Duterte pinasalamatan si PNoy sa naging serbisyo sa bayan
- Published on June 26, 2021
- by @peoplesbalita
Kasabay nang pakikiramay, pinasalamatan ni Pangulong Rodrigo Duterte si dating Pangulo Benigno “Noynoy” Aquino III sa serbisyong nagawa nito sa bansa.
“We thank the former president for his service to service to our country,” ani Duterte.
Ayon sa Pangulo, nalungkot siya noong malaman niya na pumanaw na ang dating presidente kahapon ng umaga.
Umaasa si Duterte na magiging inspirasyon ng mga Filipino ang legacy na iniwan ni Aquino.
“Be assured of the government’s assistance in this period of mourning and above all, please accept the love and the prayers of a grateful nation,” ani Duterte.
Inalok din ni Duterte ng tulong ang pamilya Aquino sa kanilang pagdadalamhati.
Nagpahatid naman ng kanilang hiwalay na mensahe ng pakikiramay ang dalawang sinundan niya sa Malakanyang – sina dating Pangulong Joseph Estrada at dating Pangulong Gloria Arroyo.
Sinabi ni Arroyo, bukod sa mga nagawa ni Aquino para sa bansa at sambayanan, maaalala ito bilang bahagi ng pamilya na nag-ambag ng tatlong mahahalagang tao sa kasaysayan ng Pilipinas. Kasama sa tinukoy ni Arroyo sina dating Sen. Ninoy Aquino at dating Pangulong Cory Aquino.
“My family and I join the Filipino people in prayers and sympathy on the passing of former President Benigno Aquino III,” sabi pa ni Arroyo.
Sinabi naman ni Estrada na nalungkot siya sa pagpanaw ni Aquino at aniya ipinagdasal niya ito, maging ang mga naulila.
“My sincere condolences to the Aquino family. Sa pagkakataong ito, ang aking tanging dasal ay bigyan kayo ng Diyos ng lakas ng loob. Paalam, PNoy!” ang pahayag ni Estrada.
Nagpaabot din ng pakikidalamhati si Vice Pres. Leni Robredo habang sa tweet idinaan ni dating VP Jejomar Binay ang kanyang mensahe ng pakikiramay.
Aniya, may mga naging pagkakaiba man sila sa politika ng yumaong pa-ngulo hindi aniya mawawala ang ilang taon nang pagkakaibigan ng kanilang pamilya.
-
Pangako ng DepEd, lagyan ng ‘pananggalang” ang batas na magbabalik sa mandatory ROTC
NANGAKO ang Department of Education (DepEd) na makikipagtulungan sa Kongreso na hindi mangyayari ang bullying sakali at maipatupad ang mandatory Reserve Officers’ Training Corps (ROTC). Sinabi ni DepEd spokesperson Michael Poa, suportado ng departamento ang panawagan ni Pangulong Ferdinand Marcos Jr. na buhayin ang programa subalit nilinaw na ang gagawing pagbabalik sa ROTC […]
-
Tanod nahulihan ng shabu sa Valenzuela
BAGSAK sa kulungan ang isang barangay tanod matapos makuhanan ng shabu makaraang masita sa boarder control point sa Valenzuela City, kamakalawa ng umaga. Nahaharap sa kasong paglabag sa Article 151 of RPC at Sec. 11 under Article II of RA 9165 ang suspek na kinilalang si Leonardo Roldan, 40, Barangay Tanod at residente […]
-
Magla-live na raw ang ‘Eat Bulaga’: TVJ, kino-contest pa rin na makuha ang title ng show
PINAG-UUSAPAN lalo na nang magpaalam na nga ang TVJ na sina Tito Sotto, Vic Sotto at Joey de Leon sa 43 years nilang noontime show na “Eat Bulaga” noong May 31. Nasundan pa ito ng mass resignation naman ng halos lahat ng host at staff ng show. Naiwan ang TAPE Incorporated […]