Bulacan, nakapagbakuna ng higit 5 milyong doses ng bakuna kontra COVID

Published on April 25, 2022
by @peoplesbalita

LUNGSOD NG MALOLOS – Nakapagbakuna na ang Lalawigan ng Bulacan ng kabuuang 5,240,671 doses ng bakuna laban sa COVID-19 kabilang ang una at ikalawang dosis, single doses, at booster shots noong Abril 17, 2022.

Ayon sa covid19updates.bulacan.gov.ph website, 2,281,195 Bulakenyo ang kumpleto na ang bakuna habang 2,418,385 naman ang tumanggap ng kanilang unang doses.

Tinatayang 75.68% ng 3,014,027 o 80% ng populasyon ng Bulacan ngayong 2022 ang kumpleto na ang bakuna.

Dagdag pa rito, nakapagbakuna na ang lalawigan ng 541,091 indibidwal para sa kanilang booster o karagdagang dosis.

Patuloy na pinaalalahanan ni Gobernador Daniel R. Fernando ang kanyang mga nasasakupan na huwag magpabaya dahil hindi pa rin nawawala ang COVID at mayroon pa ring mga tao na nakakakuha ng virus.

“Hindi po ibig sabihin na mababa na ang ating mga kaso ng COVID ay tuluyan na po natin itong natalo. Maaaring maluwag po ang mga restriksyon sa ngayon ngunit babalik tayo sa paghihigpit na naranasan natin noong nakalipas na dalawang taon kung hindi tayo mag-iingat. Kaya naman po, ang hiling ko sa inyo ay lubusan pa rin po tayong mag-ingat, patuloy na magsuot ng face masks at sundin ang minimum health protocols upang tuluy-tuloy na ang ating maging tagumpay laban sa pandemya,” anang gobernador.

Mula Marso 1, 2022 hanggang sa kasalukuyan, nasa ilalim pa rin ng Alert Level 1 ang lalawigan.

Samantala, naitala ng Provincial Health Office-Public Health ang 4 na karagdagang kaso ng COVID noong Abril 18, 2022 na dumagdag sa bilang ng aktibong kaso na 56.

Simula nang pandemya, nakapagtala ang Bulacan ng kabuuang 109,360 beripikadong kaso ng COVID-19, 107,627 na paggaling, at 1,677 na pagkamatay. (BISHOP JESUS “JEMBA” M. BASCO)

Other News

NDRRMC, pinag-iingat ang mamamayan sa mapagsamantalang kumukuha ng donasyon sa mga biktima ng bagyo

Nanawagan ang National Disaster Risk Reduction and Management Council (NDRRMC) sa mga nais na magbigay ng anumang donasyon sa mga nasalanta ng bagyong Ulysses na ibigay ito sa mga mapagkakatiwalaang grupo. Ayon sa NDRRMC, na hindi pa rin maiwasan na may mga ilang grupo ang sinasamantala ang pagkakataon. Dapat aniya na tignan ng […]

read more
REGINE, nakikiusap na wag ikalat ang nag-leak na materials ng ‘Freedom’ concert

NAKIKIUSAP si Regine Velasquez-Alcasid na wag ikalat ang nag-leak na materials para sa kanyang first digital concert na Freedom sa magaganap sa Valentine’s day. Tweet ni Regine last January 22, “Hi guys pakiusap lang may nag leak na materials from the concert please pa delete naman. “Please wag nyo na I repost.” […]

read more
‘Hinahanap ni Duerte na next PhilHealth chief, magaling sa ‘legal at accounting’

Posibleng may bago na umanong PhilHealth president at chief executive officer ngayong linggo. Ito ang kinumpirma ni Health Secretary Francisco Duque III. Ayon kay Duque, sa ngayon ay puspusan na ang paghahanap daw ng Pangulong Rodrigo Duterte sa ipapalit sa nag-resign na Philippine Health Insurance Corporation (PhilHealth) president at CEO Ricardo Morales. Sinabi pa […]

read more

Bulacan, nakapagbakuna ng higit 5 milyong doses ng bakuna kontra COVID

NDRRMC, pinag-iingat ang mamamayan sa mapagsamantalang kumukuha ng donasyon sa mga biktima ng bagyo

REGINE, nakikiusap na wag ikalat ang nag-leak na materials ng ‘Freedom’ concert

‘Hinahanap ni Duerte na next PhilHealth chief, magaling sa ‘legal at accounting’