PBBM, dumating sa Tacloban, nagsagawa ng briefing sa epekto ng panahon sa Northern Samar

DUMATING kahapon ng umaga si Pangulong Ferdinand Marcos Jr. sa Tacloban at kagyat na nagsagawa ng virtual briefing sa matinding epekto ng shear line at low pressure area (LPA)  na nakaapekto sa Northern Samar.

Nauna rito, nakatakda sanang  lumapag sa bayan ng Catarman si Pangulong Marcos. Gayunman, hindi nagawang mag-landing ang eroplano ng sinasakyan ng Chief Executive.

Sa kabilang dako, sinabi ng weather bureau na PAGASA  na nakaranas ang  Catarman ng mahigit na isang buwan ng pag-ulan sa loob lamang ng 24 oras, iniuugnay sa shear line,  “cold and warm air converge.”

Dahil sa weather disturbance, napilitang ilikas  ang mahigit sa  24,000 pamilya.

Mataas ang tubig-baha kung saan ang mga residente ay nakitang nakakapit  sa mga piraso ng kahoy at styrofoam ang iba naman ay napilitang lumangoy para sa kanilang kaligtasan sa gitna ng presensiya ng  electric wires.

Sa isinagawang rescue operations, naranasan ng mga awtoridad ang kahirapan  bunsod ng malakas na water current.

Ginawa ang deklarasyon matapos na irekumenda ng Provincial Disaster Risk Reduction and Management Council (PDRRMC) dahil sa pinsala sa imprastraktura at mga ani sanhi ng malalim na pagbaha.

Samantala, may kabuuang  169 klase at  12 work schedules ang sinuspinde dahil sa masama at masungit na panahon. (Daris Jose)