2 kelot arestado sa pagnanakaw ng cellphone sa Navotas

BINITBIT sa selda ang dalawang kelot matapos arestuhin ng pulisya makaraang ireklamo ng pagnanakaw ng cellphone sa Navotas City.

Kasong paglabag sa Art 308 of RPC (Theft) ang isinampa ng pulisya laban sa mga naarestong suspek na sina alyas Ronel, 18, at alyas Emir, 20 kapwa resident ng lungsod.

Sa imbestigasyon nina PSSg Christian Geremie Tangan at PCpl Dylan Renon, habang nagpapatrolya sa Brgy. Bagumbayan South ang mga tauhan ng DMFD-NPD, Revitalized Pulis sa Barangay (RPSB) Team 12 sa pangunguna ni PCMS Roberto Santillan, kasama sina PSSg Carlo Angelo Delivio, PSSg Michael Estacion, PSSg Jayson Delos Reyes, Pat Mildred Gonzales, Pat Razel Buhante at Pat Jomaroy Pahati.

Dito, lumapit at humingi ng tulong sa grupo ni PCMS Santillan ang biktimang si alyas Rodolfo, 55, biyudo para iulat sa kanila ang ginawa umanong pagnanakaw ng mga suspek sa kanyang cellphone.

Kaagad namang nagsagawa ng follow -up operation sina PCMS Santillan na nagresulta sa pagkakaaresto sa mga suspek dakong 11:20 ng umaga sa Taganahan St., Brgy. Bagumbayan South at narekober sa kanila ang cellphone na biktima na nagkakahalaga ng P,7000.

Binigyan naman ng commendation ni Navotas Police Chief P/Col. Mario Cortes ang RPSB Team 12 para sa kanilang huwarang pagganap sa tungkulin bilang mga tagapagpatupad ng batas na nagresulta sa pagkakaaresto sa mga suspek.