Glaiza, ‘di itinatanggi na miss na miss na ang bf na si David

BALCONY

HANGGANG ngayon, nasa Baler pa rin si Glaiza de Castro habang ang boyfriend na si David Rainey ay nakabalik na sa bansa nito.

Ibig sabihin, may ilang buwan na silang physically separated at through online na lang din ang komunikasyon.

Magkasama sila during enhanced community quarantine pa sa Baler. At hindi itinatanggi ni Glaiza na miss na miss na niya ito, lalo pa nga ngayon na dahil sa pandemic, wala pang kasiguraduhan kailan sila ulit makakadalaw sa isa’t-isa.

At ramdam din siguro ng mga kaibigan ni Glaiza na nasa Baler ang pagka-miss niya sa boyfriend lalo pa nga’t anniversary nila. Kaya sinorpresa siya ng mga ito. May bisita raw siya pero laking tawa ni Glaiza nang makita ang hinandang tarpauline ng mga kaibigan.

Nag-pose rin si Glaiza katabi ang tarpauline ni David habang nakaupo sa may dagat.

Aliw rin ang caption ni Glaiza na patuloy pa rin napapanood sa GMA Network sa rerun ng Encantadia. Aniya, “Since I have been dealing with separation anxiety for being apart for a few months now, I chose to do things that make me happy like waking up in the morning to see the sunrise and learn surfing, exercising and cooking amongst other things.

“But this morning, someone sur- prised me and I’m so grateful ‘cause he constantly find ways to be there for me. Though not physically for now, I know we’ll be together again but hopefully, soon. LOL.

“Maraming salamat at mahal kita.”

Nagpasalamat din ito sa mga kaibigang gumising daw ng maaga para sa surprise na yun sa kanya.

*****

SA September 27 na ang airing ng bagong show ng Asia’s Multi-media Star na si Alden Richards sa GMA Public Affairs na Lockdown: Food Diaries.

Close to Alden’s heart ang bagong show dahil isa itong documentary na magpapakita ng iba’t- ibang workers sa food sector at ang katapangan nila at determinasyon kahit at risk ang safety nila and yet, they keep the supply chain running.

Ang Lockdown: Food Diaries ang first project ni Alden since the lockdown that involved on-location shoots. Eh, kamakailan lang, si Alden ang hinirang na Department of Health’s Anti-COVID-19 Awareness Campaign Ambassador.

Kaya sabi nga niya, “Dati noong nung wala pang COVID, ‘pag aalis ng bahay lagi lang nating sine-se- cure mga dadalhin ‘yung pitaka natin, bag, susi ng kotse. Ngayon, nasanay na tayo na may face mask, face shield, alcohol.”

Bilang isang restaurant owner and a food chain franchise owner, inamin ni Alden kung paano nag- suffer ang business niya at kung paano rin sila nag-adapt sa changes.

“Nagkaroon lang ng certain adjustments and scheduling. Kasi para sa amin po, mas importante yung tao, yung staff more than income na nage-generate ng mga restaurants namin. Kasi hindi naman po kami kikita kung hindi din dahil sa mga taong nagtatrabaho at naghihirap every day.”

Habang ginagawa ang Lockdown: Food Diaries, nakakuha rin daw ng inspiration si Alden.

“Saludo po kami sa inyo at binibigyan ninyo kami ng inspirasyon na ‘wag sumuko sa laban ng buhay ngayon. Kasi dun talaga natin makikita na yung mga Pinoy, hindi talaga mapride e. Gagawin natin lahat para magsurvive, para makapagsustento sa mga mahal natin sa buhay.”

Sey pa niya, “Ako, ito yung quote ko every day ‘the only difference between a good day and a bad day is your attitude.” (ROSE GARCIA)