• April 15, 2024
  • Ang Diyaryong Pinagkakatiwalaan

Archive for March, 2020

4-DAY WORK WEEK

Posted on: March 14th, 2020 by @peoplesbalita No Comments

PATULOY sa pagdami ang infected ng COVID-19 dahilan kaya isinailalim na sa ngayon ang community quarantine sa buong Metro Manila base na rin rekomendasyon ng Department of Health kay Pangulong Rodrigo Duterte.

 

Hindi ginamit ang salitang lockdown dahil maaaring maging sanhi ito ng mas matinding panic sa publiko, wala rin aniyang gulo na nangyayari at ang usapin ay kalusugan kaya mas pinaboran ang salitang quarantine.

 

Bukod sa hakbang na ito, pinaboran din ang apat-na-araw na trabaho sa lahat ng tanggapan ng pamahalaan. Mas praktikal anila ito para mapigilan ang pagkalat ng virus.

 

Ayon kay Secretary to the Cabinet Karlo Nograles, isusulong nila ang scheme at puwede rin itong gayahin ng pribadong sector. Bukod sa apat-na-araw na trabaho, isinusulong din nila ang flexi-work arrangements para ganap na makontrol ang pagkalat ng virus.

 

Pero sinopla agad ng Bureau of Internal Re-ve—nue (BIR) ang panukala ng pamahalaan na apat-na-araw na trabaho. Ayon sa BIR officials, malaking adjustment umano ang kanilang gagawin kapag inaprubahan ang 4-day work week.
Apektado rin umano rito ang pribadong sektor kapag pinatupad ito. Marami umanong malulugi at maaaring- magsara o kaya’y magbawas ng empleyado kapag ipinatupad ang scheme.

 

Hindi pa nasusubukan ay binaril na ang panukala. Maganda sana ang planong four-day workweek sapagkat mapipigilan nito ang pagkalat ng sakit. Katulad rin sana sa ginawang suspension ng klase para hindi na magkahawahan.

 

Maging bukas naman sana ang isipan ng ilang kumukontra lalo ngayon na hindi mapigilan ang pagkalat ng COVID-19. Wala naman silang maibigay na suhestiyon kung paano ang gagawin para mapigilan ang nakahahawang sakit.

QC nasa state of calamity

Posted on: March 14th, 2020 by @peoplesbalita No Comments

ISINAILALIM na ang Quezon City sa State of Calamity sa kalagitnaan ng Community Quarantine sa Metro Manila dahil sa pagkalat ng coronavirus disease 2019 (COVID-19).

 

Sa isang public address, ayon kay Quezon City Mayor Joy Belmonte na “it has to be done” para magamit ng siyudad ang quick response funds nito na makatutulong sa pagtugon sa health crisis.

“The president has himself declared a state of public emergency and this gives us enough basis to declare a state of calamity here in our city,” ani Belmonte.

“Sa laki at lawak ng lungsod kinakailangan po talaga ng suporta ng 142 barangays, if we are to successfully conquer this disease and if we are to successfully carry out our mandate,” ayon pa sa alkalde.

Sa ngayon ay mayroon ng 6 na kumpirmadong kaso sa Quezon City ayon sa kumpirmasyon ni Mayor Belmonte. Nasa 52 katao naman ang kumpirmadong kaso ng COVID-19 sa bansa ayon sa DOH. (Daris Jose)

Kampeonato sa 10-ball championship, nasungit ni Orcollo

Posted on: March 14th, 2020 by @peoplesbalita No Comments

TULOY ang mainit na ratsada ni 2011 World 8-Ball champion Dennis Orcollo matapos angkinin ang ikalimang korona sa 2020 season.

 

Naging matibay na sandalan ng 2019 Southeast Asian Games men’s pool singles gold medallist ang karanasan nito para ilampaso si Aloysius Yapp ng Singapore sa finals ng 2020 Scotty Townsend Memorial 10-Ball Championships na ginanap sa West Monroe sa Los Angeles, California.

 

Nahablot ng Surigao del Sur pride ang $1,700 premyo habang nagkasya naman si Yapp sa $1,020 runner-up purse.
Pumangatlo ang isa pang Pinoy na si Roberto Gomez para sa $680 konsolasyon.

 

Sa kabuuan, may limang titulo na si Orcollo sa 2020 season para mapatatag ang kapit nito sa No. 1 spot sa Az Billiards World Money Maker list tangan ang tumataginting na $58,650 kabuuang premyo.

 

Nasungkit ni Orcollo ang $20,000 premyo nang hablutin nito ang Master of the Table crown sa 2020 Derby City Classic noong Pebrero sa Elizabeth, I-ndiana sa Amerika.

 

Maliban sa Master of the Table, napasakamay din ni Orcollo ang kampeonato sa 2020 Derby City Classic – 9-Ball Banks Division para makuha ang $16,000 top prize.

 

Pinagharian din ni Orcollo ang 6th Texas Open 10-Ball Championship sa Round Rock sa Texas at ang 2020 Music City Classic Midnight Madness sa Madison, Tennessee na parehong ginanap noong Enero.

 

Sa dalawang naturang torneo, nakapag-uwi si Orcollo ng tig-$4,000 premyo.

 

May isang runner-up trophy rin ito at tatlong third-place finishes sa magkakaibang torneo sa Amerika.

Ads March 14, 2020

Posted on: March 14th, 2020 by @peoplesbalita No Comments

Cleveland employees aayudahan, Love ‘magpapasweldo’

Posted on: March 14th, 2020 by @peoplesbalita No Comments

MAMUMUDMOD ng $100,000 o mahigit P5-M si Cleveland Cavaliers star Kevin Love bilang ayuda sa mga empleyado ng kanilang playing arena na naapektuhan ng suspension ng laro ng NBA dahil sa coronavirus disease.

 

Ayon kay Love, hindi lamang siya nababahala sa basketball at sa halip ay sa mga tao na nasa likod tuwing sila ay naglalaro.

 

“I’m concerned about the level of anxiety that everyone is feeling and that is why I’m committing $100,000 through the @KevinLoveFund in support of the @Cavs arena and support staff that had a sudden life shift due to the suspension of the NBA season,” caption ng Cavaliers forward sa post niya sa Instagram ng larawang naki-selfie sa daang workers ng arena.

 

Nagpahayag din ang Cavaliers na gagawa sila ng paraan para matulungan ang mga empleyado ng mga playing venues na apektado ng pagsuspendi ng laro.

 

“Thank you @kevinlove – coming through in the clutch,” tweet ng Cavs. “We’re behind you, as we also announced earlier today that we are compensating all of our @RMFiedlHouse hourly and event staff team members as if every game and every event is still taking place!”

 

Si Dallas Mavericks owner Mark Cuban at ang Atlanta Hawks, gumawa rin ng paraan para makalikom ng pondo na pang-ayuda sa mga arena worker.

 

Inaasahang susunod na rin ang iba pang teams.

 

Magugunitang pinasuspendi ng NBA ang lahat ng laro para hindi na kumalat pa ang nasabing virus.

Synchronized ringing of bells at pagdarasal ng oration imperata, isasagawa

Posted on: March 14th, 2020 by @peoplesbalita No Comments

TINIYAK ng Archdiocese of Manila ang pangangalaga sa mananampalatayang apektado sa pagkansela ng mga malaking pagtitipon tulad ng Banal na Misa kasabay ng pagpapatupad ng community quarantine sa buong bansa upang makaiwas sa COVID-19.

 

Sa pastoral letter na inilabas ni Manila Apostolic Administrator Bishop Broderick Pabillo, sinabi nitong kanselado ang mga Banal na Misa sa buong arkidiyosesis mula ika – 14 hanggang sa ika – 20 ng Marso para sa kaligtasang pangkalusugan ng mamamayan.

 

“We are enjoined to avoid large gatherings of people to avert the further spread of the virus. We heed this call not with panic but with care for charity to others and the common good. Hence in the Archdiocese of Manila I dispense all the faithful from the obligation of going to Mass this Sunday. There will be no public celebration of the Holy Mass and no public activities in all the churches in the Archdiocese for seven days, starting Saturday, March14, till Friday, March 20,” bahagi ng pastoral statement ni Bishop Pabillo

 

Ayon sa obispo bagama’t malaki ang epekto nito sa bawat kasapi ng simbahan ay kina-kailangan itong sundin para sa kabutihan ng lahat at bahagi ng pagsasakripisyo.

 

Hindi rin ito nangangahulugan na hindi na makipag-ugnayan sa Panginoon kundi panawagan ito sa bawat isa na mas palalimin pa ang pakikiisa sa Diyos sa pama-magitan ng mga panalangin.

 

Dahil dito inaanyayahan ni Bishop Pabillo ang mga simbahan na magpatunog ng mga kampana hudyat ng sama-samang pagdarasal ng mananampalataya upang labanan ang mga lumaganap na COVID 19.

 

“Although we will not be able to come to Holy Mass, this does not mean that we no longer can come to the Lord. We should all the more strive to be in touch with Him by fervent prayer. Thus from March 14 onwards let all the bells of our churches be rung every twelve o’clock noon and eight o’clock in the evening to call all people to pray the ORATIO IMPERATA prayer to fight this virus. Let us join in this prayer. Let families gather together at 8 pm to pray as a family for divine protection. After the Oratio Imperata the families can pray the rosary and read the Scriptures. The fervent prayers of all the people of God will draw us closer to him and away from the scourge of this disease,”bahagi ng pastoral statement.

 

Binigyang diin din ni Bishop Pabillo na mahalagang samahan ng pagsisisi at pagkakawanggawa ang bawat panalangin lalo na ngayong kuwaresma kung saan pinaghandaan ang Muling Pagkabuhay ni Hesus.

 

Iginiit ng Obispo na dapat maging bukas palad ang bawat isa tungo sa kapwang nangangailangan din ng paglingap lalo sa panahon ng krisis. (Daris Jose)

Garapal na online sellers ng face mask, alcohol tutugisin ng DTI

Posted on: March 14th, 2020 by @peoplesbalita No Comments

TINIYAK ng Department of Trade and Industry (DTI) na hahabulin nila ang mga garapal at hindi lehitimong online sellers na nagbebenta ng face mask, alcohol, sanitizers at iba pa sa gitna ng coronavirus disease (COVID-19).

 

Sa Laging Handa press briefing sa New Executive Building (NEB), Malakanyang ay sinabi DTI Secretary Ramon Lopez na hindi sertipikado ang mga online sellers.

 

Dagdag pa ni Lopez, posibleng peke ang kanilang mga tinda kaya wala din itong bisa o hindi epektibong panlaban sa COVID-19.

 

Kaugnay nito ay sinabi ni Lopez na nagsimula na rin silang magpunta sa mga warehouse ng mga manufacturers ng face mask at iba pang sanitary products para mag-inspeksyon.

 

Kapag naman napatunayan na sila ay nagtatago ng kanilang produkto lalo na ngayong nasa state of public health emergency ang bansa ay maaari silang mapanagot sa batas, babala pa ng Trade secretary.

 

Sinabi nito na hahabulin din aniya nila ang mga hoarders at profiteers.

 

Samantala, umaapela ang gobyerno sa publiko na wag mag-panic buying dahil hindi kasama sa gagawing paghihigpit na pumasok sa Metro Manila ang mga cargoes kaya tuloy-tuloy ang supply.

 

Ang panic buying aniya ang dahilan kung bakit nagkakaroon ngayon ng artificial shortage.

 

Hindi rin uubra sa gobyerno ang kasabihang “The customer is always right.”

 

Sinabi ni Lopez na hindi aplikable sa ngayon na gamiting panangga ng mga consumer ang naturang kasabihan lalo na’t nag-isyu na sila ng direktiba sa mga supermarket na limitahan ang pagbili ng alcohol sa dalawang bote lamang.

 

Aniya, simple lang naman ang dapat gawin kung hindi susunod ang isang consumer sa paglilimita sa pagbebenta ng alcohol ay tawagin ang guwardiya at palabasin ng establisyemento ang pasaway na consumer na nakakadagdag lang sa mga dahilan para magkaruon ng artificial shortage.

 

Binigyang diin ng Kalihim na walang kakapusan ng alcohol at hindi mauubos ang alcohol sa Pilipinas. (Bishop Jesus “Jemba” M. Basco)

‘Sanitation’ sa ‘Athletes Village’

Posted on: March 14th, 2020 by @peoplesbalita No Comments

MAKARAANG makumpleto ang 14-day quarantine sanhi ng COVID-19, para sa mga pasahero ng MV Diamond Princes, minabuti muna ng pamunuan ng New Clark City Athletes’ Village na isailalim ito sa paglilinis simula pa nitong Miyerkules, Marso 11.

 

Ang Athletes’ Village ay ang nagsilbing ‘quarantine area’ ng mga tinaguriang Person Under Investigation (PUI) matapos ang kanilang exposure sa pasahero na nagposotibo sa COVID. Ginamit itong quarters sa nakalipas na 30th SEA Games.

 

Mismong ang mga tauhan buhat sa Department of Health – Central Luzon Center for Health Development (DOH-CLCHD) ang naglinis at silang nag disimpektibo ng nasaing lugar kung na ginamit ng kabuuang 445 repariates buhat sa nasabing cruise ship.

 

Lahat ng kuwarto sa naturang gusali ay sinigurong malinis at walang mikrobyo na na naiwan upang maiwasan ang pagsalin ng virus sa iba, upang masgurong ligtas ang mga nakatira malapit sa nasabing lugar.

 

“We would like to assure everyone, especially those residing in the adjacent communities of New Clark City, that the Athletes’ Village has been thoroughly sanitized by the DOH,” pahayag naman ni BCDA President and CEO Vince Dizon.

 

Ayon naman sa DOH, ang mga kuwarto na ginamit ng dalawang crew member na nagpositibo sa COVID-19 ay agad na nilinisan nang maigi at kasama na ang pag-disinfect dito, matapos na mailipat sa ospital ang mga naturang bitima.
Katulad ng Metro Manila, nasa ilaim din ng lockdown ang New Clark City upang maiwasan ang pagkalat ng virus sa ibang karatig pook.

 

“New Clark City will remain on lockdown in accordance with the government’s directive to the public to refrain from visiting public places,” ayon pa kay Dizon.

 

Ang kalinisan ay para sa kaligtasan ng bawat bayan at mamamayan.

Pagkuha ng student driver’s license, huwag negosyo ipairal

Posted on: March 14th, 2020 by @peoplesbalita No Comments

KUNG totoong masusunod ang plano ng Land Transportation Office (LTO), mula sa buwan ng Abril, 2020, lahat ng kukuha ng driver’s license ay daraan na sa lahat ng mga accredited driving school ng agency.

 

Sa plano rin ng LTO kailangan muna ang 15-hours na theoretical driving lesson bago pagayan makapag-apply ng driver’s license ang isang applicant, pagkatapos makakuha ng student’s permit additional na 8-hours practical driving sa supervision ng LTO personnel.

 

Sa bagong program ng LTO – ang vision nito ay mabigyan lamang ng driver’s license ‘yung mga karapat-dapat at sagot na rin ito upang maalis na, o kung hindi man ay mabawasan man lang ang mga road accidents.

 

Sa report na nakuha natin at ng Lawyers for Commuters Safety and Protection (LCSP), bukod 15-hour theoretical driving lesson at additional 8-hour practical driving, mga nasa libo rin ang halaga ng enrollment na ibabayad sa mga accredited driving schools ng LTO.

 

Ang tanong ngayon sa rami kada araw ang kumukuha ng driver’s license sa LTO sa buong bansa, maging ang mga kababayan nating mga OFW na rin, sapat kaya ang mga accredited driving school?

 

Ang sinasabi ko, bilang pinuno ng LCSP, matagal nang isinulong ng grupo ang mas comprehensive, bukod pa ay libre, isama na sa primary at secondary school ang pag-aaral ng road safety pati na ang Republic Act 4136 ang batas at mga rules and regulations sa traffic at land transportation ng bansa.

 

Nariyan din ang TESDA na siyang authorized agency ng gobyerno at recognized din worldwide na magturo ng mga tamang batas sa road safety at ng mga rules and regulations sa traffic.

 

Iginigiit ko lang na tingnan natin ang practice sa mga world class countries na isinasama sa mga school curriculum sa primary at secondary education, upang maipamulat agad sa murang edad ng mga bata, ang importance ng road safety upang maiwasan ang mga aksidente at para laging isaisip ang safety sa lahat ng oras lalo na sa kalsada.
Sa experienced at records tiyak na tiyak ang advantage ng TESDA sa kasanayan sa theoretical man o practical driving kaysa sa mga sinasabing mga accredited driving school.

 

Eh ang alam namin itong mga instructors ng mga accredited driving school ay pasado at may mga certification issued ng TESDA bilang patunay ng kasanayan ng mga driving instructors.

 

Nagtatanong ang ating mga kababayan ano ang mas dapat ang mga expensive accreditation ng mga driving school ng LTO o ang authorized government’s agency (TESDA)? (LASACMAR)

Final grades inaayos na: Graduation, moving up rites sa Abril tuloy – DepEd

Posted on: March 14th, 2020 by @peoplesbalita No Comments

TULOY pa rin ang graduation at moving rites ng mga estudyanteng nakatakdang magtapos ngayong taon.

 

Iyon nga lamang ayon kay DepeD Usec. Alain Del Bustamante Pascua ay magaganap ito sa itinakda ng DepEd na Abril 13 hanggang 17 ang graduation rites na ang ibig sabihin ay isang buwan pa mula ngayon.

 

Tatamaan aniya kasi ito one month community quarantine sa MM kaya nga aniya magad-adjust sila accordingly para lamang aniya sa Maynila at sa mga lugar na mayroong suspension of classes.

 

Sa katunayan nga aniya ay nagbigay na ng DepEd order si Sec. Leonor Briones ang graduation rites o moving up rites ay idaraos sa pagitan ng Abril 13 hanggang 17.

 

Ito aniya ay maipapatupad sa labas ng MM subalit sa mga lugar naman aniya na mayroong community quarantine ay ia-adjust lamang anila ito.

 

At kada eskuwelahan aniya ay maaaring magkaroon ng sarili nilang seremonya o graduation o moving up ceremony na naaayon sa balangkas ng social distancing.

 

“Kaya’t sila-sila mismo ang magi-implement nyan. Then again, ang assumption dito ay ginagawa ito o ini-iskedyul ito dahil sa kasalukuyang kalagayan kung may mangyayari ulit na development mag-a-adjust na naman kami accordingly,” ayon kay Pascua.

 

Samantala, inaayos na ng DepEd ang dalawang sistema na ipatutupad para makumpleto ang final grade ng mga estudyante sa Metro Manila (MM) sa gitna ng umiiral na class suspension dahil sa banta ng COVID- 19.

 

Sa Laging Handa briefing sa New Executive Building (NEB), Malakanyang ay sinabi ni DepEd Usec Alain Pascua na bagama’t dalawang linggo na lamang ang natitirang school days ng mga mag-aaral sa public schools at sa susunod na linggo nakatakda ang mga fourth quarter exams ng mga estudyante ay isa aniya sa mga isinasapinal nila ay ang paggamit ng transmutation formula, o ‘yung pagco-compute ng grado ng mga mag-aaral mula 1st, 2nd at 3rd quarter plus ang remaining standing nila sa 4th quarter.

 

Ang formula raw na ito ay ilalabas nila sa porma ng isang DepEd memorandum o DepEd order.
Kung hindi naman kuntento ang mga mag-aaral sa kanilang remaining standing ay maaari naman aniya silang kumuha ng online exam.

 

Ang katuwiran ni Usec Pascua ay dahil 98-99% sa mga mag-aaral ay mayroon nang access sa teknolohiya at wifi.
Aniya, dito naman papasok ang DepEd Commons, kung saan ang mga natitirang lessons ng mga mag-aaral ay ma-a-access online at online na rin ang eksaminasyon.

 

At para naman sa mga mag-aaral na nasa labas ng Metro Manila na hindi nagpapatupad ng class suspension ay sinabi ni Usec Pascua, ang fourth quarter exam ay gagawin on a staggered basis na ang iIbig sabihin, papasok lamang ang mga magaaral sa mismong araw kung kailan sila nakatakdang mag-exam.

 

Sinabi nito na aniya ang mga hakbang na ipinatutupad ng DepEd para sa social distancing measures sa mga mag-aaral kontra COVID-19, sakop man o hindi ng class suspension. (Daris Jose)