MAINE, wish na matapos na ang pandemya para muling makapag-travel

NAGTATANONG ang netizens, bakit daw ang sipag ngayong magtrabaho ni Phenomenal Star Maine Mendoza. 

Kung dati ay okey na sa kanya na araw-araw lamang siyang napapanood sa noontime show na Eat Bulaga at sa Daddy’s Gurl tuwing Saturday, ngayon ay tuloy pa rin siya sa dalawang shows at nadagdag nga lamang ang dalawang shows sa TV5 at Cignal TV.

Bale three days lamang kasi ang work ni Maine sa EB, three days na live, Thursday to Saturday at after ng live, nagti-tape sila para sa ipalalabas ng Mondays to Wednesdays.  Kaya ang free days naman niya ang ginagamit niya para sa pagti-taping ng bago niyang shows.

Actually, matagal na ito dapat nagawa ni Maine pero hindi pa naayos ang taping schedules niya dahil may nauna nang ginawa sa TV5 na show si Paolo Ballesteros na siya niyang co-host sa new show nilang PoPinoy. Nagkaroon na ng mediacon ang show at mapapanood na ang primer sa June 6 at ang pilot episode nila ay sa June 13, 7PM.

Isa namang travel show ang tini-tape din ni Maine for Cignal TV, na bukod sa pumupunta siya sa magagandang lugar, pinakikita rin niya ang mga masasarap na pagkain sa lugar na iyon.

Bukod sa dalawang shows, sunud-sunod din ang shoot ni Maine ng mga new endorsements niya, at ang pinaka-latest, siya ang napiling Brand Ambassador and 51Talk Guest Teacher. Ang 51Talk ay gamit ng mga online English teachers.

Sa sunud-sunod na trabaho ni Maine, ano ang gusto niyang kapalit?  Ang wish daw niya ay matapos na ang pandemic na pinagdaraanan nating lahat ngayon at magbalik na tayo sa normal.

Ano ang una niyang gagawin?

“Gusto kong mag-travel!”

Every year kasi ay nagta-travel ang buong pamilya ni Maine especially kung Holiday Seasons, pero in 2019 hindi sila nakapagbakasyon at last year, hindi rin sila nakaalis dahil nga sa pandemic.

***

MAY warning si Kapuso actress Jasmine Curtis-Smith sa mga tulad niyang bumili ng isang studio unit na pagkatapos naman ay hindi niya tinirahan.  Pero bago siya bumalik sa work para sa upcoming GMA series na The World Between Us nila nina Alden Richards at Tom Rodriguez, binisita niya ang unit niya at shocked siya na may tumira na rito at malaki ang mga nasira sa mga gamit niya.

Hindi na siya makapagreklamo, dahil wala raw siyang alam sa property handling at bago na ang management ng property, kaya ipinalinis at pina-disinfect na lamang niya ang unit niya.

Naisip din daw niyang magiging useful ang place niya kung may overseas family na bibisita sa kanya, tulad ng Mama niya na mahilig sa lugar na malapit sa shops and cafes.

Sa ngayon gagamitin na raw lamang muna niya itong quarantine nest/mini studio for work, lalo pa at may bago nga siyang series na ginagawa.

***

MUKHANG nakaka-adjust na si Ruby Rodriguez sa bago niyang work sa Philippine Consulate General Office in Los Angeles, California.

Nami-miss pa rin ni Ruby ang mga Dabarkads niya sa Eat Bulaga at nag-post siya sa kanyang Instagram kasama ang new friend colleague niya na tinawag niyang ‘Wally’ dahil wala rin siyang buhok.

“Bukas mayroon din kaming ‘Jose’ kaya papicture din ako.”

Pero totoo bang kinuha na si Ruby ng Viva Artist Agency, kaya kailangan na rin niyang bumalik sa Pilipinas?

(NORA V. CALDERON)