May estimated net worth na $1.6 billion ayon sa Forbes: TAYLOR SWIFT, naungusan na si RIHANNA bilang ‘richest female musician’

KAHIT na ilang buwan nang natapos ang actionserye na ‘Black Rider’, Calvin pa rin daw ang tawag ng maraming fans kay Jon Lucas.

Okey lang daw iyon sa Kapuso actor dahil malakas pa rin daw ang impact ng kontrabida role niyang iyon sa maraming tao.

“I really don’t mind po kung Calvin ang tawag pa rin nila sa atin. Nakakatuwa kasi ibig sabihin ay ganun kalakas ang recall nila sa character kong iyon. Kumbaga, unforgettable po si Calvin,” sey ni Jon na isa sa magbibida sa isang episode ng ‘Regal Studio Presents’ sa ika-3rd anniversary nito.

Inamin ni Jon na nakakatanggap siya ng offers na magpa-sexy naman siya. Tinurn down daw ng aktor ang isang mala-Boys Love project dahil ‘di raw niya iyon kayang gawin.

“Flattered po ako sa offer, pero di ko kayang gawin. May family na po ako. I have two kids. At INC (Iglesia Ni Cristo) po ako kaya hindi talaga puwede.

“Gusto ko pong gampanan sa ngayon ay mga mababait na roles para puwede akong mapanood ng mga anak ko. Pahinga muna tayo sa pagiging kontrabida.”

***
IBINAHAGI ng Kapuso actress-TV host na si Shaira Diaz na sumailalim siya kamakailan sa operasyon.

Sa Facebook post, inihayag ng “Unang Hirit” host na sumailalim siya sa laparoscopic appendectomy.

“Ang normal appendix daw ay kasing nipis ng eyelid, ang nakuha sa ‘kin ay triple nang laki niya, parang skinless longganisa. Mabuti na lang talaga at hindi pumutok. Salamat sa Diyos,” saad niya.

Inihayag ni Shaira na recovering na siya pero “still in pain so please pray for me.”

“Important reminder: ALWAYS LISTEN TO YOUR BODY and see a doctor when something feels off. Wag babalewalain,” payo pa ni Shaira.

Sa kaniyang Instagram Stories, makikita na kasama ni Shaira sa ospital ang kaniyang fiance na si EA Guzman.

“I love you, thank you,” saad ni Shaira.

Inihayag naman i EA sa kaniyang IG Stories na, “Aything for you, my love… Hindi ako magsasawang alagaan ka.”

Sinabi ni Shaira na magpapakasal sila ni EA kapag nakatapos na siya sa kolehiyo, na natupad niya nitong nakaraang Agosto.

***

SI Taylor Swift na ang “richest female musician” ayon sa Forbes magazine. May estimated net worth ito na $1.6 billion.

Naungusan na ng “Fortnight” singer si Rihanna na may net worth na $1.4 billion.

Ayon sa financial portfolio ni Taylor, nanggaling sa kanyang music at pag-perform kung bakit siya naging isang billionaire. Taylor currently ranks at 2,545th on the billionaire’s list.

May 18 shows na lang na natitira si Taylor para sa kanyang Eras Tour na may estimated $600 million in royalties. Babalik ang Eras Tour sa Miami, Florida on Oct. 18 at magtatapos ito sa Vancouver, Canada on Dec. 8.

(RUEL J. MENDOZA)