James kinampihan ang ‘Pinas
- Published on February 9, 2021
- by @peoplesbalita
MALINAW para kay Philippine Basketball Association ( PBA) rookie aspirant James Laput ang kanyang kinampihan sa naganap na International Basketball Association (FIBA) basketbrawl ng Gilas Pilipinas at Australian Boomers noong Hulyo 2018 sa Philippine Arena sa Bulacan.
Isang Pilipino-Australian na ipinangak at lumaki sa Perth ng Down Under mula sa mga magulang na mga tubong Bulacan at Caloocan, nausisa ng isang online news nitong isang araw kung saan sa papanig papanig ang basketbolista sa rambol noon ng mga Pinoy at Australiyano.
“Philippines — because at the time, we’re playing basketball in the Philippines… that is just the Filipino way, that is the Filipino physicality of things,” bulalas ni Laput na 24 na taong gulang at may taas na 6-8.
Hinirit pa ng beterano ng PBA Developmental League o D-League (PBADL) sa paglalaro sa Marinerong Pilipino Skippers at University Athletic Association of the Philippines (UAAP) sa De La Salle University Green Archers: “To be honest, I remembered watching that, the striking blows are really the Australians, I saw that.”
Nauwi ang riot ng dalawang national men’s basketball squad sa suepensiyon ng 13 manlalaro na ang 10 ay sa host team, pinakamabigat ang anim na laro para kay Calvin Abueva. Namultahan pa ng milyones ang magkabilang panig.
“I was for the Philippines at that time, and now because that is just the Filipino ‘puso’,” wakas na wika ni Laput.
Nakatakda naman ang 36th PBA Draft 2021 sa darating na Marso 14. (REC)
-
Nagpapasalamat sa kanyang ex-fiance: SHARON, nanghina ang tuhod nang malamang kay KIKO na pumanaw na si CHARLIE
MATAGAL nang na-reveal na “it could have been” Charlie Cojuangco na sana ay naging mister ng Megastar na si Sharon Cuneta at hindi sana sina Gabby Concepcion at Senator Kiko Pangilinan. At kinumpirma nga ito ni Sharon sa napakahaba niyang Instagram message para sa namayapang businessman/politician. Si Kiko pa raw ang […]
-
Ancajas alpas sa puntos vs Mexican, hari pa rin
BINALEWALA ni Jerwin ‘Pretty Boy’ Ancajas ang may 16 na buwang pagkakaburo dulot ng Covid-19 para tatlong beses itumba si Jonathan Javier Rodriguez ng Mexico sa eight round at hablutin ang unanimous decision upang mapanatili pa rin ang International Boxing Federation (IBF) junior bantamweight Linggo sa Mohegan Sun Casino and Resort sa Uncasville, Connecticut. […]
-
2k baboy mula sa South Cotabato nasa Vitas, Tondo na
INANUNSYO ng Malakanyang ang pagdating 2,000 baboy mula sa South Cotabato kung saan ito ngayon ay nasa Vitas, Tondo. Sinabi ni Presidential Spokesperson Harry Roque na ito ay iparating sa iba’t ibang palengke sa Metro Manila ang nasabing baboy dahil ito ay kabahagi ng mga hakbang na ginagawa ng pamahalaan para maibsan ang kakulangan […]