86% Pinoy stress dahil sa pandemya – SWS
- Published on October 12, 2020
- by @peoplesbalita
NAKAPAGTALA ng 86 porsyentong Filipino ang nakakararanas ng pagkastress dahil sa pandemya ayon sa Social Weather Stations (SWS).
Napag-alamang 58 porsyento ng mga Filipino na may edad na 18 taong gulang pataas ang nakararanas ng lubhang pagkastress; 27 porsyento naman nakaranas ng pagkastress habang 15 porsyento lamang ang nakaranas ng konti o walang pagkabahala.
Sa naitala 58 porsyento dito ay mga lalaki habang 57 porsyento ay mga babae.
Pinakamataas na porsyento ng lubhang stress ay mula sa Visayas na may 64% na sinundan ng Luzon na 58%; Mindanao na may 55%; at 53% sa Metro Manila.
Sa mga sumagot sa survey na lubhang stress, 61% rito ay junior high school graduate; 59% ay mula sa hindi nakapagtapos ng elementarya; 57% ay nasa high school; 56% ang nasa kolehiyo; at 55% ang nakagradweyt ng kolehiyo.
Isinagawa ang survey sa pamamagitan ng mobile phone at computer-assisted telephone interview sa 1,249 na Filipino.
Ito ay may sampling error margin na ±3% para sa national percentages, ±6% sa Metro Manila, ±5% sa Balance Luzon, ±6% sa Visayas, at ±6% para sa Mindanao.
-
LIBRENG DRIVE-THRU AT WALK-IN COVID-19 SEROLOGY TESTING SA MAYNILA, BALIK OPERASYON NA
MULING binuksan sa publiko ang lahat ng libreng drive-thru at walk-in COVID-19 serology testing centers sa Lungsod ng Maynila ngayong araw, ika-4 ng Enero, matapos pansamantalang isara ng mga ito nitong nakaraang Kapaskuhan. Sa abiso ng Manila Health Department (MHD), muling bubuksan sa residente at hindi residente ng Maynila ang Drive-Thru Testing Center […]
-
Paglagda ng PH sa Free Trade Agreement sa Australia, New Zealand malaking gain sa agriculture at technology trade – solon
NANINIWALA si House Committee on Agriculture and Food Chairman at Quezon 1st District Representative Mark Enverga na malaki ang magiging “gain” sa agriculture and technology trade ang paglagda ng Pilipinas sa Free Trade Agreement sa Australia at New Zealand. Ayon kay Rep. Enverga magiging maganda ang prospective para sa sektor ng agrikultura sa […]
-
Validators, ide-deploy para sa food stamp program-DSWD
NAKATAKDANG mag-deploy ang Department of Social Welfare and Development (DSWD) ng mga validators para sa rehistrasyon at balidasyon ng 300,000 target na pamilya bilang paghahanda sa ‘full-scale implementation’ ng ‘Walang Gutom 2027: Food Stamp Program” sa darating na Hulyo. Sinabi ni DSWD Undersecretary for Innovations Eduardo Punay na ang programa ay mayroong three- […]