2 most wanted persons, timbog sa Valenzuela
- Published on November 9, 2022
- by @peoplesbalita
KALABOSO ang dalawang lalaki na listed bilang most wanted sa Valenzuela City matapos maaresto sa magkahiwalay na manhunt operation ng pulisya in relation to SAFE NCRPO sa naturang lungsod.
Kinilala ni Valenzuela police chief Col. Salvador Destura Jr ang naarestong akusado bilang si Jino Gabriel Yu, 18, at residente ng Brgy. Ugong ng lungsod.
Ayon kay Col. Destura, alinsunod sa kampanya ng PNP kontra wanted persons, nagsagawa ang mga operatiba ng Warrant and Subpoena Section (WSS) ng Valenzuela police sa pangunguna ni PLt. Robin Santos ng manhunt operation na nagresulta sa pagkakaaresto kay Yu sa JB Juan St. Brgy. Ugong dakong alas-5:35 ng hapon.
Ani PLt. Santos, si Yu ay inaresto nila sa bisa ng warrant of arrest na inisyu ni Judge Mateo B Altarejos ng Family Court Branch 16, Valenzuela City, para sa kasong paglabag sa Section 5(B) of R.A. 7610 (3 counts).
Sa Brgy. Gen T De Leon, nalambat naman ng mga tauhan ng Sub-Station 2 at WSS sa joint manhunt operation sa Sitio Kabatuhan Compound 2, dakong alas-10:20 ng umaga ang isa pang most wanted sa lungsod.
Kinilala ni SS2 Commander P/Major Randy Llanderal ang naarestong akusado bilang si Jimmy Melanio, 43 ng Brgy. Gen T De Leon.
Si Melanio ay dinakip sa bisa ng warrant of arrest na inisyu ni Judge Orven Kuan Ontalan Regional Trial Court (RTC) Branch 285, Valenzuela City, para sa kasong paglabag sa Section 5 (Sale), and Section 11 (Illegal Possession of Dangerous Drug) Art. II of R.A. 9165 (Comprehensive Dangerous Drugs Act of 2002).
Pinuri naman ni Northern Police District (NPD) Acting Derictor P/Col. Ponce Rogelio Peñones Jr ang Valenzuela police sa pamumuno ni Col. Destura dahil sa matagumpay na operation kontra wanted persons. (Richard Mesa)
-
Pagpapatupad ng Ecological Solid Waste Management program sa Navotas, pinaigting
SA hangarin na palakasin ang kanilang ecological solid waste management (ESWM) program, pumasok sa isang memorandum of agreement (MOA) ang Pamahalaang Lungsod ng Navotas, kasama ang Mother Earth Foundation (MEF) at ang Dept. of Environment and Natural Resources Environmental Management Bureau – National Capital Region (DENR EMB-NCR). Nilagdaan ni Mayor John Rey Tiangco […]
-
Suspek sa pagpatay sa binatang magaling sa bilyar, timbog
NASAKOTE ng pulisya ang suspek sa pagpatay sa 25-anyos na magaling sa larong bilyar habang nakikipag-inuman sa kanyang mga ka-tropa sa Malabon City. Bukod kay alyas “Raffy”, 43, residente ng Dumpsite, Sitio 6, Brgy. Catmon, binitbit din nina P/Lt. Melanio Medel Valera III, Commander ng Malabon Police Sub-Station 4, ang kanyang kainuman na […]
-
PDu30, kursunadang bumili ng vaccine kontra Covid-19 sa Russia at China
KURSUNADA ni Pangulong Rodrigo Roa Duterte na bumili ng vaccine kontra Covid-19 mula sa Russia at China. Subalit, kailangan lamang ani Pangulong Duterte na ang vaccine na magmumula sa Russia at China ay “equally good and effective” gaya ng ibang vaccine na inimbento ng ibang bansa. “We cannot be complacent. I said by […]