Warrant of arrest naisilbi na vs Quiboloy – PNP
- Published on April 5, 2024
- by @peoplesbalita
NAIHAIN na ng Philippine National Police (PNP) ang 2 warrant of arrest sa kasong Child Abuse at Sexual abuse na ipinalabas ng Davao City Regional Trial Court laban kay Kingdom of Jesus Christ leader Apollo Quiboloy at 5 iba pang mga akusado, nitong Miyerkules.
Ayon kay BGen Alden Delvo, Davao Region Police Director, naisilbi na ang 2 warrant of arrest sa paglabag sa Republic Act 7610 o (The Special Protection of Children Against Abuse, Exploitation, and Discrimination Act) sa Kingdom of Jesus Christ para kay Quiboloy
“Pumunta kami sa Kingdom of Jesus Christ kay Apollo Quiboloy dito sa airport at sinerve namin ‘yung WOA, binigay namin sa administrator sa gusali or building na ‘yun” saad ni Delvo.
Aniya, nakausap na nila ang lawyer ni Quiboloy para sa pagsuko nito para siya makapag-bail batay sa ipinalabas na warrant of arrest ng korte.
“Yung WOA ni Pastor Quiboloy under his name only has a P200,000 bail bond for other sexual abuse and then the rest na kasama rin naman si Pastor Quiboloy are 80,000 for other acts of child abuse under sec. 10 of RA 7610,” ani Delvo.
Umaasa si Delvo na lalantad o susuko si Quiboloy sa mga darating na mga araw bagama’t sakaling mabigo ito ay maglulunsad sila nang manhunt laban sa nasabing Pastor.
“Well of course just like any other WOA there will be a manhunt operation. He will be a fugitive, alam mo naman may WOA siya the authorities will exert effort in arresting him” dagdag ni Delvo.
Kaugnay nito sinabi ni Delvo na nasa kustodiya ng National Bureau of investigation (NBI) si Tamayong Brgy. Captain Cresente Canada, isa sa 5 akusado matapos ito sumuko nang lumabas ang warrant of arrest laban sa kanya.
Boluntaryo namang sumuko ang mga akusadong sina Paulene Canada at Sylvia Cemanes.
Una rito ay naglabas ng warrant of arrest ang Davao court laban kay Quiboloy at limang iba pa dahil sa kasong child abuse. (Daris Jose)
-
TAX PAYMENT NG COMPUTER SHOPS SA NAVOTAS, PINAGPALIBAN
PINALAWIG ng pamahalaang lungsod ng Navotas ang deadline para sa business permit renewal at pinayagan ang mga rehistradong computer shops na ipagpaliban muna ang pagbabayad ng kanilang business tax para sa 2021. Nakasaad sa City Ordinance No. 2020-51 na lahat ng business taxpayers ay maaaring magbayad ng ng kanilang buwis nang walang karagdagang bayarin […]
-
Gov’t-led job fair, tutulong para punan ang tourism labor shortage- DOT
SA PAGPASOK ng buwan ng Setyembre ay magsisimula na ang government-led tourism job fairs para tugunan ang tourism labor shortages sa Pilipinas. Pormal na tinintahan ng Department of Tourism (DOT) at Department of Labor and Employment (DOLE), memorandum of understanding (MOU) noong Agosto 30 para sa paglulunsad “Trabaho, Turismo, Asenso! National Tourism Jobs Fair”. […]
-
2 Pinoy patay sa Turkey quake, 34 iba pa inilikas
DALAWANG Pinoy na una nang naibalitang nawawala sa magnitude 7.8 na lindol sa Turkey ang kumpirmadong nasawi sa Antakya, pero sa kabutihang palad ay natuklasang buhay naman ang isa sa mga nawawala. Una nang ibinalita ng grupong Filipino Community in Turkey na tatlong Pilipina ang hindi mahagilap matapos ang lindol, bagay na pumatay […]