EX-DPWH SEC. MARK VILLAR PASOK SA BBM-SARA UNITEAM SENATE SLATE
- Published on December 11, 2021
- by @peoplesbalita
Kinumpirma ni presidential aspirant Ferdinand ‘Bongbong’ Marcos, Jr. na kasama sa binubuong senate slate ng BBM-Sara UniTeam si dating Department of Public Works and Highway (DPWH) Secretary Mark Villar.
Kabilang si Villar sa mga kasamang senatoriables ni Marcos Jr. kaninang umaga sa UniTeam Rally na isinagawa sa Bacoor City, Cavite. Nilinaw rin ni Marcos na isa si Villar sa mga unang isinama sa kanilang senate slate.
“Well that is not a surprise for me, because to tell you the truth, Mark Villar is one on the first of our senatorial lists because siya ang una kong nakausap,” paliwanag ni Marcos Jr.
Ayon pa kay Marcos Jr., matagal na niyang kausap si Villar hinggil sa plano nitong pagtakbo bilang senador.
“Bago pa magfiling maliwanag ang kanyang balak na tumakbo bilang senador at magkaibigan naman talaga kami ng mga Villar dahil galing nga ako ng Nacionalista Party (NP),” sabi ni Marcos Jr.
Nabanggit din ni Marcos Jr. na malapit nang ianunsyo ng BBM-Sara UniTeam ang kumpletong senatorial slate nito sa mag susunod na linggo.
“By the way I fully intend to announce our Senatorial line up in the next few days because medyo nabubuo na. We just have to fix the arrangement between the different parties. Yun na lang, mga formalities na lang ng mga grupo,” pahayag ni Marcos Jr. (Bishop Jesus “Jemba” M. Basco)
-
800K beneficiaries, aalisin ng DSWD sa 4Ps
SA HALIP na 1.3 milyon, aabot na lamang sa 800,000 ang mga benepisyaryo na aalisin ng Department of Social Welfare and Development (DSWD) mula sa Pantawid Pamilyang Pilipino Program (4Ps) ng pamahalaan. Ayon kay DSWD officer-in-charge Undersecretary Edu Punay, ang orihinal na 1.3 milyong benepisyaryo ay isinailalim nila muli sa rebalidasyon dahil ang naturang numero […]
-
PBBM, labis na nabahala sa Paeng death toll sa Maguindanao
NAGPAHAYAG nang labis na pagkabahala si Pangulong Ferdinand Marcos Jr. ukol sa mataas na fatality count sa Maguindanao province dahil sa pagbaha sanhi ng pananalasa ni Severe Tropical Storm Paeng. Sa isinagawang full council meeting ng National Disaster Risk Reduction and Management Council (NDRRMC), araw ng Sabado, Oktubre 29, hiningan ng reports ng […]
-
PSC inihahanda na ang mga pasilidad para sa Team Philippines
KAILANGAN nang paghandaan ng mga national athletes ang mga darating na international competitions kagaya ng 32nd Southeast Asian Games sa Cambodia at ang 19th Asian Games sa China sa 2023. Kaya naman gagawing 100% operational ng Philippine Sports Commission (PSC) ang Rizal Memorial Sports Complex (RMSC) at PhilSports Complex bilang mga main training […]