DEREK, may regret dahil nakipaghiwalay kay ANDREA over the phone lang

PATULOY pa rin na nagsasalita si Derek Ramsay sa naging break-up nila ng dating girlfriend na si Andrea Torres.

Habang ang Kapuso actress naman ay nananatiling tahimik lamang.

Nagpa-interview si Derek sa radio program ni Cristy Fermin at doon nga, siniwalat nito kung paano sila nag-break.     Na sabi ni Derek, siya raw ang nakipaghiwalay over the phone nga lang.

     “Yung sa amin ni Andrea, it was actually ako ‘yung... may problema na nangyari na, I guess, nagbigay sa akin ng sign na, I think, this relationship…”  

Magkaiba raw ang naging views and values nila sa problemang ‘yun.

“Hindi mali yung values niya, hindi mali yung values ko. Pero ganito ako pinalaki, ganoon siya pinalaki. Hindi ko na aatakehin ‘yun, hind ko siya babaguhin, hindi niya ako babaguhin.

“So I told her, ‘I think that this is the end of this relationship because we cannot see eye to eye on this matter. So I think it’s just best na kumalas na tayo ngayon rather than lalaki pa, and then two, three years down the road, maghihiwalay tayo, babalikan natin ‘to, kasi nga iba ang views natin sa problemang ‘yan,’” lahad ni Derek.

Pumayag naman daw si Andrea although the sad part of it ay sa phone lang daw sila nag-usap at hindi sa personal.

    “’Yun lang yung siguro kung may regret ako is that it came up over the phone. Actually, dapat magkikita kami noon. Ang nangyari, it came up over the phone, pero with no disrespect. Hindi namin dinisrespect ang isa’t isa. She agreed to it also.”

Dagdag pa niya, nagsabi pa raw siya kay Andrea na gusto niyang makausap ang parents nito para sabihin ang break-up since naging close nga rin siya sa family ng aktres.

    “Sabi lang ng dad niya, ‘there’s no need na, it’s okay.’ Pero ‘yung mom niya nakausap ko, and ‘yung mom ko rin, nag-text sa mommy ni Andrea, kasi lahat naman kami, nag-invest dito. We were all invested.

“Every Sunday nagdi-dinner po ang both families dito sa bahay so there’s no disrespect between me and Andrea and our families.”

Nang tanungin ni Cristy kung may kinalaman ba ang pamilya ni Andrea sa hiwalayan, at first ay hindi agad nakasagot si Derek, pero sinagot din niya nang diretso ng, “opo, opo.”

Sa nasabing panayam ay inilarawan din ni Derek kung gaano siya kasaya ngayon sa piling ng fiancee na si Ellen Adarna.

     “Hindi ko yata kaya ma-express into words pero kita n’yo naman sa mga actions ko, sa mata ko, I’ve never been this happy in my life.”

Sa ngayon, puro side ni Derek ang naririnig at nababasa. Basta ang palaging tatandaan, there’s always two sides of the coin. (ROSE GARCIA)