• February 27, 2024
  • Ang Diyaryong Pinagkakatiwalaan

Election gawing hybrid electoral system

IMINUNGKAHI ng isang abogado na gumamit ng hybrid electoral system para sa 2022 national election upang matuldukan na ang nangyayaring dayaan sa halalan.

 

Sa virtual media forum ng National Press Club, sinabi ni Atty. Glen Chong na ang “hybrid electoral system” ay hindi kagaya ng sa Smartmatic na automated.

 

Sa hybrid aniya ay mano- mano pa rin dahil walang makina sa loob ng precint.

 

Ito ay manual voting, manual counting pero ang transmission ng mga balota ay automated.

 

Paliwanag ni Chong, tao pa rin ang magbibilang ng mano-mano ngunit kapag ita-transmit na ang bilang ng mga boto at balota ay automated.

 

Binigyan diin ni Chong na hindi na maaring makapandaya o mamanipula dahil nabilang na ng mano-mano ang balota o boto bago pa man ito ipadala o itransmit.

 

Hindi na rin aniya maaring gamitin ang mga makina ng Smartmatic sa 2022 dahil baka aniya babagsak lahat.

 

Tatlong Board Election Inspectors o BEI aniya ang magbabantay sa mga presinto kabilang ang Chairperson, poll clerk at member.

 

Ang mungkahing hybrid election ni Chong at kahalintulad din aniya nang panukala ni Senator Vicente Sotto na inihain sa Kongreso sa ilalim pa ni House Speaker Rep. Allan Cayetano ngunit hindi aniya ito inaksyunan o na-hearing.

 

Si Senator Imee Marcos lamang aniya ang nagsimulang nag-hearing ng panukala ngunit kapag wala aniyang counterpart measures mula sa Kongreso ay wala rin umanong mangyayari sa hybrid election system bill.

 

Ayon pa kay Chong dapat na aniyang gawin ang hybrid election para sa isang malinis, makatotohanan at credible na halalan.

 

Umaasa rin si Chong na i-certify ng Pangulong Rodrigo Duterte ang panukalang batas dahil kaya pa naman aniya itong ihabol dahil dati na itong ginagawa sa mga naunang mga halalan sa bansa at wala nang parallel shift na kinakailangan. (Gene Adsuara)

Other News
  • Pagtaas sa presyo ng langis, gawin ng “staggered basis”

    MULING nanawagan ang Department of Energy (DOE) sa mga local oil firms na maghanap ng paraan na magpapagaan sa sunud-sunod na pagtaas sa domestic pump prices na makagiginhawa sa epekto na tumama sa mga consumers.     Ayon kay DOE Oil Industry Management Bureau Assistant Director Rodela Romero, hiniling ng departamento sa mga kimpanya ng […]

  • 52 opisyal ng PNP-CSG sinibak dahil sa malpractice

    NAGSAGAWA ng balasahan ang Philippine National Police-Civil Security Group (PNP-CSG) at inalis sa puwesto ang 52 nilang opisyal dahil umano sa “malpractice.”   Ayon kay CSG Director Police Major General Roberto Fajardo, kabilang sa kanyang sinibak ang 30 police commissioned officer na may pinakamataas na ranggong police colonel, 17 non-commissioned officer at 5 non-uniformed personnel. […]

  • LTO, nagpaliwanag kaugnay ng malapit nang maubos na driver license card

    NAGPALIWANAG ang pamunuan ng Land Transportation Office kaugnay ng nagkakaubusang drivers license card para sa mga kumukuha ng lisensya.     Ayon sa kay Land Transportation Office Chief Jay Art Tugade, hindi na hawak ng kanilang ahensya ang procurement nitong license card.     Sa bisa ng special order ng Department of Transportation nitong January, […]