World’s fastest man na si Usain Bolt, kinapitan ng COVID-19
- Published on August 26, 2020
- by @peoplesbalita
Dinapuan ng coronavirus disease 2019 (COVID-19) ang world-record sprinter at eight-time Olympic gold medallist na si Usain Bolt.
Ayon sa health ministry ng Jamaica, posibleng nakuha raw ni Bolt ang COVID-19 ilang araw matapos idaos ang isang malaking party para sa kanyang ika-34 taong kaarawan kung saan wala raw suot na face mask ang mga dumalo.
Naglunsad na rin aniya ng contact tracing ang mga otoridad upang matukoy kung sinu-sino ang mga nakahalubilo ni Bolt.
Sa ngayon ay naka-self quarantine ngayon si Bolt sa kanyang tahanan sa nasabing bansa.
Una rito, nag-post ang Olympic sprinter ng video sa social media kung saan naghihintay daw ito ng kanyang resulta, bago himukin ang lahat ng kanyang mga nakasalamuha na sumailalim na rin sa quarantine.
“I’m just waking up, and like everybody else I checked social media which is saying I am confirmed to have Covid-19,” wika ni Bolt. “I did a test on Saturday to leave because I work. I am trying to be responsible so I am going to stay in and stay here for my friends.”
“I’m having no symptoms so I am going to quarantine myself and wait on the confirmation, to see what is the protocol and how I should go about quarantining myself,” dagdag ni Bolt. “Until then, I am saying anyone who has had contact with me should quarantine by themselves just to be safe, and just to take it easy.”
Batay sa pinakahuling datos, mayroon nang 1,612 kumpirmadong kaso ng virus ang Jamaica, na may 622 active cases at 16 deaths.
-
Panukalang magbabawal sa ‘no permit, no exam’ policy sa private schools, aprubado na sa Kamara
INAPRUBAHAN ng Kamara nitong Lunes ang panukalang magpapataw ng administrative sanctions laban sa mga private elementary at high school educational institutions na hahadlang sa mga estudyante na kumuha ng nakatakdang periodic examinations dahil hindi nakabayad ng kanilang financial obligations. Umaasa si Speaker Ferdinand Martin Romualdez na sa pagkaka-apruba ng panukala ay makakatulong sa […]
-
DoH, siniguro na hindi magkakaroon ng anumang aberya sa pagbyahe ng bakuna
TINIYAK ng Department of Health (DoH) na hindi magkakaroon ng aberya sa pagbiyahe ng Covid-19 vaccine patungo sa Research Institute for Tropical Medicine (RITM) mula sa pagdating nito sa paliparan. Sa Laging Handa briefing, sinabi ni DOH Director Ariel Valencia na mayroon na kasing mga inilatag na contingency plan ang gobyerno ukol sa kung […]
-
30-minutong ‘heat stroke break’ ipapatupad ng MMDA
MAGPAPATUPAD ng ‘heat stroke break’ na tatagal ng 30-minuto ang Metropolitan Manila Development Authority (MMDA) para sa kanilang mga tauhan sa kalsada upang makapagpalamig at makaiwas sa posibleng heat stroke. Pinirmahan ni MMDA Acting Chairman Atty. Don Artes ang isang memorandum circular upang muling ipatupad ang heat stroke break para protektahan ang […]