Yorme Isko, pananagutin ang Mga lokal na opisyal na lumalabag sa quarantine protocols
- Published on July 22, 2020
- by @peoplesbalita
PATULOY na pananagutin ng lokal na pamahalaan ng Maynila ang mga lokal na opisyal na hayagang lumalabag sa quarantine protocols sa gitna ng COVID-19 pandemic.
Sa katunayan, ayon kay Mayor Isko Moreno ay may barangay chairman na inakusahan na sangkot sa illegal cockfighting sa Tondo at may ilang barangay officials naman ang nahuli na nag-iinuman sa labas ng kanilang bahay.
“Ngayon po mayroon tayong bagong kinasuhan na chairman, nahuli po silang nagsasabong at nakakuha po tayo ng mga testigo na talagang naglaro sila ng sabong during the GCQ sa isang maliit na eskinita sa Tondo,” ayon kay Mayor Isko sa Palace press briefing.
Hindi naman nito pinangalanan ang nasabing barangay chairman.
“‘Yung isa naman ho, kanina may nakita akong video na nag-iinuman sa labas ng kalye, araw na araw, mga barangay officials. So tuloy-tuloy po ‘yung ating pagkastigo sa mga iresponsableng barangay officials while at the same time pinupuri naman natin ‘yung iba,” aniya pa rin.
Nauna rito, sinabi pa ni Mayor Isko na inatasan na niya si Manila Police District chief Police Brigadier General Rolando Miranda at ang local police commanders na palagiang i-monitor ang situwasyon sa 896 barangay sa Lungsod ng Maynila.
Matatandaang, noong nakaraang linggo ay may 34 magulang ng mga menor de edad na di umano’y lumabag sa quarantine measures ang inaresto ng kapulisan.
Napaulat din na may ilang residente ng Lungsod ang nakitang binalewala ang social distancing measures at ang tamang pagsusuot ng face masks sa mga pampublikong lugar sa gitna ng krisis sa kalusugan. (Bishop Jesus “Jemba” M. Basco)
-
Cascolan ‘no comment’ sa possible extension sa kanyang termino
NO comment si PNP Chief PGen. Camilo Pancratius Cascolan sa posibleng pagpapalawig ng kanyang termino matapos ang kanyang mandatory retirement sa darating na November 10,2020. Ayon kay Cascolan, hindi pa sila nagkakausap ng Pangulo tungkol sa kanyang nalalapit na pagreretiro, na limang araw nalang mula ngayon, pero ano man ang desisyon ng Pangulo ay […]
-
Assessment ng US-based company Bloomberg, pinalagan ng Malakanyang
ITINANGGI at pinalagan ng Malakanyang ang naging assessment ng US-based company Bloomberg kung saan nakapuwesto ang Pilipinas malapit na sa ilalim o kulelat pagdating sa COVID resilience ranking. Iginiit ni Presidential spokesperson Harry Roque na maayos na nahawakan ng pamahalaan ang viral outbreak. Sa ulat, ipinuwesto ng Bloomberg ang Pilipinas sa 46th mula sa […]
-
May concert series at musical play kasama si Regine: OGIE, todo ang suporta sa pagbabalik-Big Dome ni MARTIN
NAGING matagumpay ang ginanap na trade launch noong Huwebes (May 23) ng ATeam (Alcasid Total Entertainment and Artist Management Inc.) ang company na pinamumunuan ng OPM Icon na si Ogie Alcasid. Kasama sa naturang big event sina Martin Nievera, Vhong Navarro and Jhong Hilario with the Streetboys, Lara Maigue, Gian Magdangal, Amy Perez, Randy Santiago, […]