Taxi driver tinodas ng riding-bicycle
- Published on December 11, 2020
- by @peoplesbalita
Dedbol ang isang 43-anyos na taxi driver matapos barilin sa ulo ng hindi kilalang riding-bicycle gunman habang nakatayo ang biktima sa gilid ng kalsada sa Malabon city, kamakalawa ng hapon.
Ayon kay Malabon police chief P/Col. Angela Rejano, dead on the spot sanhi ng tinamong tama ng bala sa ulo si Eduard Nonong, ng 51 Kaingin Road, Balintawak, Quezon city.
Habang ang suspek na nakasuot ng brown t-shirt ay mabilis na tumakas sakay ng bisikleta patungong Del Monte Avenue, Brgy. Potrero matapos ang pamamaril.
Sa imbestigasyon ni homicide investigator P/SSgt. Jose Romeo Germinal II, dakong 4 ng hapon, nakatayo ang biktima sa kahabaan ng Banana Road, malapit sa Victoria Court sa Brgy. Potrero nang lumapit mula sa likod ang suspek na sakay ng bisikleta at walang sabi-sabing binaril sa ulo si Nonong.
Kaagad namang nagsagawa ng follow-up operation ang mga tauhan ng Malabon Police Sub-Station 1 na rumesponde sa crime scene subalit, nabigo ang mga ito na maaresto ang suspek.
Patuloy ang imbestigasyon ng pulisya sa posibleng pagkakilanlan at pagkakaaresto sa suspek habang inaalam pa ang motibo sa insidente. (Richard Mesa)
-
May dinelete sa conversation para palabasing may affair: BIANCA, nagsalita na sa kinasangkutang isyu nila ni ROB
May dinelete sa conversation para palabasing may affair: BIANCA, nagsalita na sa kinasangkutang isyu nila ni ROB NAGSALITA na si Bianca Manalo tungkol sa kinasangkutan niyang kontrobersya kasama ang co-star niya sa teleserye na ‘Magandang Dilag’ na si Rob Gomez. Kumalat kamakailan sa social media ang conversation nila diumano ni Rob at parang lumalabas na […]
-
Ekonomiya ng Pinas, “performed well” ngayong taon ng 2023 — NEDA
IPINAGMALAKI ng Malakanyang na nagpakitang-gilas ang ekonomiya ng PIlipinas ngayong taon sa gitna ng mga hamon na nararanasan ng bansa. Sa press briefing sa Malakanyang, sinabi ni National Economic and Development Authority (NEDA) chief Arsenio Balisacan na ang Pilipinas ay isa sa “best performing economies” sa Southeast Asian economies. […]
-
Harry Roque, nagsumite ng counter-affidavit na naka-notaryo sa Abu Dhabi
NAGSUMITE ang kampo ni dating presidential spokesperson Harry Roque, araw ng Martes ng isang counter-affidavit na naka-notaryo sa Abu Dhabi. Sinabi ni Prosecutor General Richard Fadullon na ang counter-affidavit ukol sa qualified trafficking complaint na inihain ng Department of Justice (DOJ) laban kay Roque ay naka-subscribe sa Abu Dhabi noong Nobyembre 29. […]