3 sangkot sa droga timbog sa buy-bust
- Published on November 21, 2020
- by @peoplesbalita
Tatlong hinihinalang sangkot sa illegal na droga ang arestado sa isinagawang magkahiwalay na buy-bust operation ng mga pulis sa Navotas at Valenzuela Cities.
Ayon kay Navotas police chief Col. Rolando Balasabas, alas-11:30 ng gabi nang magsagawa ng buy-bust operation ang mga operatiba ng Station Drug Enforcement Unit (SDEU) sa pangunguna ni PLT Genere Sanchez sa P. De Vera St., Brgy. Sipac Almasen.
Kaagad sinunggaban ng mga operatiba ang kanilang target na si Dennis Villanueva, 55 matapos bentahan ng P300 halaga ng shabu ang isang pulis na nagpanggap na buyer.
Kasama ring inaresto ng mga operatiba si Ernando Borja, 37, na sinasabing umiiskor ng droga kay Villanueva. Narekober sa mga suspek ang 202 gramo ng shabu na tinatayang nasa P14,960 ang halaga, buy-bust money at P300 bills.
Sa Valenzuela city, natimbog din ng mga operatiba ng Valenzuela Police SDEU team si Joseph Laganina, 35, sa buy-bust operation sa P. Gomez St. Brgy. Maysan sa pangunguna ni PLT Robin Santos sa ilalim ng pangangasiwa ni P/Col. Fernando Ortega.
Ani SDEU investigator PSSg Carlito Nerit Jr., nakuha kay Laganina ang 1 gramo ng shabu na nasa P6,800 ang halaga, P300 buy-bust money, P200 bills at dalawang cellphones. (Richard Mesa)
-
PDU30, ibinahagi sa ASEAN na masyado nang bugbog ang Pilipinas sa kalamidad dahil sa climate change…
MARIING Iginiit ni Pangulong Rodrigo Roa Duterte sa Association of Southeast Asian Nations (ASEAN) ang pagkakaisa para matugunan ang peligrong idinudulot ng mga kalamidad bunga na rin ng climate change. Sinabi ng Pangulo sa Plenary Session hinggil sa isinagawang 37th ASEAN Summit, na masyado nang bugbog ang Pilipinas sa sunud- sunod na mga delubyong […]
-
National Post Office itayo muli, P13 bilyong contingent fund gamitin
“HISTORIAL landmark must rise from the ashes!” Ito ang binigyang diin ni House Deputy Speaker at 1st District Batangas Rep. Ralph Recto na ikinalungkot ang pagkaabo ng National Post Office Building matapos itong matupok ng apoy sa sunog sa lungsod ng Maynila nitong Lunes. Sinabi ni Recto na kailangang pabilisin at […]
-
Baha dulot ng Ulysses, iimbestigahan ng Kamara
Pinaiimbestigahan ng Kamara, bilang ayuda sa lehislasyon, ang dahilan ng malawakang pagbaha na nagpalubog sa Cagayan at Isabela sa pananalasa ng bagyong Ulysses. Inihain nina Speaker Lord Allan Velasco at Majority Leader Ferdinand Martin Romualdez, kasama si Minority Leader Joseph Stephen Paduano, ang House Resolution 1348 na nag-aatas sa kaukulang komite na agad na […]