• May 19, 2024
  • Search in People's Balita

  • Ang Diyaryong Pinagkakatiwalaan

 

Archive for November 21st, 2020

Tatlong bagong deputy speakers at iba pang opisyal ng Kamara, ipinakilala

Posted on: November 21st, 2020 by @peoplesbalita No Comments

Tatlong bagong Deputy Speakers at iba pang opisyal ang hinalal ng kamara kahapon.

 

Ang mga bagong Deputy Speakers ay sina Cagayan De Oro Rep. Rufus Rodriguez, Buhay Party-list Rep. Jose “Lito” Atienza at Las Piñas Rep. Camille Villar.

 

Hinalal din si dating Batangas Rep. Mark Llandro “Dong” Mendoza bilang bagong Secretary-General, matapos na magbitiw si Atty. Jocelia Bighani Sipin sa kanyang tungkulin kay Speaker Lord Allan Velasco.

 

Samantala, hinalal naman si Pampanga Rep. Juan Miguel “Mikey” Arroyo bilang Chairman ng House Committee on Energy; Caloocan City Rep. Dale “Along” Malapitan bilang pinuno ng delegasyon ng kamara sa House of Representatives Electoral Tribunal; at ACT-CIS Party-list Rep. Eric Go Yap bilang Vice Chairman ng Accounts Committee.

 

Hinirang naman si Speaker Velasco bilang pansamantalang tagapamahala ng Unang Distrito ng Cebu matapos na pumanaw si Rep. Raul Del Mar.

 

Ang pagkakahirang kay Velasco bilang tagapamahala ay alinsunod sa kagustuhan na rin ni Rep. Del Mar noong siya ay nabubuhay pa, na ipinarating naman sa kanya ng pamilya Del Mar at mga nasasakupan ng namayapang mambabatas.

 

Si Rodriguez, na isang batikang abogado sa Kamara, ay hinalal na Deputy Speaker kapalit ni Capiz Rep. Fredenil Castro. Siya ay naging kinatawan sa Kongreso noong taong 2007 hanggang 2016, at mula 2019 hanggang sa kasalukuyan.

 

Nagtapos ng abogasya si Rodriguez sa University of the Philippines, at naglingkod bilang Bise-Gobernador ng Misamis Oriental mula 1984 hanggang 1986. Noong 1990, siya ay naging Dean ng College of Law ng San Sebastian College.

 

Si Rodriguez ay dating Commissioner ng Bureau of Immigration sa termino ni dating Pangulong Joseph Estrada.

 

Si Atienza naman ay nahalal bilang Deputy Speaker kapalit ni Laguna 1st District Rep. Dan Fernandez.

 

Kinakatawan ni Atienza ang BUHAY Party-list sa Kongreso simula pa noong 2014. Naglingkod siya bilang Kalihim ng Department of Environment and Natural Resources mula taong 2007 hanggang taong 2009 sa termino ng administrasyong Arroyo.

 

Naglingkod din siya nang tatlong magkakasunod na termino bilang alkalde ng Maynila simula 1998 hanggang 2007.

 

Samantala, si Villar ay nahalal bilang Deputy Speaker kapalit ni Batangas Rep. Raneo “Ranie” Abu.

 

Si Villar ay kaisa-isang anak na babae ng Real Estate Tycoon na si Manuel “Manny” Villar Jr. at kasalukuyang Senador Cynthia Villar.

 

Ang amang Villar ay naglingkod bilang dating Pangulo ng Senado at Speaker ng Kamara. Siya rin ang Pangulo ng Nacionalista Party, ang pinakamatandang partido politikal sa bansa.

 

Ngunit, ito naman ay tinanggihan ni Villar.

 

Sa isang liham na ipinadala kay Velasco ay nagpahayag ito ng pasasalamat sa speaker sa naturang nominasyon subalit ito ay kanyang tinanggihan. (ARA ROMERO)

PDu30, papayagan ang emergency use ng coronavirus vaccines-Sec. Roque

Posted on: November 21st, 2020 by @peoplesbalita No Comments

PAPAYAGAN ni Pangulong Rodrigo Roa Duterte ang emergency use ng coronavirus vaccines at inaprubahan na ang advance payment sa kanilang private developers.

 

Tinatayang 8 buwan na ngayon simula ng ipatupad ang iba’t ibang degree ng lockdown dahil sa COVID-19 pandemic.

 

Ani Presidential Spokesperson Harry Roque, magpapalabas si Pangulong Duterte ng  executive order para sa paggamit ng emergency vaccine.

 

Ibig sabihin aniya nito na ang coronavirus vaccines na inaprubahan ng ibang bansa ay magagamit ‘locally’ matapos ang  21 araw, pababa mula sa kasalukuyang required na 6-month verification.

 

Pinayagan din ng Punong Ehekutibo ang advance payment sa private vaccine developers para matiyak na makakakuha ang Pilipinas ng suplay ng droga.

 

Ang mga lokal na kumpanya ani Sec. Roque ay nag- commit na bibili bg dose- dosenang  bakuna.

 

Magbibigay ang mga ito ng  50 hanggang 80 percent ng kanilang mabibiling bakuna sa pamahalaan sa pamamahagi sa mga mahihirap at sa kanilang company employees. (Daris Jose)

Suplay ng pagkain sa bansa, kaya pang tumagal ng tatlong buwan- Malakanyang

Posted on: November 21st, 2020 by @peoplesbalita No Comments

SINIGURO ng Malakanyang na aabot pa ng tatlong buwan ang  food suppy ng bansa hanggang sa gitna ng naging pinsala ng mga nagdaang bagyo na sumira sa maraming sinasakang lupain.

 

Sinabi ni Presidential Spokesman Harry Roque na nasa 90 araw ang kayang itagal pa ng supply na pagkain as of November 12.

 

Ayon kay Sec. Roque, lalabas na aabot pa ng 88 araw ang food stock ng bansa at kaya pang tumagal ng halos tatlong buwan pa.

 

Mabuti na lang din ani Sec. Roque  ay nakapag-ani na kahit paano ang mga magsasaka bago pa humagupit ang bagyo.

 

“Sapat-sapat naman po ang ating pagkain. Sa ating bigas, mayroon pa po tayong 90 days supply, at iyong nawala po sa atin ay six days lamang. Kahit papaano pampalubag loob po noong dumating po iyong mga malalakas na bagyo, tayo po ay naka-ani na so hindi po masyadong naapektuhan iyong ating pag-ani bagama’t ngayon ay kinakailangan magtanim uli ang ating mga magsasaka,” anito.

 

Kaya nga, kahit may nakaamba aniya pang mga bagyo na dumating base na rin sa forecast ng PAG- ASA ay paniguradong may aasahang pagkain para sa mga Pilipino ng hanggang sa unang quarter ng susunod na taon.

2 bagets huli sa aktong sumisinghot ng shabu

Posted on: November 21st, 2020 by @peoplesbalita No Comments

Arestado ang dalawang hinihinalang sangkot sa droga, kabilang ang 17-anyos na binatilyo matapos mahuli sa akto ng mga tauhan ng Maritime Police na sumisinghot ng shabu sa Navotas City.

 

Kinilala ni Northern Maritime Police Station (MAPSTA) head P/Maj. Rommel Sobrido ang naarestong suspek na si Joel Dela Cruz, 18 ng Brgy. Tañong, Malabon city at ang 17-anyos na binatilyo ng Daang Hari, Navotas.

 

Sa report ni Major Sobrido kay MARPSTA Chief P/Col. Ricardo Villanueva, dakong 5:30 ng madaling araw nang magsagawa ng routine patrol ang kanyang mga tauhan sa pangunguna ni PLT Erwin Garcia sa Palengke St., Market 3, NFPC, Brgy. NBBN.

 

Dito, naaktuhan ng mga pulis ang mga suspek na sumisinghot ng shabu sa isang nakabukas na kubo na naging dahilan upang arestuhin ang dalawa at narekober sa kanilang improvised aluminum foil pipe, aluminum foil strip na may bahid ng shabu at isang lighter.

 

Ani MARPSTA PSMS Bong Garo II, mahaharap ang mga suspek sa kasong paglabag sa Comprehensive Dangerous Drugs Act of 2002. (Richard Mesa)

Luke 1:28

Posted on: November 21st, 2020 by @peoplesbalita No Comments

Hail, full of grace.

State of Calamity sa Luzon, epektibo hangga’t hindi binabawi ni PDu30

Posted on: November 21st, 2020 by @peoplesbalita No Comments

MANANATILING epektibo ang State of Calamity sa Luzon hangga’t hindi ito binabawi ni Pangulong Rodrigo Roa  Duterte.

 

Ito ang nakasaad sa proklamasyon na ipinalabas ng Malakanyang, araw ng Miyerkules.

 

Inilagay ni Pangulong Duterte ang buong Luzon sa ilalim ng  State of Calamity matapos manalasa ang mga bagyong  Quinta, Rolly at Ulysses sa mga nakalipas na linggo na naging dahilan ng malawak na pinsala sa  agricultural crops at imprastraktura at matinding pagkagambala sa buhay ng  libong mga Filipino.

 

“The declaration of state of calamity will hasten the rescue, relief and rehabilitation efforts of the government and the private sector, including any humanitarian assistance,” ang nakasaad sa Proclamation 1051.

 

Nauna rito, inaprubahan ni Pangulong Duterte ang rekomendasyon ng National Disaster Risk Reduction and Management Council (NDRRMC) na isailalim sa State of Calamity ang buong isla ng Luzon.

 

Sa ilalim ng State of  Calamity,  awtomatikong may price freeze ang mga pangunahing bilihin para sa lahat ng implementing agencies ng Price Act para sa lahat ng lugar na deklaradong nasa ilalim ng State of Calamity.

 

Kinumpirma ni Presidential Spokesperson Harry Roque ang bagay na ito.

 

Gaya na lamang ani Sec. Roque, ang Department of Agriculture ay may price freeze ang  “bigas, mais, cooking oil, dried at iba pang marine products, fresh eggs, fresh pork, beef at vegetables, root crops, sugar at fresh fruits”

 

Department of Trade and Industry: “canned fish at iba pang marine products, processed milk, kape, laundry soap, detergent, kandila, tinapay, asin,  potable water sa bote  at containers, locally-manufactured instant noodles”

 

Department of Environment and Natural Resources : “firewood at charcoal”

 

Department of Health: “drugs classified essential by DOH”

 

Department of Energy:  “household liquefied petroleum gas (LPG) at kerosene

 

Tiniyak naman ng Ehekutibo na ang lahat ng  departmento at concerned agencies ay nagtutulungan para sa “rescue, recovery, relief and rehabilitation of affected areas and residents.” (DARIS JOSE)

Angelica, nag-comment sa post ni Gregg Homan na tinawag siyang ‘Honn’

Posted on: November 21st, 2020 by @peoplesbalita No Comments

MATAPOS ngang ma-link si Angelica Panganiban kay Zanjoe Marudo na sinasabing ‘rumored boyfriend’ na kanilang sinakyan lang, patuloy ang pagko-comment ng netizens sa isa pang photo nila at ang ilan ay hindi talaga naniniwala dahil pareho raw silang may ka-relasyon.

 

Ilang sa naging comment nila:

 

“Kung sinasabi niyong walang respeto si Angge sa gf ni Zanjoe, mas siya naman ang walang respeto sa gf niya.”

 

“Seryoso ka naman teh. May mga bagay na pwede pag usapan ano lalo na kung parte ng trabaho.”

 

“Hindi yata kinagat ang gimik nila.

 

“baks ako kinagat ko hihi kahit alam kong may gf si Z.”

 

“pinaglalaruan nlng nila mga chismosang gaya naten which is fine LOL. wala naman cla kelangan iexplain they’re just being playful.”

 

“Paano kkagatin alam naman nameng wala jusko nakkita ko si zanjoe ikakasal mga 40 or di na. Parang ayaw e or may hinahanap pa sya (more pa).”

 

“May GF na sya at mukang seryoso na sya this time. Baka masyado pa lang bata si GF kaya wait wait muna sila.”

 

“Bata pa kasi ang jowa kaya hinihintay niya muna. Busy pa si gurl at lagi out of the country ang mga pictorials. Mga mid 40s pa siguro magpapakasal kung ang jowa niya ngayon ang pakakasalan. Ang trabaho ni gurl kailangan maganda ang katawan kaya hinahayaan niya mag enjoy ang gf.”

 

“hindi si Angge ang girlfriend niya. Iba ang boyfriend ni Angge, the picture says it. Bale tignan nyo background.”

 

“Mamaya sa pag bibiro niyo totoong magkadevelopan kayo.”

 

“Di ba awkward yung kasi friends sila ni bea?”

 

“Kain nalang kayo ng hopia dahil hindi talaga maging sila. May gf si z and still going strong and may bf na rin si angge although tinatago nya.

 

“hindi sila oy!!! may gf si zanjoe at may bf si angge na tinatago nya. malalaman din natin in the future.”

 

Mukhang tama naman ang netizens at hindi nakaligtas sa kanilang pagtutok ang pagko- comment ni Angelica sa post ni Gregg Homan ng “Come home na” at nag-reply naman ito ng, “just a few more days Honn.” kasama ng tatlong kissing emojis.

 

Kaya ang malaking tanong si Gregg Homan ba ang tinatagong boyfriend ni Angelica?

 

Hindi na naman napigilang mag- comment ng netizens at may nagsasabi pa kamukha daw ni John Lloyd Cruz at sana’y makatuluyan na niya.

 

“Sobrang guapo! Jackpot si angge. Sobrang expressive ng mga facial features nya mamsh!

 

“true. Bagay sila sana mahanap na niya ang forever dyan kay gregg.”

 

“HAHAHA ano pinagsasabi niyo eh di nga kita un mukha! Etchoserang palaka kayo!!”

 

“Hawig nong barkada niya na si Andoy Ranay.”

 

“naku hindi. Bale Australian yang Gregg na tiga Subic. Sana magkatuluyan sila. Wag tarayan teh.”

 

“di siya gwapo. pero mukhang disente sana totohanin siya.”

 

“gwapo yan teh napaka boyish at Australian siya.”

 

“CEO ng mga pagawaan ng mga yacht, barge ganern. May ari din ng hotel ang pamilya. Kilala yan bilang nag rarace sa regatta.

 

“Mabuti naman at non-showbiz.. Happy for angel. Sana this is it.”

 

“Wow! Happy For her :)”

 

“buti naman nakinig din sa mga netizen si Angge na i try yung non showbiz. Just take it slowly.”

 

“kung yan nga yon mukhang mabait si Gregg. Nakilala ata namin yan dati sa Subic. Sila yung may ari nung pagawaan ng yacht etc. na Australian. May background din siya sa theater.”

 

“Hay at last non showbiz na!!! Kung totoo man happy for her.”

 

“This to shall pass”

 

“mukhang mabait si guy at mayaman yan dahil CEO sana magtagal sila at this is it na.”

 

“Deserve ni Angge maging happy. Mabuti na rin at non-showbiz.. Sana eto na. The guy looks decent at stable. Ang importante hindi manloloko.

 

“Kahawig ni JLC.”

 

“Sana si Gregg nga. Mabait yan sobra. Mayaman at kilala ang pamilya sa Subic. Walang sinabi ang mga ex ni angge. Mukha lang meron sila lol. Happy for Angelica.”

 

“Hawig ba ni Lloydie? Patingin pa nga!!”

 

“San niyo nakita ibang pictures? Wala kasi ako IG. Nag google search ako pero parang iba nakita ko lol.”

 

“Kamukha ni John Lloyd!”

 

“Ang tunay na nagwagi hahahaha.”

 

“kakainis nman c Gregg balot na balot. tapos nakaprivate p ig. eh pano ka namin makikilatis? haha feeling barkada ni angge.” (ROHN ROMULO)

SBP doble kayod sa paghikayat sa FIBA para maglaro sa Gilas si Clarkson

Posted on: November 21st, 2020 by @peoplesbalita No Comments

Patuloy ang ginagawang pakikipag-usap ng Samahang Basketball ng Pilipinas (SBP) sa mga opisyal ng FIBA para makuhang makapaglaro sa Gilas Pilipinas si NBA Filipino-American player Jordan Clarkson.

 

Sinabi ni SBP President Al Panlilo, nais nilang ipabasura sa FIBA ang pag-require sa mga atleta na dapat mag-secure sila ng passport sa edad 16 bago maging eligible na maglaro sa isang national team.

 

Dagdag pa nito na hindi sila titigil hanggang mapapayag nila ang FIBA at tuluyang makumbinsi na maglaro si Clarkson sa Gilas.

 

Sakaling maibasura ng FIBA ang nasabing panuntunan ay maraming mga Filipino-foreigner ang makakasali sa Gilas pool gaya nina Mo Tautuaa, Stanley Pringle at Christian Standhardinger.

 

Nauna rito pinayagan ng FIBA si American-Indonesian player Brandon Jawato na makapaglaro sa Indonesian national team.

PVL teams naghahanda na sa balik-ensayo

Posted on: November 21st, 2020 by @peoplesbalita No Comments

Naghahanda na ang mga teams sa Premier Volleyball League (PVL) sa pagbabalik training dahil inaasahang papayagan na ito ng Inter-Agency Task Force (IATF) matapos magpas­yang maging professional league na ang liga.

 

Base sa panuntunan ng IATF, tanging ang mga koponan lamang sa professional leagues ang pinahihintulutang makapagbalik sa ensayo sa ilalim ng mahigpit na pagpapatupad ng health protocols.

 

Katulad ito ng mga train­ing venues na ginamit ng mga teams sa PBA bago pa man ang restart ng Philippine  Cup sa Clark, Pampanga.

 

Ilang proseso pa ang pagdaraanan ng PVL bago tuluyang masimulan ang ensayo.

 

Kabilang na rito ang Joint Administrative Order na bubuuin ng Department of Health, Philippine Sports Commission at Games and Amusements Board na magsisilbing guidelines sa training resumption ng PVL.

 

Excited na ang PVL players na magbalik-ensayo kabilang na si Creamline Cool Smashers Alyssa Valdez.

 

“We, the players, are excited to resume practice and eventually playing soon. It’s been a while since we played volleyball,” ani Valdez.

 

Kaya naman inaasa­hang ikinakasa na ng mga pro teams sa PVL ang pagbabalik-ensayo ng mga ito matapos ang ilang buwang pagkakatengga dahil sa coronavirus disease (COVID-19) pandemic.

Eumir Marcial todo paghahanda sa Olympics

Posted on: November 21st, 2020 by @peoplesbalita No Comments

Sumasabak sa matinding paghahanda at sakripisyo ngayon ni 2021 Tokyo Olympic-bound Eumir Felix Marcial sa tulong ni legendary Hall of Fame coach Freddie Roach sa Wild Card Gym sa Los Angeles, California sa U.S. upang masungkit ang mailap na gold medal ng Pilipinas sa Olimpiyada at matupad ang kanyang pangarap na maging sikat ng pro-boxer.

Ayon kay Marcial, bukod sa sakit ng katawan na tinatanggap sa paghahanda para sa Summer Games at posibleng unang professional fight sa Disyembre, ramdam ng 25-anyos mula Lunzuran, Zamboanga City ang bigat ng kalooban sa pagkamatay ng kanyang kapatid na si Ate Eliver.

“Masakit man na ‘di ko siya makita kahit na sa huling sandali, mas pinili ko pa rin na mag-stay ako rito at magtuloy-tuloy ako sa pag-ensayo. Alam ko na mas masaya siya dahil pangarap din niyang manalo ako ng Gold sa Olympics at mag-World champion ako,” ani Marcial sa pagdalo nito sa TOPS Forum na suportado ng PAGCOR, Games and Amusements Board (GAB) at Philippine Sports Commission (PSC).

“Sobra talaga sakit ng katawan ko sa training dito, kasi nu’ng unang pagdating ko rito, halos mamatay-matay ako sa training nila eh tapos diretso na tulog ko. Sa tuwing gigising ako nag-request akong magpa-massage kasi sobrang sakit ng katawan ko,” dagdag nito.

Lumipad patungong Los Angeles ang 2019 World Amateur silver medalist noong nakaraang buwan upang harapin ang matinding pagsasanay sa kanyang paghahanda para sa Summer Games sa susunod na taon na nakatakda sa Hulyo 23-Agosto 8, 2021 sa Tokyo, Japan.

Nilinaw ng 3-time Southeast Asian Games gold medalist na patuloy na nakatuon ang kanyang atensyon para makamit ang gintong medalya sa Olympics.

Sinabi pa ni Marcial na patuloy niyang sinusunod ang mga amateur program na ipinapadala ni men’s boxing head coach Ronald Chavez, gayundin ang tuloy-tuloy na tulong ng Association of Boxing Alliances in the Philippines (ABAP) sa kanilang pamilya.

Gayunman, humingi pa rin ito ng karagdagang suporta sa Philippine Sports Commission (PSC) para sa kanyang mga gastusin at pangangailangan sa kanyang pag-e-ensayo.

Sumasabak sa matinding paghahanda at sakripisyo ngayon ni 2021 Tokyo Olympic-bound Eumir Felix Marcial sa tulong ni legendary Hall of Fame coach Freddie Roach sa Wild Card Gym sa Los Angeles, California sa U.S. upang masungkit ang mailap na gold medal ng Pilipinas sa Olimpiyada at matupad ang kanyang pangarap na maging sikat ng pro-boxer.

Ayon kay Marcial, bukod sa sakit ng katawan na tinatanggap sa paghahanda para sa Summer Games at posibleng unang professional fight sa Disyembre, ramdam ng 25-anyos mula Lunzuran, Zamboanga City ang bigat ng kalooban sa pagkamatay ng kanyang kapatid na si Ate Eliver.

“Masakit man na ‘di ko siya makita kahit na sa huling sandali, mas pinili ko pa rin na mag-stay ako rito at magtuloy-tuloy ako sa pag-ensayo. Alam ko na mas masaya siya dahil pangarap din niyang manalo ako ng Gold sa Olympics at mag-World champion ako,” ani Marcial sa pagdalo nito sa TOPS Forum na suportado ng PAGCOR, Games and Amusements Board (GAB) at Philippine Sports Commission (PSC).

“Sobra talaga sakit ng katawan ko sa training dito, kasi nu’ng unang pagdating ko rito, halos mamatay-matay ako sa training nila eh tapos diretso na tulog ko. Sa tuwing gigising ako nag-request akong magpa-massage kasi sobrang sakit ng katawan ko,” dagdag nito.

Lumipad patungong Los Angeles ang 2019 World Amateur silver medalist noong nakaraang buwan upang harapin ang matinding pagsasanay sa kanyang paghahanda para sa Summer Games sa susunod na taon na nakatakda sa Hulyo 23-Agosto 8, 2021 sa Tokyo, Japan.

Nilinaw ng 3-time Southeast Asian Games gold medalist na patuloy na nakatuon ang kanyang atensyon para makamit ang gintong medalya sa Olympics.

Sinabi pa ni Marcial na patuloy niyang sinusunod ang mga amateur program na ipinapadala ni men’s boxing head coach Ronald Chavez, gayundin ang tuloy-tuloy na tulong ng Association of Boxing Alliances in the Philippines (ABAP) sa kanilang pamilya.

Gayunman, humingi pa rin ito ng karagdagang suporta sa Philippine Sports Commission (PSC) para sa kanyang mga gastusin at pangangailangan sa kanyang pag-e-ensayo.

People's Balita.
All rights reserved. © Copyright 2024.