Nasa Amerika pa rin para sa ‘Iconic’ concert tour: Talk show nina SHARON at REGINE, inaabangan kung tutugunan ng ABS-CBN

ROSE Van Ginkel was only 13 nang magsimula siya ng kanyang showbiz career.

At that time, ang tingin niya sa sarili ay pangit siya. She was beginning to doubt herself kung nasa tamang career ba siya.

Tinatanong na nga ni Rose ang kanyang sarili kung may kulang ba sa kanya kasi her career seems to be going nowhere.

“Minsan talaga sa buhay may mga pagsubok pero kung hindi malakas ang loob natin pag nakaranas tayo ng rejection we will feel downtrodden,” sabi pa ng bida ng Kitty_K7.

Pero siya na rin naman ang nagsabi na worth it rin naman ‘yung naging journey niya sa showbiz.

At feeling ni Rose, nailabas niya ang talent niya thru Kitty_K7. Pinuri ang acting niya at sinabing pwede siyang mano-nominate for an acting award.

“Ibinigay ko ang best ko sa movie na ito, especially gusto ko rin naman ipaglaban yung work tulad nito, ‘yung kay Salome, ‘yung pagiging cam girl. Naniniwala rin ako sa mensahe na nais ipahatid ng pelikula.”

***

MAMAMATAY ba si Aurora, ang karakter na ginagampanan ni Megastar Sharon Cuneta sa FPJ’s Ang Probinsyano?

Sa cliffhanger kasi noong Martes ay ipinakitang binaril si Aurora ni Armando.

Sa susunod na eksena ay nakikita na kalong ni Oscar (Rowell Santiago) si Aurora at sinasabi na bigyan ng hustisya ang pagkamatay ng kanilang anak na si Mara (played by Julia Montes).

Hindi klaro kung mamatay nga ba si Aurora, na unang ipinakilala sa viewers ng FPJ’S Ang Probinsyano noong Disyembre.

The last time nakausap namin si Shawie, sabi niya lagi raw kaming manood ng FPJAP dahil marami pang magandang mangyayari.

Kung sakaling tapos na ang participation ni Sharon sa FPJAP, willing kaya gumawa ng teleserye ang Megastar in the future?

O baka naman mas gusto niya na pelikula naman ang gawin?

Samantala, nasa Amerika pa rin si Sharon para sa concert tour ng Iconic concert nila ni Ms. Regine Velasquez.

Inaabangan din namin kung tutugunan ng ABS-CBN ang panawagan nina Sharon at Regine na pagsamahin sila bilang hosts sa isang talk show.

***

KATATAPOS lang gawin ni Kych Minemoto ang movie na Pathirsty nang makatanggap siya ng tawag from his manager Direk Perci Intalan na may offer siya from Vivamax.

Nakipagkita siya kay Direk Perci the next day at doon niya nalaman ang storyline. Laking tuwa niya nang malaman niya na he got the role.

“Alam ko na magandang opportunity ito for me. Excited ako sa project plus gusto ko rin makatrabaho si direk Mac Alejandre,” kwento ni Kych.

Sa kwento pa lang ay na-excite na si Kych. Siyempre curious din siya kung paano bubuuin ni Direk Mac ang kwentong isinulat ni Ricky Lee.

Sa umpisa pa lang daw ay alam na ni Kych na challenge sa kanya to play the role of a young man who will fall for an older woman, na nanay ng best friend niya.

“Sa phase ng buhay natin bilang teenager, darating ang time na maii-in love tayo sa isang babae na mas matanda sa atin. I am sure maraming teenagers ang makaka-relate sa role ko,” kwento ni Kych.

Pero ang conflict sa kwento, what if in love sa kanya ang best friend niya who happens to be gay?

Abangan ang May-December-January this August in cinemas.

Kasama rin sa movie sina Andrea del Rosario at Gold Azeron.

(RICKY CALDERON)