2 NAGKA-CARA Y CRUZ TIMBOG SA P10-K SHABU
- Published on September 14, 2020
- by @peoplesbalita
REHAS na bakal ang kinasadlakan ng dalawang lalaki nang maaktuhang nagka-cara y cruz at makuhanan pa ng higit sa P10,000 halag ng shabu sa Caloocan city.
Kinilala ang mga suspek na si Ike Ruiz, 57, jeepney driver at Roger Albino, 41, truck helper, kapwa ng Saremborao St., Dagat-Dagatan, Brgy. 8 na kakasuhan ng paglabag sa Comprehensive Dangerous Drug Act of 2002 at illegal gambling.
Alas-3:30 ng madaling araw nang respondehan nina P/Cpl. Jomel Salaysay at Pat. Jaypee Azucena ang natanggap na tawag mula sa concerned citizen hinggil sa pangakat ng mga kalalakihang nagsusugal at nambubulahaw sa mga natutulog na residente Saremborao St., Brgy. 8.
Pagdating sa lugar, naaktuhan ang mga suspek na nagka-cara y cruz subalit, nagpulasan ang mga ito sa magkahiwalay na direksyon kaya’t hinabol sila ng mga pulis hanggang sa makorner si Ruiz at Albino.
Nang kapkapan, nakuha kay Ruiz ang 0.8 gramo ng shabu na may halagang P5,440 habang 0.7 gramo naman ng shabu ang na nagkakahalaga ng P4,760 ang narekober kay Albino at nasamsam din ang tayang P300 at tatlong pangara. (Richard Mesa)
-
Large-scale water impounding facilities sa Bicol, ipinanukala
Appropriations Committee Chairman at Ako Bicol Party-list Rep. Zaldy Co ang pagpapatayo ng large-scale water impounding facilities sa buong Bicol Region. Naniniwala ang mambabatas na ang pagpapatayo ng water impounding facilities ay hindi lamanang makakatulong para mabawasan ang mga pagbaha kundi maging sa mapagkukuhanan ng tubig kapag sa panahon ng tag init. […]
-
P59.8-B health emergency allowance, ipamamahagi sa mga medical frontline -PBBM
TINATAYANG P59.8 bilyong piso ang ipamamahagi sa medical frontline workers para sa kanilang health emergency allowance sa panahon ng COVID-19 pandemic. Sa isang Facebook post, sinabi ni Pangulong Ferdinand Marcos na ang nasabing halaga ay 78.92% ng COVID-19 health emergency allowance na inilaan ng gobyerno sa mga health worker. Sa naging […]
-
OBRERO TIMBOG SA P23-K SHABU
NATIMBOG ang isang obrero na sangkot umano sa pagtutulak ng illegal na droga matapos bentahan ng shabu ang isang pulis sa buy-bust operation sa Navotas city, kamakalawa ng gabi. Kinilala ni Navotas police chief Col. Rolando Balasabas ang naarestong suspek na si Mark Del Mondo alyas Tolo, 34, ng Tulay 1, Brgy. Daanghari. […]