• June 3, 2023
  • Ang Diyaryong Pinagkakatiwalaan

Volunteers, education grads, maaaring tumulong sa self-learning ng mga mag-aaral – DepEd

Kinokonsidera ng Department of Education ang paghingi ng tulong sa mga volunteer at education graduates upang suportahan ang paghahatid ng quality education sa gitna ng coronavirus pandemic.

 

Ayon kay Education Undersecretary Diosdado San Antonio, bagamat naniniwala silang malaki ang papel na gagampanan ng mga magulan sa edukasyon ng kanilang mga anak sa ilalim ng new normal, marami pa aniya ang bukas na tumulong.

 

“Gagamit tayo ng mga volunteers, mga education graduates or teacher applicants, or licensed teachers na wala pang trabaho na willing maging bahagi sa pagpapatuto sa mga bata habang sila ay nag-aaral sa mga bahay,” saad ni San Antonio sa isang panayam.

 

“May mga local governments, siempre hindi naman lahat, na nagsabi na okay silang magbigay ng honorarium para kaunting financial na benepisyo rin sa mga tutulong doon sa mga pamilya na ang magulang ay nagtatrabaho o walang kakayahang magbigay ng gabay sa pag-aaral ng kanilang mga anak.”

 

Nilinaw ni San Antonio na in-charge ang schools division offices sa pakikipagtulungan ng local government units sa pag-recruit ng mga volunteer sa lugar kung saan sila kakailanganin.

 

“Schools are expected to coordinate with LGUs in recruiting volunteer home learning facilitators who are preferably college or education graduates, and willing to undertake an orientation,” ayon kay San Antonio sa isang text message.

 

“When they visit homes, they are expected to observe the health protocols on social distancing and wearing of masks.”

 

Tumalima ang Department of Education sa direktiba ni Pangulong Rodrigo Duterte na ipagpaliban ang face-to-face classes hanggat wala pang bakuna para sa COVID-19.

 

Ayon kay Education Secretary Leonor Briones, handa ang ahensya na tanggapin ang hamon sa pag-aalok ng alternatibo sa physical classes, kagaya ng online at “blended” learning.

 

“Pero alam natin na limited ‘yung reach so makikipag coordinate din po tayo sa ibang private commercial stations,” ani San Antonio.

 

“Meron ding proposal ang ibang mga paaralan na pwede silang mag-operate ng sariling radio stations, ang hinihingi sila sa DepEd ay suporta para mapabilis ang proseso na magkaroon sila ng permisyo sa mga angkop na ahensiya ng pamahalaan.”

 

Naunang inilabas ng DepEd ang school calendar kung saan magsisimula ang klase sa Agosto 24 at inaasahang matatapos sa Abril 2021. (Bishop Jesus “Jemba” M. Basco)

Other News
  • ‘Forever home’ nina SHARON, kakayanin kahit ang pinakamalakas na lindol; two years bago matapos

    NAKALULULA ang Instagram post ni Megastar Sharon Cuneta ng basement parking pa lamang ng ipinatatayo niyang bahay, na tinatawag niyang ‘forever home,’ kaya alam mo nang napakalaki ng lote nito at napakalaki rin ng bahay na itatayo dahil aabutin daw ng two years or more bago matapos.      Caption ni Sharon sa video posted […]

  • Resources para sa South Commuter Railway Project, gagamitin ng maayos; ima-maximize- PBBM

    TINIYAK ni Pangulong Ferdinand Marcos Jr. sa publiko na gagamitin ng maayos ng gobyerno  ang bawat resources para sa  South Commuter Railway Project .     “With the signing of these packages, we demonstrate to our people that we are serious about pursuing large projects for infrastructure to foster growth and revitalize our economy, in […]

  • PSC tiwalang bubuhos ang suporta sa Pinoy athletes

    Umaasa si Philippine Sports Commission (PSC) Commissioner Charles Maxey na bubuhos ang suportang pinansiyal para sa sports program ng mga atleta.     Maningning ang kampanya ng Team Philippines sa Tokyo Olympics kung saan sigurado na ang Pilipinas na makapag-uuwi ng apat na medalya tampok ang gold-medal performance ni Hidilyn Diaz.     Kaya naman […]