Tricycle driver sinaksak ng nakaaway sa birthday party
- Published on October 10, 2020
- by @peoplesbalita
NASA kritikal na kalagayan ang isang tricycle driver matapos saksakin ng kanyang nakaaway sa isang inuman sa birthday party sa Malabon city, kahapon ng madaling araw.
Inoobserbahan sa Tondo Medical Center sanhi ng tinamong saksak sa likod ang biktimang si Mark Joseph De Guzman, 33, ng 10 Nadala, Merville Subd. Brgy. Dampalit.
Pinaghahanap naman ngayon ng mga pulis ang suspek na kinilalang si Jhon Carlo Arcebal, 25, delivery boy ng J Cenceo, Merville Subd. na mabilis na tumakas sa hindi matukoy na direksyon matapos ang insidente.
Sa imbestigasyon ni PCpl Renz Marlon Beniquid at PCpl Archie Beniasan, imbitado ang biktima sa birthday party ng kapatid ng suspek na si Mark Arcebal sa kanto ng J Cancio at R Diaz Sts.
Habang nag-iinuman alas- 12:15 ng gabi nang mauwi sa pagtatalo ang biktima at ang suspek sa hindi malaman na dahilan kaya’t agad pumagitna si Mark saka inawat ang dalawa bago hinimok si De Guzman na umuwi na lamang.
Gayunman, sinundan ito ng suspek na armado ng patalim saka sinaksak sa likod bago tumakas habang isinugod naman ang biktima ng rumespondeng barangay tanod sa naturang pagamutan. (Richard Mesa)
-
Gadon, nanumpa sa bagong posisyon sa harap ni PBBM
OPISYAL nang nanumpa sa harap ni Pangulong Ferdinand Marcos Jr., si Presidential Adviser on Poverty Alleviation Larry Gadon, araw ng Lunes, Hulyo 10. Kumpiyansa ang Pangulo na malaki ang maitutulong ni Gadon para tugunan ang kahirapan sa bansa. Sa kabila ng tinanggalan ng Korte Suprema ng lisensiya bilang abogado si Gadon […]
-
Magdadala ng emosyon at excitement sa ‘Ang Himala ni Niño’: CEDRICK at ZION, hatid ang kakaiba nilang husay sa pag-arte
PATULOY na inaabangan at tinatangkilik ang bagong family drama ng TV5 na Ang Himala ni Niño. Kuhang-kuha ng kwento ang puso ng mga manonood, lalo na dahil sa husay ng batang bida nito na si Zion Cruz. Inaabangan naman ang pagpasok ng award-winning actor na si Cedrick Juan sa naturang serre. Siguradong magdadala […]
-
Gyms, fitness centers at iba pa pinayagan nang magbukas ng IATF
Simula sa Sabado ay inaasahang magsisibalikan na ang mga fitness buffs sa mga gyms at fitness centers. Ito ay matapos ihayag kahapon ni Department of Trade and Industry (DTI) Secretary Ramon Lopez ang pagpayag ng Inter-Agency Task Force for Emerging Infectious Diseases (IATF) na muling buksan ang mga gyms at fitness centers sa gitna […]