Obrero dedbol sa pamamaril ng 2 kalugar sa Malabon
- Published on December 29, 2023
- by @peoplesbalita
TUMIMBUWANG ang duguan at walang buhay na katawan ng 40-anyos na construction worker matapos pagbabarilin ng isa sa dalawang kalugar na kanyang nakaalitan sa Malabon City.
Dead-on-the-spot sanhi ng tinamong tama ng bala sa katawan ang biktimang si Cresencio Casas, ng No. 5 Atis Rd San Miguel Brgy. Potrero.
Tinutugis naman ng pulisya para maaresto ang mga suspek na sina Ericson Francia alyas Onetit at Archie Bautista, kapwa nasa hustong gulang at parehong nakatira din sa nasabing lugar.
Sa report nina PSSg Ernie Baroy at PSSg Diego Ngippol kay Malabon police chief P/Col. Jay Baybayan, dakong alas-9:15 ng gabi nang maganap ang insidente sa harap ng Lasbuenas Garment sa Industrial Road Brgy. Potrero.
Lumabas sa inisyal na imbestigasyon ng pulisya na bago naganap ang insidente ay nagkaroon ng mainitang pagtatalo sa pagitan ni Casas at mga suspek sa labas ng bahay ng biktima subalit, naawat naman sila ng mga bystander.
Gayunman, nang umalis ang biktima ay sinundan siya ng mga suspek at habang nakatayo si Casas sa harap ng Lasbuenas Garment ay isa sa mga salarin ang naglabas ng baril saka sunod-sunod na pinaputukan siya sa katawan bago mabilis na nagsitakas sa hindi matukoy na direksyon.
Narekober ng pulisya sa crime scene ang isang metal fragment, isang improvised hand gun na kargado ng isang bala ng 12 gauge shotgun, dalawang patalim, at isang coin purse na naglalaman ng dalawang plastic sachets na may laman ng hinihinalang shabu.
Patuloy naman ang imbestigasyon ng pulisya para matukoy ang motibo sa insidente. (Richard Mesa)
-
Stephen King’s The Long Walk Adaptation Zeroes In On First Cast Members
THE Long Walk adaptation is confirmed for filming in July 2024, with potential leads Copper Hoffman and David Jonsson. The premise suggests the need for multiple male actors, this Hoffman and Jonsson possibly portraying the main characters. Hoffman and Jonsson, though not officially confirmed, have promising resumes for their potential roles in The […]
-
Pamahalaan, papasok na sa huli at ika-apat na yugto ng National Action Plan
PAPASOK na ang pamahalaan sa ika- apat na phase ng National Action Plan kaugnay ng mga ginagawa nitong aksiyon laban sa COVID 19. Sinabi ni Cabinet Secretary Karlo Alexei Nograles, hanggang sa 1st quarter na lang ng 2021 ang phase 3 at pagkatapos nitoy papasok na ang phase 4 o ang huling phase na […]
-
Franklin pumukol ng pitong tres kontra Dyip
IBINUHOS ni Jamaal Franklin ang pitong tres tungo sa pagtatala ng kabuuang 42 puntos na nagbitbit sa Converge FiberXers sa ikalawang sunod na panalo sa pagpapalasap ng 130-115 kabiguan kontra Terrafirma Dyip sa PBA Governors Cup kagabi sa PhilSports Arena sa Pasig. Nagdagdag pa si Franklin ng 11 rebounds, 8 assists, 1 steal at […]