• March 29, 2024
  • Ang Diyaryong Pinagkakatiwalaan

Archive for August 26th, 2020

P500 HAZARD PAY SA MGA EMPLEYADO NG MANILA CITY HALL

Posted on: August 26th, 2020 by @peoplesbalita No Comments

MAKAKATANGGAP ng P500 kada araw na hazard pay ang lahat ng city employee ng Maynila na nag report sa kanilang trabaho sa panahon nh enhanced community quarantine (ECQ)

 

Ayon kay Manila Mayor Francisco “Isko Moreno” Domagoso ,ito ay iyong nagsipag report na empleyado mula Marso 17 hanggang Mayo 15,2020.

 

Nabatid na ipinasa ng Manila City Council unanimously sa pangunguna ni Vice President Honey Lacuna, ang isang city ordinance na maglalaloob sa mga empleyado ng ‘COVID-19 hazard pay.

 

Ito umano ay bilang pagkilala sa pagsusumikap ng mga empleyado na makapasok sa trabaho sa kabila ng banta ng COVID19.

 

Nalaman na inaprubahan ng Manila City Council ang may P151 milyon para sa hazard pay.

 

Samantala nilinaw naman ni Council Majority leader Councilor Joey Chua na hindi kasama sa hazard pay ng Lungsod ang mga barangay officials dahil hindi naman sila ikunukunsidera bilang city employees.

 

Kung may pondo ang mga barangay doon dapat kunin ang kanilang hazard pay na hindi lalampas sa P500 kada araw alinsunod sa Administrative Order No.26 na inisyu ni Pangulong Rodrigo Duterte

na naging basehan ng pagpasa ng of Ordinance No. 8667.

Ayon kay Moreno,ang budget para sa ordinansa ay kukunin sa Personal Services and Special Activities fund at Maintenance at iba pang Operating Expenses ng siyudad.

 

Kabilang sa bibigyan ng hazard pay ang mga regular ,contractual o casual at job order na empleyado. (GENE ADSUARA)

Jolo town nasa ‘total lockdown’ dahil sa twin blasts – mayor

Posted on: August 26th, 2020 by @peoplesbalita No Comments

Iniutos ngayon ng alkalde ng bayan ng Jolo sa lalawigan ng Sulu ang pagsasailalim sa kanilang lugar sa total lockdown.

 

Ang hakbang ni Mayor Kerkhar Tan ay matapos ang magkasunod na madugong pambobomba sa downtown area na ikinamatay ng 13 katao kasama na ang suicide bomber.

 

Liban nito, halos 80 na ang mga sugatan kung saan 18 sa mga ito ay mga sundalo.

 

Batay sa direktiba ng mayor, pansamantala munang isasara sa mga residente ang mga entry at exits points o walang papayagang makalabas at makakapasok sa kanilang bayan.

 

Ito ay liban lamang kung may mga sapat na dahilan o special cases.

 

Binigyang diin pa ni Mayor Tan, hindi nila aalisin ang total lockdown hangga’t hindi matatapos ang imbestigasyon.

 

“Cancellation of entry and exit to and from Jolo shall be strictly enforced except on some special cases. Lockdown will be lifted until the investigation is finished,” ani Mayor Tan sa kanyang advisory. (Ara Romero)

Ads August 26, 2020

Posted on: August 26th, 2020 by @peoplesbalita No Comments

15 na ang patay pati suicide bomber, halos 80 na sugatan sa twin bombings sa Jolo, Sulu

Posted on: August 26th, 2020 by @peoplesbalita No Comments

Binulabog ng dalawang magkasunod na malakas na pagsabog ang Jolo, Sulu.

 

Ayon sa mga otoridad unang sumabog ang isang bomba dakong alas-11:58 ng umaga sa Brgy. Walled City, Jolo.

 

Iniulat naman ng PNP na ang ikalawang pagsabog ay naganap pagsapit ng ala-1:00 ng hapon na hindi lamang kalayuan sa unang explosion (100 meters) doon din sa bisinidad ng Barangay Walled City sa harap lamang ng DBP Bank.

 

Kagagawan naman daw ito ng isang suicide bomber.

 

Ang unang pagsabog ay malapit lamang sa Red Cross Chapter.

 

Isang motorsiklo na may nakakabit na improvised explosive devise (IED) ang umano’y ipinarada ang bigla na lamang sumabog malapit sa naka-park na 6×6 military truck.

 

Sa inisyal na impormasyon mula kay Lt. Col. Ronald Mateo, civil military relations officer ng 11th infantry division, kabilang umano sa nasawi sa second explosion ay ang mismong suicide bomber.

 

Lumabas naman ang impormasyon na umakyat na sa 15 ang nasawi na kinabibilangan ng pitong mga sundalo, isang pulis at anim na mga sibilyan.

 

Umaabot na rin 75 ang sugatan na kinabibilangan ng 21 mga sundalo at anim na mga pulis.

 

Malapit lamang umano sa lugar nang pinangyarihan ng explosion ang ilang mga grocery stores na nagkataong namimili.

 

Sa impormasyon naman mula kay Capt. Rex Payot, spokesperson ng 11th Infantry Division, Philippine Army, nagsasagawa ng kanilang routine patrol at tumutulong sa COVID-19 response ang mga sundalo nang mangyari ang pagsabog.

 

Sa ngayoninilagay na ni Mayor Kerkhar Tan sa total lockdown ang buong Metro Jolo kasabay nang pagkordon sa lugar upang suyurin at malaman kung meron pang panganib sa mga mamamayan at mga otoridad.

 

Kaugnay nito, nanawagan naman si AFP spokesperson Maj. Gen. Edgard Arevalo sa publiko na maging kalmado pero alerto. “We, together with our counterparts, are still determining the details of the explosion through post blast investigation. At the moment our troops on the ground are evacuating and providing treatment for the casualties while securing the area. The 11th Infantry Division and the joint Task Force Sulu are on high alert following this incident. We advise the public to stay calm but be vigilant to monitor and report any suspicious persons or items or unusual activities in the area.” (Ara Romero)

Patuloy na naire- record na karagdagang kaso ng COVID-19 sa bansa, dapat tingan sa positibong perspektibo – WHO

Posted on: August 26th, 2020 by @peoplesbalita No Comments

NANINIWALA ang World Health Organization na hindi dapat na ikahina ng kalooban ang patuloy na naiuulat na pagdami ng kaso ng COVID sa bansa.

 

Sinabi ni Presidential spokesperson  Harry Roque na ito ang inihayag ni WHO representative to the Philippines Dr Rabindra Abeyasinghe gayung indikasyon aniya ito sa pagtaas ng actual COVID testing na ginagawa sa bansa.

 

“Sabi po ng WHO, huwag naman po tayong ma-discourage ng napakadami nating cases dahil ito po ay dahil na rin po sa pagkilala na tumaas na ang ating actual testing na ginagawa sa ating bansa,” aniya pa rin.

 

“At ang katotohanan po na isa po tayo sa pinakamababang mga namamatay sa COVID ay patunay na nagkaroon na po tayo ng mga bagong mga pamamaraan para gamutin ang ating mga pasyente,” dagdag na pahayag ni Sec. Roque.

 

Sinabi pa ni Sec. Roque na sinabi ni Abeyasinghe na napatunayan din aniya ng pamahalaan na napalawak nito ang clinical at hospital capacity sa gitna ng nararanasan pa rin ngayong pandemya.

Repleksiyon aniya ito ng mga datos na nagpapakitang ang Pilipinas ang isa sa mga may pinakamababang namamatay sa Corona virus.

 

Batay sa pinakahuling update ay nasa 2 million 150 thousand 514 na ang naisasalang sa PCR test habang nasa 82 licensed RT-PCR  at 27 licensed gene expert laboratories mayrun na sa bansa. (Bishop Jesus “Jemba” M. Basco)

CLINICAL TRIAL SA AVIGAN, HINDI PA NASISIMULAN

Posted on: August 26th, 2020 by @peoplesbalita No Comments

HINDI  pa nasisimulan ang clinical trial ng nati flu drug na Avigan na itinuturing na maaring lunas sa mga pasyente na tinamaan ng COVID-19.

Ito ang kinumpirma ni Health Usec Maria Rosario Vergeire sa isang press briefing.

Una nang inihayag ng DOH na dapat sanang simulan ang clinical trial ng Avigan noong Agosto 17 ngunit ito ay hindi natuloy dahil sa ilang mga usapin gaya sa budget.

Kabilang sa mga hospital kung saan isasagawa ang trial ay  ang  Philippine General Hospital,  Sta.Ana. Hospital, Quirino Memorial Hospital  at Jose Reyes Memorial Medical Center.

Pero ang PGH pa lamang ang nakapagproseso ng mga kinakailangan dahil ala pang aprroval ng ethics committee para sa  tatlong pang ospital na hanggang ngayon ay inaayos pa.

Ayon kay vergeire, inaasahang sa Setyembre ay masisimulan na ang clinical trial sa Avigan drug dahil kailangan pa aniya ng maaprubahan ng ethics committee at Food and Drug Administration sa mga nakatapos  ng kinakailangang proseso. (GENE ADSUARA)

 

LeBron, binitbit ang Lakers tungo sa 135-115 pagdomina sa Blazers

Posted on: August 26th, 2020 by @peoplesbalita No Comments

Nangangailangan na lamang ng isang panalo ang Los Angeles Lakers para makapasok sa semifinals matapos na tambakan nila ang Portland Trail Blazers, 135-115, sa Round 4 ng kanilang best-of-seven playoff series.

 

Namayani nang husto si LeBron James na nagpakawala ng 30 big points at 10 assists, na dinagdagan ni Anthony Davis ng 18 points para sa Lakers, na tangan na ang 3-1 abanse.

 

Hindi hinayaan ng Los Angeles na makaporma ang Portland kung saan umabot pa sa 38 points ang kanilang kalamangan para ilista ang ikatlo nilang sunod na panalo sa opening-round series.

 

Sinabi ni James, target na nilang tapusin ang Round 1 ng playoffs para kahit paano ay makapagpahinga ang grupo para sa paghahanda sa semifinals.

 

Tumabo naman ng 20 points at 13 assists si Jusuf Nurkic para sa Blazers.

 

Umalalay din para sa Portland sina Carmelo Anthony na may 16 points habang si CJ McCollum ay naglista ng 18 points.

Uniformed personnel at mahihirap na pamilyang Filipino, prayoridad na mabigyan ng Covid- 19 vaccine

Posted on: August 26th, 2020 by @peoplesbalita No Comments

TINIYAK ni Pangulong Rodrigo Roa Duterte na ang mga uniformed personnel at mahihirap na pamilyang Filipino  ang prayoridad na  mabigyan ng  COVID-19 vaccine.

 

“Ang mauuna ‘yung mga taong nasa listahan ng mga gobyerno na tumatanggap ng Pantawid. Ito ‘yung mga mahirap,” ayon kay Pangulong Duterte sa kanyang public address.

 

Ang mahirap na pamilyang Filipino ani Pangulong Duterte ay iyong nabibilang o nasa listahan ng    Pantawid Pamilyang Pilipino Program (4Ps).

 

Ang susunod aniya sa 4P beneficiaries ay mahihirap na pamilyang Filipino na wala sa listahan ng nasabing programa.

 

Magkagayonman, binigyang diin ng Punong Ehekutibo na bago ang mga ito ay mauuna munang bigyan ng bakuna ang mga  uniformed personnel.

 

“Pero mauna sa lahat ang mga military pati pulis kasi kung walang pulis pati military, babagsak tayo. Sinong magguwardiya sa atin?” ayon kay Pangulong Duterte.

 

Nauna rito, sinabi ng Pangulo na ipatutupad ng  military  ang free vaccine program laban sa  COVID-19.

Wala namang problema kay Pangulong Duterte kung mauna man siya o huling mabigyan ng bakuna.

 

“At ‘yung mga taga-gobyerno, kung gusto ninyo ako ang mauna para magkaroon kayo ng kumpiyansa o I can be the last Filipino to get, unahin kayo lahat,” aniya pa rin.

 

“Mahuli kami, basta sigurado ang pinag-uusapan dito na hindi mahuli ang mga mahihirap,” dagdag na pahayag ng Chief Executive.

 

Muli ay tiniyak ni Pangulong Duterte sa publiko na ang vaccine ay malapit nang dumating.

 

Inaasahan niya na makatatanggap siya ng suplay ng vaccine mula sa  China at Russia.

 

Noong nakaraang linggo ay sinabi ng  Food and Drug Administration na hindi pa nito natatanggap ang kahit na anumang aplikasyon para simulan ang  clinical trial para sa COVID-19 vaccines. (Daris Jose)

FACE SHIELDS, BARRIERS, ROADBLOCKS, CURFEW SA PANAHON ng PANDEMYA, ATBP.

Posted on: August 26th, 2020 by @peoplesbalita No Comments

Pinatupad na sa public transport ang “no face mask, no face shield, no ride” policy. Sa mga mangagawa ay ipinagutos na rin ang pagsuot ng face shield. May ilang business establishments na may polisiya na rin ng “no mask, no face, shield no entry.”

 

Kaya naman nagsisiguro na ang ating mga mamamayan na magsuot ng face mask at face shield para sigurado na nga naman! Yun dating “encouragement”o paghikayat na magsuot ng face shield ay mukhang naging “requirement”na.

 

Dahil dito ay namigay ng sariling gawang faceshield ang Lawyers for Commuters Safety and Protection(LCSP) at ‘Ang Bumbero’ng Pilipinas sa mga pasahero at manggagawa. Ilang LGU at NGO na rin ang sumunod at namigay na rin ng libreng face shields.

 

Samantala, inalis naman ng IATF ang polisiya na gumamit ng barrier sa mga family-used motorcycles kapag ang rider at naka-angkas ay ‘members of the samehousehold.

 

Matatandaang pinalagan natin ang polisiyang ito mula pa nung una.  Ito ang panukala noon pa ng LCSP!

 

Pero itinuloy pa rin ang nasabing polisiyang kaya imbes matuwa ay binatikos ito ng mga may-ari ng motorsiklo dahil sa gumastos na sila tapos babawiin rin pala.

 

Ganyan ang mga polisiyang hindi gaanong pinagaralan bago ipatupad.   Ang isa pang dapat alisin ay ang mga road barriers sa mga kalye. Mistulang mga pang-gyera ang mga ito na humaharang sa daloy ng trapiko.

 

Kung ang objective nito ay para walang makapasok na ibang tao o sasakyan ay hindi rin nangyayari dahil may nadadaanan din namang iba para makakapasok sa kalyeng sinarahan.

 

Piliin na lang talaga ang kalyeng dapat isara at huwag gawing pahirap sa mga residente at motorista ang mga barriers.  Ang curfew naman ay mananatili dahil sa nakatutulong din ito sa pagbaba ng krimen at umuuwi sa bahay ng maaga ang mga tao.

 

Maraming salamat sa mga sumusunod sa pagtulong sa paggawa at pamimigay ng libreng faceshields – ‘Ang Bumbero ng Pilipinas’ sa pangunguna ni Chairman Leninsky Bacud, Robert Garcia, Squidpay, Marvin dela Cruz at Riverforest Development Corporation at mga LCSP at ABP volunteers. (Atty. Ariel Enrile-Inton)

‘Paggamit ng laway para sa COVID-19 test, pinag-aaralan na ng DOH’

Posted on: August 26th, 2020 by @peoplesbalita No Comments

Kinumpirma ni Department of Health Undersecretary Maria Rosario Vergeire na pinag-aaralan na ng DOH ang paggamit ng saliva o laway upang malaman kung carrier ng coronavirus ang isang indibidwal.

 

Ayon kay Vergeire, binubusisi pang mabuti ng ahensya kung magiging feasible ang ganitong test sa Pilipinas kaysa sa nakagawiang pagkuha ng nasal at blood samples.

 

Base kasi sa isang testing ecpert mula University of Utah Hospital, wala raw masyadong datos na nagsasabi kung gaano katagal ang inilalagi ng virus sa laway.

 

Nasa 3 percent daw kasi ng tests ang lumalabas na invalid kumpara sa 1 percent na ipinapakita ng swab tests.

 

Sa ngayon ay kumokonsulta na ang ahensya sa mga medical societies at local governments tungkol dito. Saka ito maglalabas ng guidelines hinggil sa tamang paggamit, perks at disadvantages ng test gamit ang laway. (Daris Jose)