‘Delayed’ allowance ng mga athletes, coaches makukuha na – PSC
- Published on August 13, 2020
- by @peoplesbalita
Tiniyak ng Philippine Sports Commission (PSC) na malapit nang matanggap ng mga atleta at mga coach ang kanilang monthly allowance matapos ang ilang delay.
Pahayag ito ng PSC kasunod ng naging panawagan ni Sen. Christopher “Bong” Go na ibigay na dapat ang allowances ng mga athletes at coaches.
Ayon kay PSC Commissioner Ramon Fernandez, natugunan na raw nila ang isyu sa delay ng mga allowance, na posible na raw maging available bukas, araw ng Lunes.
Paglalahad pa ni Fernandez, ang pagkaantala sa paglalabas ng pera ay bunsod ng coronavirus pandemic, ngunit sa tulong ng Landbank ay kanila na raw naresolba ang problema.
Sinabi pa ng opisyal na may empleyado ng Landbank ang nagpositibo sa COVID-19, kaya lalong na-delay ang processing ng mga allowance.
“Third week of July, inaayos na ‘yan. Had to redo payroll computations and coordination with Landbank on payroll system but all of a sudden, nag-lockdown sila for two weeks at may nag-positive na employee nila,” ayon kay Fernandez.
“But hopefully, release na siya by Monday,” dagdag nito.
Kamakailan nang maglabas ng statement si Go na nakatanggap daw ito ng mga reports na na-delay daw ang allowance ng mga atleta at coaches para sa buwan ng Hunyo at Hulyo.
Tinawag din ni Go, na malapit sa Pangulong Rodrigo Duterte, ang pansin ng PSC na tugunan ang sitwasyon, habang nag-alok din ito ng tulong sa ahensya bilang siya rin ang nakaupong chairman ng Senate Committee on Sports.
-
Kinumpirma ng DOF na hindi pa bayad ang mga Marcos sa utang nilang estate tax
TINAWAG ni Pangulong Rodrigo Duterte ang pansin ng Bureau of Internal Revenue (BIR) patungkol sa hindi pa nakukulektang estate tax ng personalidad na hindi niya pinangalanan — ito habang naiipit ang pamilya ni presidential bet Ferdinand “Bongbong” Marcos Jr. sa P203.8 bilyong estate tax issue. Nabanggit ng pangulo ang isyu habang ipinagtatanggol ang […]
-
Naihatid na sa huling hantungan: Huling gabi ni JOVIT, nagmistulang concert dahil sa mga local bands
INIHATID na sa kanyang huling hantungan ang kauna-unahang grand champion ng ‘Pilipinas Got Talent’ na si Jovit Baldovino sa kanyang bayan sa Batangas, City. Nasa huling gabi nito ang tumatayong manager niya na si Jerry Telan at gayundin si Elena dela Vega hanggang sa libing ng mahusay na singer. Kaya na-witness nila ang mga parangal […]
-
[NOBELA] DEEP INSIDE MY HEART (Chapter 36) Story by Geraldine Monzon
KAPWA nabuhay ang pag-asa sa mga puso nina Angela, Bernard at Andrea nang matagpuan nila ang dalaga sa harap ng dati nilang tahanan. Agad silang nagpa-DNA upang makasiguro sa katotohanang inaasam nila. Nang maiabot na ng doktor ang resulta ng DNA test ay agad binasa ni Angela ang hulihang bahagi nito. Natigilan siya at […]