23K riders sa Angkas, naitala sa Metro Manila
- Published on February 28, 2020
- by @peoplesbalita
NAKUHA ng Angkas ang may pinakamaraming allotted riders dahil sa pagkabigo ng ibang motorcycle taxi companies na magdagdag para sa expanded rider cap kung kaya’t mayroon ng kabuoang 23,000 riders ang Angkas sa Metro Manila.
Sinabi ng Department of Transportation (DOTr’s) interagency technical working committee na nag-aaral ng legality at viability ng operasyon ng motorcycle taxis na pinayagan nila ang Angkas na mag-deploy ng 23,264 na riders sa Metro Manila sa loob ng pilot testing na matatapos sa Marso 23.
Ang ride-hailing company na Move It ay hindi nakapag-deploy ng 15,000 para sa kanilang rider cap na binigay sa bawat isa para sa tatlong ride-hailing companies ng TWG at mayroon lamang itong 6,836 riders na narehistro nang dumating ang kanilang deadline noong Pebrero 12.
Bago pa lang, binigyan na rin ng Move It ang Angkas ng 5,000 slots. Habang ang JoyRide ay nanatiling mayroong 15,000 na registered riders sa kanilang operasyon.
Mula sa dating 13,000 (10,000 sa Metro Manila at 3,000 sa Cebu) na rider cap bawat ride-hailing companies ito ay itinataas sa 21,000 (15,000 sa Metro Manila; 3,000 sa Cebu at 3,000 sa Cagayan de Oro).
“Given the number of registered riders from the three ride-hailing companies based on their submitted lists, there are still 3,164 rider slots that can still be filled for Metro Manila operations as of Feb. 13, 2020,” wika ng TWG.
Ayon din sa TWG, ang Move It ay binigay na rin ang kanilang allotted slots para sa Cebu sa Angkas at JoyRide kung saan binigyan ng 4,500 rider cap ang bawat isa.
Sa ngayon, ang Angkas ay mayroong 4,500 registered riders sa Cebu habang ang JoyRide naman ay may 4,488. Sa Cagayan de Oro, ang Angkas ay may 925 na riders at ang JoyRide ay mayroong 198 na riders habang ang Move It ay walang rider sa dalawang testing sites.
Ang pilot run ay inilunsad noong 2019 habang ang mga mambabatas ng House of Representatives ay gumagawa ng paraan upang ma-regulate at magkaroon ng tamang batas para sa motorcycle taxis na maging isang alternative public utility vehicle.
Sinabi ni Metro Manila development panel chair and Manila District 1 Rep. Manny Lopez na may plano sila na maipasa ang legislative measure at malagdaan ang nasabing batas bago ang pagtatapos ng pilot study ng technical working group (TWG) ng Department of Transportation (DOTr) para sa operasyon ng Angkas, JoyRide, at Move It.
“The committee on Metro Manila development and transportation have committed to complete deliberations on bills seeking to amend Republic Act 4136 (LandTransportation and Traffic Code) to make motorcycle taxi services legal in two months,” ayon sa Mababang Kapulungan. (LASACMAR)
-
Bulacan, susunod sa uniform travel protocol ng IATF
LUNGSOD NG MALOLOS– Ipinatupad ni Gob. Daniel R. Fernando ang uniform travel protocol ng Inter-Agency Task Force (IATF) for the Management of Emerging Infectious Diseases sa kanyang pinakabagong inilabas na executive order kung saan hindi na kailangan ng travel authority at COVID testing bago makapasok sa Lalawigan ng Bulacan. Ayon sa Seksyon 4 ng Executive Order No. 5, series of 2021 […]
-
QUARANTINE FACILITY SA MGA BARANGAY SA KYUSI NADAGDAGAN
NADAGDAGAN pa ng walo pang quarantine facility sa mga barangay sa Quezon City. Ayon sa LGU, layon nitong mas makapaghatid ng serbisyo sa mga residente sa bawat barangay sa naturang lungsod. Layon din nito na ang mga walang sapat na lugar sa kanilang mga bahay na tinamaan ng COVID-19 ay doon na magpagaling. Nitong nagdaang […]
-
Pinas, China tinintahan ang 14 bilateral deals habang nasa state visit si PBBM
TININTAHAN ng Pilipinas at Tsina ang 14 na bilateral agreements, araw ng Miyerkules habang nasa state visit pa si Pangulong Ferdinand R. Marcos Jr. sa China. Kabilang sa nasabing kasunduan ang agrikultura, imprastraktura, development cooperation, maritime security, turismo at iba pa. Nilagdaan kapwa ng Pilipinas at Tsina ang joint action plan […]