Kidapawan, DavNor swimmers magilas sa FINIS Mindanao leg
- Published on August 15, 2022
- by @peoplesbalita
UMAGAW ng eksena ang mga tankers ng Kidapawan Long Wave Swim Team at DavNor Blu Marlins Swim Team sa Mindanao leg ng 2022 FINIS Short Course Swim Series sa Governor Douglas RA Cagas Sports, Cultural and Business Complex sa Matti. Davao del Sur.
Sinabi ni FINIS Philippines Managing Director Vince Garcia na ang dalawang araw na event ay nagsisilbing qualifying para sa National Finals na nakatakda sa Agosto 20-21 sa New Clark Swimming Pool sa Tarlac.
Papasok sa national finals ang top 16 swimmers sa bawat event.
“Mahigit 100 koponan ang sumali sa huling leg ng serye dahil nakataya ang mga puwesto para sa National Finals,” wika ni Garcia. “Natuwa rin sila sa programa natin.”
Wagi sa kanilang mga events sina Kail Kahulugan, Jacob Ansale, Leonard Odell Narreto, Teofh Velez, Czarina Cavite, Shan Cyril Luga, Anthony Acedo, Ethan Bazylewicz, Rain Andrei Tumulac, John Bem Batalla, Hansel Sarayan, Kate Ytang, Jahred Carlos Basan at Zabrinah Pailagao.
Malalaking premyo ang naghihintay sa National Finals kabilang ang training package para sa mga atleta na makakabura ng national record.
Ang Mindanao leg ay sentro ng FINIS-organized Davao Del Sur Aquatics Challenge ngayong buwan dahil gaganapin din sa lalawigan ang Finis Passig Islet 5K Open Water Swim Challenge sa Agosto 27 at ang Kids of Steel Triathlon Finis Green Aquathlon sa Agosto 28 sa Digos City.
-
COMELEC AT E-MONEY TRANSFER WALA PANG KASUNDUAN
SINABI ng Commission on Elections (Comelec) nitong Peb. 8, na wala pang konkretong kasunduan sa mga e-money transfer companies para masubaybayan ang mga aktibidad sa pagbili ng boto. Gayunman, sinabi ni Comelec Spokesperson James B. Jimenez na ang poll body ay sinusubukang gawin ang isang bagay sa usaping ito. “Wala pa […]
-
Grassroots sports sa bansa tampok sa PSC-NSS ngayon
KAILANGANG masigla ang grassroots sports sa bansa para sa ikatatagumpay sa Summer Olympic Games ang magiging tampok sa ikatlong sesyon ng Philippine Sports Commission (PSC) National Sports Summit 2021 ngayong Huwebes, Pebrero 11. Ibubunyag ng PSC ang mga programang nakapokus para sa mga baguhang atleta bilang pundasyon tungo sa pagiging pinakamahuhusay sa elite […]
-
Para maranasan ang ‘hospitality’ ng mga pinoy: mamamayan ng Czech, niligawan ni PBBM na bumisita sa Pinas,
NILIGAWAN ni Pangulong Ferdinand Marcos Jr. ang mga mamamayan ng Czech Republic na bisitahin ang Pilipinas at maranasan ang hospitality o kagandahang-loob ng mga filipino. Sa kanyang bilateral meeting kasama si Czech Republic Prime Minister Petr Fiala, binanggit ni Pangulong Marcos ang regional airports na na-develop at upgraded para itaas ang accessibility sa mga local […]