Wright inalay ang panalo kay Bryant

HINDI pa rin maka-move on si Matthew Wright sa pagkamatay ni National Basketball Association o NBA legend Kobe Bryant, magsisiyam na buwan na matapos ang helicopter crash na kumitil sa buhay ng kanyang idol.

Araw-araw daw pa ring naiisip ng Phoenix Super LPG guard si Los Angeles Lakers great na yumao noong Enero 26 kasama sa pagbaksak ng eroplano ang anak na si Gianna Marie at pitong iba pa sa Calabasas, California. Kaya sa unang laro ni Wright matapos ang trahedya, hinugot niya ang natatagong Black Mamba mentality.

Nagasabog si Wright ng career-high 36 points para akayin ang Fuel Masters sa 116-98 win laban sa Meralco sa restart ng 45 th Philippine Basketball Association o PBA 2020 Philippine Cup eliminations bubble sa Angeles University Foundation Sports Arena and Cultural Center sa Angeles, Pampanga nitong Lunes.

Buhat sa field , 11 of 23 si Wright, 4 for 9 sa labas ng arc at isa lang ang isinablay sa 11 free throws sa 37 minutes at 56 seconds job.

“I just wanna dedicate that performance to Kobe,” bulalas ni Wright na may palamuti pang 4 rebounds at team-high 6 assists..

Suot ng Fil-Canadian ang Kobe sneakers na plano niyang gamitin buong torneo sa bubble na tatagal hanggang ikalawang linggo ng Disyembre. “I’m gonna wear his shoes for the entire conference and I’ll just try to channel my inner Mamba.”

Babalik ngayon ang mga maggagas sa tangkang sundan ang panalo kontra NorthPort na nasilat sa unang salang, 96-89 kontra Blackwa- ter noong Lunes din.

Sana Matthew mag-aral ka na ring mag-Filipino ang tagal mon a rin dito sa ‘Pinas. (REC)