AFTER getting good reviews sa huling primetime show niyang The Lost Recipe, sa Afternoon Prime naman magpapakitang gilas si Kelvin Miranda.

Bida si Kelvin sa Loving Miss Brigette kung saan ka-partner niya ang bagong Kapuso star na si Beauty Gonzalez.

Kahit na baguhan, kinakitaan ng passion at enthusiasm to act si Kelvin kaya naman napuri siya ng director niyang si Adolf Alix, Jr.

Lagi raw nagtatanong si Kelvin how to attack his role, lalo na at ito ang unang pagkakataon that he is playing the lead role sa dramang panghapon ng GMA.

Iba rin naman kasi ang audience expectation sa afternoon drama kaya binigyan si Kelvin ng advice ng director niya.

Ayon pa kay Direk Adolf, parehong collaborative actors sina Kelvin at Beauty kaya nag-enjoy siya working with them

Una niyang nakatrabaho ni Direk Adolf si Kelvin sa Wish Ko Lang while si Beauty ay una niyang naka-work sa horror trilogy.

***

MAINGAY sa social media ang paggawa ni Miss Nora Aunor nang una niyang kontrabida role under Godfather Productions.

Pero since natapos ang movie ay wala nang balita kung kailan ito ipalalabas.

Tahimik ang Godfather Productions kung kailan nila balak ipalabas ang Kontrabida.

Baka naman hinihintay ni Joed ang pagbubukas ng sinehan.

Baka yaw na niyang maging biktima ng film pirates like what happened sa Anak ng Macho Dancer.

Pwede rin na pinag-iisipan niya na isali ang Kontrabida sa Metro Manila Festival sa December if ever there will be one. Pero sana bukas na ang mga theaters para mas masaya ang panonood.

Kung anuman ang planong gawin ng Godfather Production sa Kontrabida, we would like to believe that it will be for the good of Ate Guy and the producers.

***

MULING gumaganap ng gay role si Christian Bables sa Joel Lamangan film na Bekis On The Run.

Kasama rin sa movie si Diego Loyzaga, na gumaganap na kuya ni Christian.

Kasama rin sa movie sina Kylie Verzosa as Adriana, ang ex-gf ni Diego at at si Sean De Guzman as Martin, na ex-boyfriend naman ni Christian.

Nakatrabaho na ni Sean si direk Joel sa launching film niya na Anak ng Macho Dancer at Lockdown kaya sanay na ito sa torrid kissing at bed scene.

Pero nakumbinsi ni Direk Joel si Christian na magkaroon ng bed scene at torrid kissing scene with Sean.

Bukod sa pagiging isang comedy-drama film, tatalakayin dinng Bekis On The Run ang corruption at ang hindi pinag-usapan mga bading na miyembro ng military.

At dahil gawa ito ni direk Joel, na naging biktima ng military noong Martial Law, siguradong may matinding statement ito about corruption.

Nakatakdang ipalabas ang Bekis on the Run sa Vivamax on September 17.

(RICKY CALDERON)

ANG sexy at sensual ng photo ni Kylie Verzosa na kung saan siya ang cover girl ng Esquire Magazine PH for the month of September.

May tagline ito na ‘Thriller Queen’, dahil siguro sa pinag-uusapan na first lead role niya na erotic thriller film ni Direk Roman Perez na The Housemaid na hatid ng Viva Films at streaming na ngayon sa Vivamax.

Ang bongga ng supporting cast na binigay kay Kylie na kinabibilangan nina Albert Martinez, Alma Moreno, Louise delos Reyes at Jaclyn Jose, na lalo pang nagdagdag pa mas maging exciting ang movie.

Maayos ang pagkaka-direk ni Roman Perez at pagkaka-translate ni Eric Ramos sa kuwentong hinalaw sa 2010 South Korean film na may same title, at nag-compete for Palme d’Or sa 2010 Cannes Film Festival.

Comment naman ng netizens sa kanyang cover pix:

“Thriller Queen? Huh?”

“She looks like Ren from the series Animal Kingdom. Hottie!”

“Laswa talagang tingnan ng babaeng to… naging baduy ang Ms. International na title!”

“2021 na, stop policing women’s bodies.”

“LIKE! Walang sumilip! So good job.”

“Pa-daring nang pa-daring. Ano kaya susunod?”

“I miss KV’s BBPH days parang siya yung woman you aspire to be pero ngayon, salamat na lang sa lahat Kylie hahaha.”

“Pansin ko ang kitid ng utak ng mga Pilipino..”

“I like Maxene (Medina) more…pasensual ito eh.”

Anyway, after ng ‘The Housemaid’, sasabak naman si Miss International 2016 sa comedy-drama movie na Bekis On The Run, kasama sina Diego Loyzaga, Christian Bables, at Sean de Guzman, mula naman ito sa direksyon ni Joel Lamangan.

Magsisimula na itong mag-streaming sa September 17 sa Vivamax, atin ‘to!

***

“HAVE a good day!”

Madalas nating naririnig o sinasabi ito.  Pero gaano tayo katapat sa pagbitiw ng mga salitang ito?

Para sa Globe Rewards, ang “Have a good day!” ay hindi lamang isang pagbati.  Ang “good day” o “GDay” ay gaya ng araw-araw na rewards na pwede nating ma-enjoy at i-share sa iba para makapagbigay saya at makatulong sa mas maraming tao. Ito ang tema ng taunang selebrasyon ng 917 o Setyembre 17 celebration ng Globe. Ang 917 ay ang iconic at orihinal na prefix na gamit ng Globe.

      “Sa panahong ito na maraming nalulungkot at nahihirapan, patuloy ang Globe Rewards sa paghahanap ng paraan para ma-uplift ang spirit ng aming mga loyal customers at mabigyan sila ng dahilan para ngumiti.  Kaya naman marami kaming inihandang exciting na sorpresa para sa kanila,” sabi ni Bianca Wong na Head ng ‘Feel Valued Tribe’ ng Globe.

Buong buwan ng Setyembre ay maraming exciting na events, prizes, at freebies ang pwedeng ma-experience ng Globe subscribers. Kaya sinisiguro ng Globe Rewards na bawat araw ng buong buwan ay maging isang GDay. Ngayong taon, gusto rin ng Globe Rewards na maging paraan para makatulong ang bawat isa sa kapwa nating Pilipino na nangangailangan.

Agosto pa lang ay nagsimula na ang mga sorpresa sa pagbubukas ng G Legends Cup, isang amateur gaming tournament kung saan ang magwawaging grupo ay makakakuha ng premyo hindi lamang para sa kanila, kungdi para rin sa kanilang komunidad.

Tuloy-tuloy ang kasiyahan sa buong buwan ng Setyembre para sa mga Globe at TM customers sa inaabangang G Chance the Raffle kung saan araw-araw ay may pwedeng manalo. At sa Grand Raffle sa ika-20 ng Setyembre, ang mapalad na magwawagi ay makakatanggap ng P1 Million GCash Credits. Ilulunsad din ang G Summit para sa mga nais matuto ng pagpapalago ng negosyo sa pamamagitan ng digital solutions, at para sa mga mahilig mag-shopping, magaganap ang kauna-unahang G Super Sale na isang exclusive partnership ng Globe at Lazada. Ang mas pinalaking G Music Fest ay magaganap muli, tanghal ang maraming local at international artists upang maghatid ng saya sa kanilang musika.

Ang layunin ng #GDayEveryday ay nakapaloob sa maikling video na ginawa para hikayatin ang bawat isa na mag-enjoy at magtulungan. Mapapanood sa video kung paano ang kahit na maliliit na bagay gaya ng musika, palaro, at iba-ibang klaseng freebies ay maaaring makagaan sa pang-araw-araw na buhay, lalo na kapag ang mga ito ay ibinabahagi rin sa iba.

Gaya nga ng mensahe ng video, “A good day is better when shared sa iba kasi nag-enjoy ka na, nakatulong ka pa.  Mas rewarding ang feeling kung kasama sila, di ba?”

Sa Globe Rewards, Atin ang GDay araw-araw. Ang Rewards ko, para rin sa iyo! Para sa karagdagang impormasyon, bisitahin ang https://www.globe.com.ph/rewards.html.

(ROHN ROMULO)

KINILIG ang maraming netizen sa paglabas ng behind-the-scenes photos nila Jennylyn Mercado at Xian Lim sa lock-in taping ng teelseryeng Love. Die. Repeat.

Bagay na bagay nga raw sina Jen at Xian na magtambal at kita mo na agad ang chemistry sa kanilang dalawa. Kunsabagay, si Jennylyn naman ay bumabagay sa lahat ng mga itambal sa kanya tulad nila Mark Herras, Dingdong Dantes, Gil Cuerva, Gabby Concepcion, John Lloyd Cruz, Jericho Rosales, Derek Ramsay, Sam Milby, Paolo Contis at siyempre, kay Dennis Trillo.

Sa mga lumabas na photos ay magkayakap sina Jen at Xian. Ramdam mo na kampante na sila sa isa’t isa na kung tutuusin ay doon lang sila sa lock-in taping unang nagkita ng personal.

May isang photo naman na parang kinasal sila at kasama sa group shot sina Shyr Valdez, Myrtle Sarrosa, Valerie Concepcion at Victor Anastacio.

Ngayon pa lang ay hindi na makapaghintay ang mga fan nila Jen at Xian sa tambalan nila. Mukhang magiging top-rating teleserye ito dahil sa magandang tambalan ng dalawa.

Ano kaya masasabi nila Kim Chiu at Dennis Trillo sa collaboration na ito?

Aba, supportive naman sila sa tambalang Jen-Xian. Noong magtambal sina Kim at Dennis sa pelikulang One Great Love noong 2018, super-promote pa noon sina Jen at Xian sa social media ng movie nila kunsaan nanalo si Dennis ng ng best actor sa Metro Manila Film Festival at si Kim ay tinanghal na Film Actress of the year ng 50th Box-office Entertainment Awards.

***

NAKARARANAS ng “empty nest syndrome” ang mag-asawang Aga Muhlach at Charlene Gonzalez dahil sa pag-alis ng kanilang kambal na sina Andres at Atasha para mag-aral abroad.

Ayon sa Mayo Clinic website: “Empty nest syndrome is a phenomenon in which parents experience feelings of sadness and loss when the last child leaves home.”

Unang umalis si Andres para mag-aral ng college sa Spain at sumunod kelan lang si Atasha para mag-aral naman sa United Kingdom.

Via Instagram, nag-share si Aga ng surprise video ni Atasha sa kanila: “We come home from the airport. We enter our room and we see this. Ang sakit. Hay guys. Thanks Tash. I’ll miss you,” comment ni Aga sa video clip.

Dagdag pa na message ni Aga kay Atasha: “As much as it breaks my heart and your mom’s that both you and Andres will be away for a long time, please know in your hearts that we are the happiest for you both. Cheers to college life.”

Mixed emotions si Charlene sa pag-alis ni Atasha: “As a mom, I’m happy and sad. Happy for the memories you will be making in your college life as you continue to fly & spread your wings but sad because we will be tremendously missing you so much. Thank you for being the best daughter to your dad & I. Thank you for your sweet gift for your dad & I when we got home… you always surprise us with sweet gifts, letters or art. I will miss our girls bonding sessions. Continue to be kind, God fearing & glorify God in everything you do.”

***

HUMANDA na sa good vibes na hatid nina Boobay at Tekla dahil makakasama nila ang bagong Kapuso star na si Bea Alonzo sa unang pagkakataon sa The Booby and Tekla Show ngayong Linggo, September 12 pagkatapos ng Kapuso Mo, Jessica Soho. 

Sasalang si Bea sa isang no holds barred interview sa “May Pa-Presscon” kung saan sasagutin niya ang ilan sa pinakamahihirap na katungan mula sa kanyang heartbreak, relationship status, at career plans sa Kapuso Network.

Game rin na ipapamalas ni Bea ang kanyang husay sa pagkanta sa “Birit Showdown” kung saan aawit siya ng sikat na kanta ni Adele.

(RUEL J. MENDOZA)