Alegasyon ng transport group, Land Bank ayaw mag release ng fuel subsidy
- Published on September 20, 2023
- by @peoplesbalita
BINATIKOS ng ilang grupo ng transportasyon ang pahirapang pagkuha ng kanilang fuel subsidy mula sa Land Bank of the Philippines (LBP).
Ayon sa grupo na ayaw magbigay ng fuel subsidy ang LBP dahil sa election spending ban.
Sinabi ni Alliance of Transport Operators and Drivers Association of the Philippines (ALTODAP) president Melencio Vargas na siya mismo ang nakaranas ng ganon situasyon ng samahan niya ang isa niyang miyembro sa LBP upang kunin ang cash card.
“The main branch of LBP knew that the fuel subsidy is exempted from the Commission on Elections election ban, but many of its branches were not aware,” wika ni Vargas.
Kung kayat sinabi ni Vargas na plano ng grupo nila na makipagusap kay Land Transportation Franchising and Regulatory Board (LTFRB) chairman Teofilo Guadiz III upang malaman niya ang kanilang hinaing tungkol dito.
“We expect more drivers will have the same experience, just like our member, when personnel from LBP refused to issue his cash card due to the election ban,” dagdag ni Vargas.
Hinaing ni Vargas na hindi dapat maging dahilan ang LBP upang hindi nila matanggap ang kanilang fuel subsidy na siyang nakakalala ng kanilang paghihirap dahil na rin sa nakaambang muling pagtaas ng presyo ng krudo ng mas mataas pa sa P2 kada litro.
Naghihintay na lamang sila sa gagawing hearing para sa kanilang petisyon sa darating na September 26. Umaasa ang kanilang grupo na papayagan ng LTFRB ang kanilang petisyon para sa P1 provisional fare.
Tinatawagan rin nila ang pamahalaan na tanggalin na ang oil deregulation law na ayon sa kanila ay siyang sanhi ng walang katapusan pagtaas ng presyo ng produktong petrolyo sa bansa.
Sinimulan ng LTFRB ang pamimigay ng fuel subsidy noong September 12. May 1.3 million na beneficiaries ang makakatangap ng fuel subsidy sa pamamagitan ng e-wallet accounts, bank accounts at fuel subsidy cards.
Inaasahan ng pamahalaan na makakatulong ang fuel subsidy na mabawasan ang epekto ng tuloy-tuloy na pagtaas ng pump prices sa mga nakaraang sunod-sunod na linggo. LASACMAR
-
Tuluyang ipinag-bawal na ang videoke sa Navotas hanggang Hulyo 2021
ITO ang sinabi ni Navotas City Mayor Toby Tiangco kasabay ng kanyang kahilingan sa City Council sa pamumuno ni Vice Mayor Clint Geronimo na gawing “urgent for consideration” ang ordinansang magbabawal sa videoke at malakas na pagpapatugtog hanggang sa kalagitnaan ng 2021 o habang may online classes. Nakasaad sa liham ni Tiangco sa Konseho […]
-
DOTr: Completion ng Edsa Busway malapit na
Dumating na ang karagdagang concrete barriers upang gagamitin sa EDSA Busway na ilalagay sa dedicated na lane para sa mga buses. Simula noong July 18 ay nagsimula ng magdatingan ang mga concrete barriers na ilalagay sa inner lane ng EDSA upang mas maging mabilis ang travel time ng mga commuters. “The continuous development […]
-
Malaking pondo ang gagastusin sa PVL bubble
Milyones ang pondong kakailanganin upang matagumpay na maitaguyod ang 2021 Premier Volleyball League (PVL) Open Conference na idaraos sa isang bubble format sa Inspire Sports Academy sa Calamba, Laguna. Base sa estimate, aabot ng P47 milyon ang magagastos para tustusan ang mga pangangailangan ng buong delegasyon sa bubble. Nangunguna na sa […]