Alert Level System ipatutupad na rin sa labas ng NCR
- Published on October 21, 2021
- by @peoplesbalita
Ipatutupad na rin ang COVID-19 Alert Level System sa labas ng National Capital Region, ayon sa Malacañang.
Inihayag ni Presidential spokesperson Harry Roque na simula, Oktubre 20, 2021 ay sisimulan ang pagpapatupad ng Alert Level System na tatagal hanggang sa Oktubre 31, 2021.
Iiral ang Alert Level 4 sa Negros Oriental at Davao Occidental.
Inilagay naman sa Alert Level 3 ang Cavite, Laguna, Rizal, Siquijor, Davao City at Davao del Norte, habang nasa Alert Level 2 naman ang Batangas, Quezon Province, Lucena City, Bohol, Cebu City, Lapu-Lapu City, Mandaue City, Cebu Province, Davao de Oro, Davao del Sur at Davao Oriental.
Sa indoor dine-in services, 10 porsiyento lamang ang pinapayagan sa Alert Level 4; 30% sa Alert Level 3; at 50% sa Level 2, samantalang 100% sa Alert Level 1.
Pero agad ding nilinaw ni Roque na ang indoor dining ay para sa mga bakunadong indibiduwal lamang at lahat dapat ng mga manggagawa sa indoor dining ay bakunado rin.
Ang take-out delivery ay 100% kahit anong alert level.
Pinapayagan na rin ang mga fitness gyms, studios at venues para sa non-contact sports exercises sa indoors pero dapat bakunado ang mga nasa gym at walang group activities. Ang venue capacity sa mga nabanggit na lugar ay 10% sa Alert Level 4; 30% sa Level 3 at 50% sa Level 2. (Daris Jose)
-
Spoelstra gagawing consultant ng Gilas
TARGET ng Samahang Basketbol ng Pilipinas (SBP) na makuha ang serbisyo ni NBA champion coach Erik Spoelstra ng Miami Heat upang maging consultant ng Gilas Pilipinas. Paghahandaan ng Gilas Pilipinas ang pagsabak nito sa FIBA World Cup sa susunod na taon na magkakatuwang na iho-host ng Pilipinas, Japan at Indonesia. Kaya […]
-
VACCINATION CARD SA MAYNILA, HINDI MAPEPEKE
TINIYAK ni Manila Mayor Isko Moreno Domagoso na hindi mapepeke ang iniisyu ng Manila LGU na vaccination card sa mga fully vaccinated na kontra COVID-19. Ayon sa alkalde, ang Manila LGU ay may ginagawang paraan na upang hindi mapepeke ang vaccination card. “Modesty aside, Manila has the most effective vax passport […]
-
Djokovic makakakuha ng visa para sa 2023 Australian Open
Ang dating world number one na si Novak Djokovic ay bibigyan ng visa para maglaro sa 2023 Australian Open, sinabi ng mga ulat ng lokal na media noong Martes, sa kabila ng kanyang deportasyon mula sa bansa bago ang torneo ngayong taon sa Enero. Nagpasya ang gobyerno ng Australia na bigyan ng visa ang […]