Sara Duterte-Carpio, ‘klaro’ na ‘di tatakbo sa ilalim ng PDP-Laban — Cusi
- Published on October 23, 2021
- by @peoplesbalita
Malinaw sa mga naging pahayag ni Davao City Mayor Inday Sara Duterte-Carpio na hindi siya tatakbo sa ilalim ng PDP-Laban, ayon kay Energy Secretary Alfonso Cusi na pinuno rin ng partido.
Inihayag ito ni Cusi sa gitna ng mga ispekulasyon na ipapalit ito kay Sen. Ronald “Bato” Dela Rosa na pambato ng partido sa presidential elections sa susunod na taon.
Running-mate ni dela Rosa si Sen. Christopher “Bong” Go.
Sa panayam ng Headstart ng ANC, sinabi ni Cusi na hindi nila naikonsidera ang pagpalit ni Sara kay Dela Rosa dahil malinaw naman ito sa mga naunang pahayag ng alkalde na hindi ito kakandidato sa ilalim ng PDP.
Pinapayagan ang substitution ng mga kandidato kung ang orihinal na naghain ng kandidatura at ang ipapalit ay magka-partido.
Sinabi rin ni Cusi na pinatakbo nila si Dela Rosa dahil hindi natuloy ang orihinal nilang plano.
Matatandaan na si Duterte sana ang tatakbo bilang bise presidente ng bansa pero umatras ito at sa halip ay pinatakbo si Go na sinamahan pa niya sa paghahain ng kandidatura.
Napagkasunduan aniya na si Dela Rosa ang patakbuhin bilang pangulo dahil may adbokasiya rin naman ito.
-
Philippine Charity Sweepstakes Office, todo pasalamat sa PNP na paiigtingin ang pagsugpo sa illegal gambling
IKINATUWA ng Philippine Charity Sweepstakes Office (PCSO) ang pangako ng Philippine National Police (PNP) na paigtingin ang kanilang pagsugpo sa illegal gambling sa bansa. Makakatulong ito sa ahensya na makapagbigay ng mas magandang serbisyo sa publiko. Kung matatandaan, nagbigay ng pangako si PNP chief Gen. Benjamin Acorda Jr. kay Philippine Charity […]
-
Hontiveros sa house-to-house search for COVID-19 cases ng PNP: Parang tokhang
Inihalintulad ni Senator Risa Hontiveros ang inisyatibang house-to-house search para sa coronavirus disease 2019 o COVID-19 cases sa ‘oplan tokhang’ na isasagawa ng mga pulis, local government, at health officials. Maaalalang ang oplan tokhang ay ikinasa laban sa iligal na droga. “Parang tokhang pero pang-COVID. This may actually discourage more people from reporting […]
-
Malakanyang, mahigpit na naka-monitor sa bagyong Maring
MAHIGPIT na naka-monitor ang Malakanyang sa nagpapatuloy na operasyon sa Tropical Storm Maring habang patuloy itong kumikilos palabas ng Northern Luzon. Ang rescue personnel at teams mula sa local government units ay nasa lugar upang ang lahat ng requests para sa rescue at assistance ay kaagad na maaksyunan ng lahat ng may kinalaman na […]