Ugas tataob kay Pacquiao sa rematch — Fortune
- Published on September 9, 2021
- by @peoplesbalita
Umaasa si strength and conditioning expert Justine Fortune na ikokonsidera ni People’s Champion Manny Pacquiao ang rematch kay World Boxing Association (WBA) welterweight champion Yordenis Ugas para sa kanyang final fight.
Gusto ni Fortune na muling sumalang si Pacquiao sa huling pagkakataon dahil ayaw nitong magretiro ang Pinoy pug ng ganun ganun na lang.
Sa kabila ng tensiyon sa coaching staff, gusto pa rin ni Fortune na makasama ang Pinoy champion sa huling laban nito.
Sa oras na maikasa ang rematch, optimistiko si Fortune na kayang-kaya ni Pacquiao na pabagsakin si Ugas dahil napagpag na ang kalawang nito.
“For me, I don’t want Manny to retire with a loss. I wouldn’t mind a rematch with Ugas. I think Manny should be able to beat him with no more ring rust,” ani Fortune sa Boxing Scene.
Matagal-tagal ding hindi sumabak si Pacquiao — mahigit dalawang taon mula nang talunin nito si Keith Thurman noong Hulyo ng taong 2019.
Alam ni Fortune na may ilang pagkakamali sa training camp ni Pacquiao noong naghahanda ito para kay Ugas at umaasang hindi na ito mauulit sa oras na muling magsimula ang pagsasanay ng Pambansang Kamao.
Lumasap si Pacquiao ng unanimous decision loss kay Ugas kung saan isa sa itinuturong dahilan ang tinamong cramps ng fighting Senator sa huling bahagi ng laban.
May alitan sina Fortune at Hall of Famer Freddie Roach ngunit handa si Pacquiao na pumagitna upang maayos ang gusot.
-
6 dagdag na benepisyo sa health workers isinulong
Makakakuha ang frontline health workers ng anim na dagdag na benepisyo tuwing may public health emergency, kapag naisabatas ang panukalang isinumite ni Sen. Kiko Pangilinan. Layon ng “Health Workers Protection During Public Health Emergencies Act” ni Pangilinan na pagtibayin ang dagdag na benepisyo para sa public at private health care workers na may […]
-
P1.7 bilyong shabu sa tea bag nakumpiska, 2 Chinese tiklo
NAKAKUMPISKA ng 260 kilo ng hinihinalang shabu na nakasilid sa tea packs at nagkakahalaga ng kabuuang P1.768 bilyon, ang mga tauhan ng Philippine Drug Enforcement Agency (PDEA), katuwang ang Philippine National Police (PNP), sa dalawang sabayang buy-bust operation sa Quezon City at Cavite kahapon. Batay sa ulat ni PDEA Director General Wilkins Villanueva, […]
-
Dating Mayor ng Antique, itinalaga bilang bagong pinuno ng SBMA
ITINALAGA ni Pangulong Ferdinand Marcos Jr. si dating Antique Mayor Jonathan Dioso Tan bilang Administrator and Chairman ng Subic Bay Metropolitan Authority na may termino na anim na taon. Pinalitan ni Tan si Rolen C. Paulino. Ang appointment letter ni Tan na pirmado ng Pangulo ay may petsang Abril 28, 2023. […]