Libu-libong pamilya mula sa iba’t ibang lugar sa bansa, inilikas dahil sa pananalasa ni bagyong Pepito
- Published on October 23, 2020
- by @peoplesbalita
TINATAYANG nasa 5,000 pamilya ang inilikas sa ilang bahagi ng bansa dahil sa sama ng panahon na nararanasan dulot ng bagyong Pepito.
Sa Laging Handa public press briefing ay sinabi ni NDRRMC Asec Casiano Monilla na malaking bahagi ng mga inilikas ay mula sa Region 4a partikular sa Quezon province kung saan nasa 4,790 pamilya ang apektado mula sa 64 na mga brgy.
Nananatili din sa iba’t ibang evacuation centers ang nasa 184 na pamilya o 645 na katao mula sa Region 2.
Ayon pa kay Asec Monilla may ilang kalsada at tulay ang nananatiling unpassable hanggang sa mga oras na ito dahil sa taas ng baha tulad ng Cabagan, Sta. Maria road.
Nagkaroon din aniya ng paglikas sa Pampanga habang sa Cagayan ay inilikas ang 171 pamilya, 168 na pamilya din ang inevacuate sa Isabela at 3 pamilya sa Quirino.
Aniya, sinusunod ang health safety protocols sa mga evacuation center upang matiyak na hindi kakalat ang covid 19.
Samantala, wala naman aniyang casualties ang bagyong Pepito pero, pinayuhan nito ang publiko na mag ingat parin dahil sa pagtaya ng Pagasa ay nasa 5 hanggang 8 bagyo pa ang papasok sa bansa bago matapos ang taon kung saan 1 o 2 dito ay sadyang mapaminsala.
-
3 koponan ng PSL papahinga sa 2021
SINIWALAT na ng Philippine SuperLiga (PSL) ang mga programa para sa taong 2021, pero magpapahinga muna ang tatlong koponan ng semi-professional women’s volleyball league. Hindi na muna maglalaro ng isang taon sa liga ang Petron Blaze Spikers, Generika-Ayala Lifesavers at Marinerang Pilipina Lady Skippers dahil sa rason nilang may pandemya pa ng Covid-19. […]
-
Simbang Gabi puwedeng ganapin sa mga gymnasiums, iba pang malalaking venues
Dahil sa inaasahang pagdagsa ng mga mananampalataya sa mga simbahan sa tradisyunal na Simbang Gabi, nagtakda ng mga pagbabago ang Catholic Bishops Conference of the Philippines (CBCP) kabilang ang pagsasagawa ng naturang misa sa mas malalaking mga venues tulad ng mga gymnasiums. “Sa Simbahan 30 percent lang ang ina-accommodate na mass goers kaya pwede sa […]
-
1 gradweyt kada pamilya, target ni Bong Go
Inihayag ni Senator Bong Go sa harap ng grupo ng mga negosyante ang kahalagahan ng edukasyon bilang salik sa pagsustine sa pagrekober ng ekonomiya ng bansa. Sa Presidentiables Forum ng Philippine Chamber of Commerce and Industry kasabay ng 47th Philippine Business Conference and Expo, sinabi ni Go na kinakailangang matukoy ang 10 milyong […]