Balik-tanaw sa 18th Asian Games 2018
- Published on August 21, 2020
- by @peoplesbalita
NAKOBERAN po ng inyong lingkod ang 18th Asian Games sa mga lungsod ng Jakarta at Palembang sa Indonesia noong Agosto 18-Setyembre 2, 2018.
Dalawa lang kami ni kasamang Manolo ‘Bong’ Pedralvez ng Malaya Business Insight na na-aasigned sa Palembang. Ang mga kasama namin sa Philippine media pool na sina Lorenzo Lomibao, Jr. ng Business Mirror, Rierra Mallari ng Manila Standard, Randy Caluag ng Ripples Daily, Angelito Oredo ng Bandera, Peter Paul Patrick Lucas ng Sports Radio at freelance photographer Noilon Reyes, mga nadestino lahat sa main hub sa Jakarta.
Sa may 16 na araw ko sa nasabing lungsod ng South Sumatra Province, nakoberan ko ang gold medal performance ni Margielyn Arda Diday sa women’s street skateboarding.
Gayundin ang mga pagpasok sa finals ng ating mga paddler sa traditonal boat race at canoe, at muntikanang pagsampa sa bronze matches ng ating sepak takraw team, soft tennis squad, at mga pagkabigo ng tenpin bowling, lawn tennis, at shooting.
Madalas akong nakakakita ng mga atletang mga malulungkot at ang iba mga umiiyak sa sandaling sila’y matalo sa mga bawat laban nila sa iba’t ibang playing venue.
Masisilayan mo ang lalim at lawak ng kanilang pagka-patriotic o pagmamahal sa kanilang bansa sa paraang iyon. Matagal silang humahagulgol at nalulungkot talaga sa aking obserbasyon ang maraming mga nanatalong manlalaro sa kanilang laban.
Sa ating mga Pinoy, iyon ang kulang.
Kasi pagkatapos na pagkatapos ng bawat laban kapag talo, parang normal lang ang lahat sa ating mga atleta. Wala akong nakitang umiyak sa ating mga manlalaro o atleta sa 2018 Asiad. At madali rin silang makabalik sa normal na sitwasyon tapos matalo.
Isa pang nasilip ko ay ang sobrang palakaibigan ng ating mga athlete sa kapwa nila mga oposisyong player.
Sana lang magawan ng paraan ito nina Philippine Sports Commission (PSC) Chairman William Ramirez at Philippine Olympic Committee (POC) president Abraham Tolentino.
Masasabi ba nating kababawan , hindi naman siguro lahat, ang pagmamahal nila sa ating inang bayan kung ihahambing sa ilang kapwa nila players.
-
PDu30, kinalampag ang mga govt agency na mag-implementa ng cashless payment systems sa pampublikong transportasyon
IPINAG-UTOS ni Pangulong Rodrigo Roa Duterte sa mga ahensiya ng pamahalaan na mag-implementa ng cashless payment systems sa pampublikong transportasyon. Sa public address ni Pangulong Dutere, Lunes ng gabi ay sinabi nito na gawing free of charge o libre ang beep cards sa mga mananakay. Nilinaw ng Pangulo na tanging ang card na ipamamahagi […]
-
8 sa 15 preso pumuga sa Caloocan detention facility, nahuli na
NASAKOTE na sa manhunt operation ng pulisya ang anim sa 15 persons Under police custody (PUPC) na pumuga sa kanilang temporary detention facility sa Caloocan City, Huwebes ng madaling araw. Ayon kay Caloocan police chief P/Col. Dario Menor, 15 PUPCs ang tumakas bandang ala-1:50 ng madaling araw sa pamamagitan ng maliit na butas na […]
-
Pinas no. 3 sa SEA sa ‘vaccination rollout’
Inihayag kahapon ni National Task Force Against COVID-19 Chief Implementer Secretary Carlito Galvez Jr. na kasalukuyang nasa ikatlong ranggo ang Pilipinas sa Southeast Asia (SEA) sa ‘vaccination rollout’. Sa datos ng NTF, nakapagtala na ang Pilipinas ng 2,623,093 doses na naibigay sa publiko mula nang mag-umpisa ang ‘vaccination’ nitong Marso 1 gamit ang […]