dalawa sa mga sumusunod: voter’s ID, barangay clearance, real property tax declaration; o anumang dalawang valid government-issued ID na may adres na matatagpuan sa Valenzuela City. Maaari lamang makakuha ng amnestiya sa multa hanggang Disyembre 31, 2021. (Richard Mesa)
-
PAALALA SA SAKIT NA LEPTOSPIROSIS
NAGPAALALA ang Department of Health o DOH sa publiko sa mga nakukuhang sakit lalo na ang leptospirosis dahil sa matinding pagbaha dulot ng bagyong Karding. Sinabi ni DOH-OIC Maria Rosario Vergeire na bunsod ng bagyo, marami ang lumusong sa baha at nag-evacuate kaya inatasan nito ang lahat ng lumusong sa baha na magtungo […]
-
Malakanyang, pinamamadali sa NTC ang pagsusumite ng evaluation report
IPINAG-UTOS ng Malakanyang sa National Telecommunications Commission (NTC) ang mabilisang pagsusumite ng evaluation report ukol sa mga ginagawa umanong pagsasaayos at pagpapalakas ng signal ng mga network company sa bansa. Sinabi ni Presidential Spokesperson Harry Roque, hanggang sa kasalukuyan ay patuloy pa ring nakaantabay ang kanyang opisina sa official evaluation na ito mula sa […]
-
Resolusyon sa pagpapaliban ng implementasyon sa cashless toll payment hanggang Enero 1, 2021, pinagtibay ng komite
Pinagtibay sa isang online na pagdinig ng House Committee on Transportation ang House Resolution 1367 na humihiling Department of Transportation (DOTr) na pansamantalang ipagpaliban ang implementasyon ng cashless toll payments sa pamamagitan ng Radio Frequency Identification (RFID) System hanggang Enero 1, 2021. Inihain ni Quezon City Rep. Precious Hipolito-Castelo ang resolusyon matapos na isulong […]